DANIEL 2:35 - Bibəl ta Sar̄

³⁵ Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

Bible sar

³⁵ Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

DANIEL 2:35 Referans Kwoze

PĀ GƏ̄ 37:10

Na̰y dan i ngá̰ý to̰ alé kadə̄ nge kem ndul a gətóo kɔ̄ɔ́. Ká ə̄ndā ma̰ȳ gotə loo ń ni-ndi tū tə́ ní ngá̰ý gə̄gē anī, ā á̰a̰ gō tóon alé.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

JEJU TEĒ KUM JA̰A̰ 12:8

Banī rɔ̄ɔ̄ tetədə́ adə̄ əngen̄ loo dɔ rā̰ tə́ to̰ alé.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

1 KORḚNTƏ 15:25

Tɔdɔ̄ i gáŕ kadə̄ ni-o̰o̰ ɓē bátə́ kadə̄ Nə́ɓā tetə madə̄ ba̰ā̰n gə̄ malang rɔ̄ɔ̄, ba əladə́ gír njan tə́.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

PĀ GƏ̄ 103:16

Dan ń nél kə́ təngā piling əla anī ni-oy kɔ̄ɔ́ ō, dɔ loo ń ni-ra tū tə́ kété ní ndígə̄nalən kɔ̄ɔ́ ō.

PĀ GƏ̄ 86:9

Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

PĀ GƏ̄ 66:4

na de kə́ dɔ nang tə́ gə̄ malang na ɔsən̄ nodə́ nang tə́ non tə́ ō, na ənīn̄ pā ɔsən̄neé gɔnən ō tɔ̄ȳn̄neé rīn ō.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

PĀ GƏ̄ 37:36

Banī ni gətóo gír yān gān̄g kɔ̄ɔ́. m̄-sāā njan banī loo kəngen dum̄.

PĀ GƏ̄ 22:27

m̄-ɓāŕ ngé ndoō gə̄ adə̄ əsan̄ yá̰a̰ ndānə̄n̄. Adə̄ ngé sāā Kɔ́ɔ̄ɓē gə̄ ɔsən̄ gɔn Kɔ́ɔ̄ɓē ō, ndin̄ majə ta kaw̄ jóo ō!

Makətūbə̄ yā Job 6:17

Ngā nəngāá anī, man̄ dɔ mbal̄ iī kɔ̄ɔ́. Dan ń mbang ɔsə ngá̰ý anī, man̄ dɔ mbal̄ iī sa̰a̰ kɔ̄ɔ́ kə̄ loo nəkɔ́ ń noō tə́.

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.