DANIEL 2:39 - Bibəl ta Sar̄

³⁹ Ko̰o̰ ɓē kə́ rang kə́ tɔ́gən asə kə yāí alé a to gotií tə́. Gō tə́ anī ko̰o̰ ɓē kə́ nge ko̰ mətá a to, i nge ń gində̄ nə̄ngá kasə ɔsə kum gotə ní ko̰o̰ ɓē ní a ndi dɔ de gə̄ malang kə́ dɔ nang tə́ tə́.

Bible sar

³⁹ Ko̰o̰ ɓē kə́ rang kə́ tɔ́gən asə kə yāí alé a to gotií tə́. Gō tə́ anī ko̰o̰ ɓē kə́ nge ko̰ mətá a to, i nge ń gində̄ nə̄ngá kasə ɔsə kum gotə ní ko̰o̰ ɓē ní a ndi dɔ de gə̄ malang kə́ dɔ nang tə́ tə́.

DANIEL 2:39 Referans Kwoze

DANIEL 2:32

Rāān̄ dɔn i kə́ lɔ́ŕ kə́ unjə̄ njáý njáý, ba rāān̄ nganjən ō jīn gə̄ ō i kə gində̄ arjā̰a̰á̰. Rāān̄ kemən ō ɓúrən gə̄ ō i kə gində̄ nə̄ngá kasaá.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

DANIEL 10:20

Ni-tél un najə̄ ɔr̄ ɓáý, əda na: Ī-ger̄ kum reē ń m̄-reē rɔ̄í tə́ ní a? Ngɔlaā m-ā m̄-tél yā kaw̄ gogə́ yā rɔ̄ɔ̄ mban̄g kə́ Persə ɓáý. M-ā m̄-teē ba mban̄g kə́ Gərek a reē.

DANIEL 8:20

Bal batə̄ ń á̰a̰ á gajən i jōó ní i mban̄g Medə gə̄ ō Persə gə̄ ō.

JAKARI 6:6

Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

JAKARI 6:3

i sə́ndá kə́ ndaa gə̄ n unən̄ púsə rɔ̄ɔ̄ kə́ nge ko̰ mətá ní ō, i sə́ndá kə́ kərē suk suk gə̄ n unən̄ púsə rɔ̄ɔ̄ kə́ nge ko̰ sɔ́ ní ō.

DANIEL 7:23

Ni ədam̄ kum yá̰á̰ ní əda na: Dā̰ kə́ nge ko̰ sɔ́ ní i ko̰o̰ ɓē kə́ nge ko̰ sɔ́ kə́ a to dɔ nang tə́. Gotə ko̰o̰ ɓē gə̄ malang ní ni a to tītə̄də́ alé. Ni a taā loo malang kə́ dɔ nang tə́ ō, a tə́ɓā dɔ nang kə njaneé ō, a gángə̄n naā tə́ ō.

DANIEL 2:38

Loo kə́ rá nəkɔ́ ń de gə̄ ō dā̰ gə̄ ō yel̄ gə̄ ō ndin̄ tū tə́ ní ni-əla dɔdə́ gír tɔ́gə yāí tə́. Nin̄ malang ní ni əndāī dɔdə́ tə́. Adə̄ dɔn kə́ rāā kə lɔ́rɔ́ ní i ḭ̄.

DANIEL 2:40

Gō tə́ anī ko̰o̰ kə́ nge ko̰ sɔ́ a to, i ko̰o̰ ɓē kə́ ngan̄g tītə̄ gində̄. Tītə̄ ń gində̄ i yá̰á̰ kə́ a tɔ̄ɔ̄ yá̰á̰ kə́ rang gə̄ malang ō, a əsa gotə yá̰á̰ kə́ rang gə̄ malang ō ní, ko̰o̰ ɓē ngeé ń toō a nujə ko̰o̰ ɓē gə̄ malang kə́ kété non tə́ kɔ̄ɔ́ ō, a əsadə́ kɔ̄ɔ́ ō.

DANIEL 8:21

Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.