DANIEL 2:45 - Bibəl ta Sar̄

⁴⁵ Ngōn̄ mbal̄ ń rəte kanjə̄ kadə̄ jī deē ɔdən ba reē tɔ̄ɔ̄ gində̄ ō, gində̄ nə̄ngā kasə ō, nánjə ō, gində̄ arjā̰a̰ ō, lɔ́r ō, á á̰a̰ā̰ ní ɔjə i gō yá̰á̰ ń noō. Kɔ́ɔ̄ ɓē gə̄, Nə́ɓā kə́ bo ɔjiī i yá̰á̰ ń a rāā yā reē ní. Nī ní i nī kə́ rɔ̄kum ō, kumən ń m-ɔ́jiī ní asə kadə̄ deē taā kem ō.

Bible sar

⁴⁵ Ngōn̄ mbal̄ ń rəte kanjə̄ kadə̄ jī deē ɔdən ba reē tɔ̄ɔ̄ gində̄ ō, gində̄ nə̄ngā kasə ō, nánjə ō, gində̄ arjā̰a̰ ō, lɔ́r ō, á á̰a̰ā̰ ní ɔjə i gō yá̰á̰ ń noō. Kɔ́ɔ̄ ɓē gə̄, Nə́ɓā kə́ bo ɔjiī i yá̰á̰ ń a rāā yā reē ní. Nī ní i nī kə́ rɔ̄kum ō, kumən ń m-ɔ́jiī ní asə kadə̄ deē taā kem ō.

DANIEL 2:45 Referans Kwoze

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

TA KƏLA 41:32

Adə̄ ré nī rāā Parao̰ nja i jōó ō, i nī gə̄ kə́ tītə̄ ń naā ō anī, kumən na i yá̰á̰ ń Nə́ɓā a sāā rāā ní, adə̄ a ɔr bā̰ā̰ loo rāān tə́ alé.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

PĀ GƏ̄ 48:1

I pā yā ngán Kore gə̄.

2 SAMUEL 7:22

Adə̄ Kɔ́ɔ̄ɓē Nə́ɓā, ḭ̄ i de kə́ bo, de kə́ tītīí gətóo. Nə́ɓā kə́ rang gətóo, ba i īkɔ́ ngóy tītə̄ ń j-oōń kə mbījí ní.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

TA KƏLA 41:28

Adə̄ tītə̄ ń na n-ədań ní, na i yá̰á̰ kə́ Nə́ɓā a rāā yā rāā ɓáý n əda Parao̰ kété kadə̄ ger̄ ní.

JEJU TEĒ KUM JA̰A̰ 19:17

Gō tə́ anī, m-á̰a̰ de kə́ dɔ rā̰ tə́ kógə̄ḿ ra kum mbang tə́ kə njan kə́ dɔɔ́. Ni-əga kɔŕ ngá̰ý ədań yel̄ gə̄ malang ń nēlə̄n̄ ɓōdə̄ rā̰ tə́ dɔɔ́ ní na kə reēn̄ kə ɔsən̄ dɔdə́ naā tə́ tām̄ yā yá̰a̰ kəsa kə́ ngá̰ý ń Nə́ɓā na a rāā tə́ ní.

JEJU TEĒ KUM JA̰A̰ 4:1

Gō yá̰a̰ gə̄ ń noō tə́ anī, yá̰á̰ ń m-á̰a̰ā̰ ní n toó: Teēn̄ ta róbə́ kógə̄ḿ dɔ rā̰ tə́, anī deē ń ɔr̄ najə̄ seḿ ta kəga dɔ á ndūn ɓār̄ tītə̄ kōō bərúnjə adə̄ m-ōō ní, əda na: Āl̄ kə̄ laā ādə̄ m-ɔ́jiī yá̰á̰ ń a rāā yā rāā yá̰a̰ gō tə́ ní.

JEJU TEĒ KUM JA̰A̰ 1:19

I beé ní, yá̰a̰ gə̄ ń á̰á̰də́ kɔ̄ɔ́ ō, yá̰a̰ gə̄ ń ā á̰á̰də́ toō ō, yá̰a̰ gə̄ ń a utə̄n̄ gōdə́ ɓáý ō ní, ī-ndangdə́ makətūbūú.

Najə̄ kə́ Majə yā Jeju ń Luk ndang ní 17:20

Parijiyḛ gə̄ dəjen̄ Jeju najə̄ dɔ ndɔ̄ ń Ɓē ko̰o̰ yā Nə́ɓā a reēń tə́ ní anī, ni-tél ədadə́ na: Ta reē Ɓē ko̰o̰ yā Nə́ɓā i yá̰á̰ kə́ to kadə̄ á̰a̰ī kə kumsí njóý njóý alé,

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

MATIYE 21:24

Jeju tél ədadə́ na n-gḛy dəjedə́ najə̄ kógə̄ḿ, na i najə̄ kə́ kal kógə̄ḿ beē ngóy. Ré na dalnən̄ ɓáa na n-a n-ədadə́ loo ń na n-teē kə tɔ́gə́ ń toō tū tə́ á na n-rāań yá̰a̰ gə̄ n toō ní ō.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

DANIEL 2:24

Gō tə́ anī Daniel aw̄ ɓē Ariok ń mban̄g ədan na kə tɔ̄l̄ ngé kum kedə̄ gə̄ kə́ Babilon tə́ ní. Ni-aw̄ ɔr̄ najə̄ seneé i beé, ədan na kə lōō tɔ̄l̄ ngé kum kedə̄ gə̄ kə́ Babilon tə́. Kə aw̄ seneé rɔ̄ mban̄g tə́ kadə̄ n-ɔjən kum nī yān.

PĀ GƏ̄ 145:3

Kɔ́ɔ̄ɓē i de kə́ bo, i náā n asə ger̄ gír. Ɓōkə́nən̄ tɔ̄ȳ asə kə̄ ta tə́ ta ngóy boon̄ gətóo.

PĀ GƏ̄ 135:5

A̰á̰ā̰, m̄-ger̄, Kɔ́ɔ̄ɓē i de kə́ bo, Kɔ́ɔ̄ɓē tɔȳ nə́ɓā gə̄ malang.

PĀ GƏ̄ 96:4

Tām̄ Kɔ́ɔ̄ɓē i de kə́ bo ō, majə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý ō, tɔȳ nə́ɓā gə̄ malang ń i ɓesə̄ gə̄ ní ō.

Makətūbə̄ yā Job 36:26

Á̰a̰ā̰, Nə́ɓā i kə́ bo, banī jə-gerī bo yān ní alé. Deē asə tə́da ɓālə̄n gə̄ alé.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, ngé tun̄ yá̰a̰ yājí gə̄ ō, ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

1 YÁ̰A̰ GƏ̄ 16:25

Tɔdɔ̄ Kɔ́ɔ̄ɓē i de kə́ bo ō, asə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý tɔȳ nə́ɓā gə̄ malang ń i ɓesə̄ gə̄ ní.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

DANIEL 2:29

Kɔ́ɔ̄ ɓē gə̄, dan ń ī-to nang tə́ ní, ī-to ā ī-gír̄ najə̄ i dɔ yá̰á̰ kə́ ndɔ̄ń tə́ ń a rāā yā reē tə́ ní. I tām̄ najə̄ ń noō tə́ n nge teē kə gíŕ yá̰á̰ kə́ to loo mundə̄ tə́ gēé ɔjiīneé yá̰á̰ kə́ a rāā yā reē ndōń tə́ ní.

DANIEL 8:25

Kumən edə̄ ngá̰ý adə̄ a gól̄ madə̄n gə̄. A ɔsə rɔ̄n kə̄ dɔɔ́, adə̄ dan ń loo a to lápə́ya ngá̰ý ɓáa ni a nujə kósə de kə́ ngá̰ý gə̄ kɔ̄ɔ́. Ni a ḭḭ yā rɔ̄ɔ̄ ngār kə́ dɔ ngār gə̄ tə́ banī a əsō kəsō kógə̄ḿ kə́ a tétə̄ rárák kanjə̄ kadə̄ jī deē ɔdə rɔ̄n.

TA KƏLA 41:26

Kó̰o̰ man̄g kə́ majə kə́ sīrí gə̄ ní na i ɓāl̄ kə́ sīrí gə̄ ō, dɔ kōō kə́ ngón̄g kə́ sīrí gə̄ ní na i ɓāl̄ kə́ sīrí gə̄ ō, adə̄ na i nī kə́ kógə̄ḿ beē.

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

Makətūbə̄ yā Aje 2:22

M-ā m̄-mbə́rē mban̄g gə̄ yā tə́nīdə́ ō, m-ā m̄-nujə tɔ́gə yā ɓē ko̰o̰ gə̄ kə́ dɔ nang tə́ ō, m-ā m̄-mbə́rē púsə rɔ̄ɔ̄ gə̄ kə ngé kal̄də́ gēé yā tə́nīdə́ ō. Tɔ́gə́ sə́nda gə̄ a gətóo ō, ngé kal̄də́ gə̄ a tɔ̄lə̄n̄ naā ō.