DANIEL 2:4 - Bibəl ta Sar̄

⁴ Kɔdə̄ sāā gə̄ tūr̄ ədan̄ mban̄g kə ta Aram na: Mban̄g, ādə̄ dɔí ngan̄g májə́ májə́! Ə́dájí nī ń rāāī ní, anī j-a j-ɔjiī kum.

Bible sar

⁴ Kɔdə̄ sāā gə̄ tūr̄ ədan̄ mban̄g kə ta Aram na: Mban̄g, ādə̄ dɔí ngan̄g májə́ májə́! Ə́dájí nī ń rāāī ní, anī j-a j-ɔjiī kum.

DANIEL 2:4 Referans Kwoze

DANIEL 5:10

Dan ń kó̰o̰ mban̄g oō najə̄ kɔr̄ mban̄g ō, de kə́ bo yān gə̄ ō anī, udə kem kújə kəsa yá̰á̰ tə́ ba un najə̄ ɔr̄, əda na: Kɔ́ɔ̄ ɓē gə̄, ādə̄ dɔí ngan̄g májə́ májə́! Ādə̄ gír̄ yāí gə̄ əlan̄ ɓōĺ kemií tə́ aĺ ō, ādə̄ ta kumií tetə ndaa aĺ ō!

DANIEL 3:9

Nin̄ ədan̄ mban̄g Nabukodonosor na: Kɔ́ɔ̄ ɓē gə̄, ādə̄ dɔí ngan̄g májə́ májə́!

ESDRAS 4:7

Ɓāl̄ ko̰o̰ ɓē yā Artajerses mban̄g kə́ Persə tə́ ní, Bisəlam ō Mitəredat ō Tabeel ō, nin̄ kə madə̄də́ kə́ rang gēé ndangən̄ makətūbə̄ adə̄n̄ Artajerses. Ndangən̄ makətūbə̄ ní i kə jī loo ndangən yā Aram gə̄ ō, i kə ta Aram ō.

IJAI 36:11

Eliakim ngōn̄ Hilkia ō Sebəna ō Yoa ō ədan̄ ngol nge kɔsə kíl Senakerib na: Ɔ̄r̄ najə̄ sejí jḭḭ ngé kəla yāí gēé kə ta Aram, tɔdɔ̄ jə-ger̄ ta Aram. Ba ī-lōō kɔr̄ najə̄ sejí kə ta Hebəroó ta mbī ngán Israel gə̄ ń ran̄ dɔ ndogə̄ mbal̄ yā ɓē tə́ ní.

DANIEL 6:21

Dan ń ugə̄ kə̄ ta tə́ ndɔr anī ɓāŕ Daniel kə ndūn kə́ to kum ko̰ó̰ ədan na: Daniel, nge kəla yā Nə́ɓā kə́ ndi kə kumneé, Nə́ɓā yāí ń ə́hɔ rɔ̄í tɔgə ī-na̰y kə̄ loo rāā kəla yān tə́ ní ajiī ta ɓɔl gə̄ tə́ a?

DANIEL 6:6

Tā anī de gə̄ ní ədan̄ naā na: Daniel ń toō j-a j-əngeī yá̰á̰ kógə̄ḿ kə́ gōtə́ aĺ kə́ yā sekə́nneé alé. Ré j-əngeī ɓáa i kə ta kūl̄ ndū najə̄ yā Nə́ɓā yān tá.

1 MBAN̄G GƏ̄ 1:31

Batəseba ɔsə non nang tə́ ō no mban̄g tə́ ō, ba əda na: Ādə̄ dɔ kɔ́ɔ̄ ɓē gə̄, mban̄g Dabid, ngan̄g májə́ májə́!

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

DANIEL 5:8

Ngé kum kedə̄ gə̄ malang ń a rāān̄ kəla yā mban̄g ní reēn̄, banī nin̄ asən̄ tə́dá yá̰á̰ ń ndangən̄ ní aĺ ō, asən̄ kɔjə mban̄g kum aĺ ō.

DANIEL 4:19

kɔ́ɔ̄ ɓē gə̄, kāgə̄ ní i ḭ̄! Tɔdɔ̄ ī-tél de kə́ bo ō tɔ́gí to ō, ī-tɔgə bátə́ ɔ́də no rā̰ ō, ó̰o̰ ɓē bátə́ ta ngóy dɔ nang tə́ ō.

DANIEL 4:7

Dan ń m̄-to dɔ tə̄rá yāḿ tə́ ní, yá̰á̰ ń m-á̰a̰ā̰ ní n toó: Kāgə̄ kógə̄ḿ kə́ bo ngá̰ý ra dɔ nang tə́ danaá bang.

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

NEHEMI 2:3

banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

1 MBAN̄G GƏ̄ 1:25

Tɔdɔ̄ ɓōólaā ni-aw̄ ta kəɓa man̄ kə́ Rogel tə́ aw̄ tun̄ man̄g kə́ bəra gə̄ ō, man̄g kə́ bəra kə́ bo majə gə̄ ō, batə̄ gə̄ ngá̰ý ō, ba mēr̄ ngání gə̄ ō, ngol ngé rɔ̄ɔ̄ gə̄ ō, Abiatar kə́ nge tun̄ yá̰a̰ ō, kaw̄ loo tun̄ yá̰á̰ ní tə́. Ndi a əsan̄ yá̰a̰ ō, a a̰ȳn̄ ō, seneé noō ba əga kɔŕ əda na kadə̄ dɔ mban̄g Adonia kə ngan̄g májə́ májə́!

1 SAMUEL 10:24

Samuel əda ngán Israel gə̄ malang na: Á̰a̰ī deē ń Kɔ́ɔ̄ɓē gə̄rān ní a? Dan ngán Israel gə̄ tə́ malang ní, de kə́ tītə̄n gətóo. Loo ń noō tə́ de gə̄ malang urən̄ kɔĺ rɔ̄nel̄ ba ədan̄ kə tɔ́gɔ́ na: Ādə̄ dɔ mban̄g ngan̄g májə́ májə́.

TA KƏLA 41:8

Teē dəloí anī kem Parao̰ ndi kə gōó alé, adə̄ ɓāŕ mbōlí gə̄ ō, ngé ger̄ yá̰á̰ ngá̰ý kə́ Ejiptə tə́ gə̄ ō, malang ɔjədə́ gotə nī ní tā, ba deē kógə̄ḿ kə́ asə kɔjən kum gətóo.

TA KƏLA 31:47

Laban əndā rī mbal̄ kə́ kán̄ dɔ naā tə́ ní na i Yegar Sahaduta, ba Jakob tá əndā rīn na i Galed.

2 MBAN̄G 18:26

Eliakim ngōn̄ Hilkia ō, Sebəna ō, Yoa ō, ədan̄ ngol nge kɔsə kíl Senakerib na: Ɔ̄r̄ najə̄ sejí jḭḭ ngé kəla yāí gēé kə ta Aram, tɔdɔ̄ jə-ger̄ ta Aram. Ba ī-lōō kɔr̄ najə̄ sejí kə ta Hebəroó ta mbī ngán Israel gə̄ ń ran̄ dɔ ndogə̄ mbal̄ yā ɓē tə́ ní.

DANIEL 1:4

Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.

DANIEL 2:7

Ngé mbōlí gə̄ tél ədan̄ mban̄g nja kə́ nge ko̰ jōó na: Mban̄g ɔjəjí gotə nī ń rāāī ní anī j-a j-ɔjiī kum.

DANIEL 4:9

Mbīn majə ngá̰ý ō, kanən̄ i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ɓɔ̄ɔ̄n̄ rɔ̄də́ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i ta jīn gə̄ tə́ ō. Dā̰ rɔ̄ malang a ənge yá̰a̰ kəsa yān i rɔ̄n tə́.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!