DANIEL 2:34 - Bibəl ta Sar̄

³⁴ Ḭ̄ á̰á̰ yá̰á̰ kə́ tɔ́sə̄ adə̄ to tītə̄ deē ní beé, anī mbal̄ kógə̄ḿ rəte kanjə̄ kadə̄ jī deē ɔdən ba reē əsō dɔ njan kə́ rāā kə gindīí ō, kə nánjá ō ní tə́ adə̄ njan ní tɔ̄ɔ̄ yɔ́k yɔ́k kɔ̄ɔ́.

Bible sar

³⁴ Ḭ̄ á̰á̰ yá̰á̰ kə́ tɔ́sə̄ adə̄ to tītə̄ deē ní beé, anī mbal̄ kógə̄ḿ rəte kanjə̄ kadə̄ jī deē ɔdən ba reē əsō dɔ njan kə́ rāā kə gindīí ō, kə nánjá ō ní tə́ adə̄ njan ní tɔ̄ɔ̄ yɔ́k yɔ́k kɔ̄ɔ́.

DANIEL 2:34 Referans Kwoze

DANIEL 8:25

Kumən edə̄ ngá̰ý adə̄ a gól̄ madə̄n gə̄. A ɔsə rɔ̄n kə̄ dɔɔ́, adə̄ dan ń loo a to lápə́ya ngá̰ý ɓáa ni a nujə kósə de kə́ ngá̰ý gə̄ kɔ̄ɔ́. Ni a ḭḭ yā rɔ̄ɔ̄ ngār kə́ dɔ ngār gə̄ tə́ banī a əsō kəsō kógə̄ḿ kə́ a tétə̄ rárák kanjə̄ kadə̄ jī deē ɔdə rɔ̄n.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

IJAI 60:12

Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

2 KORḚNTƏ 5:1

Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

PĀ GƏ̄ 118:22

Mbal̄ ń ngé kəndā kújə gə̄ mbátə́n̄ kɔ̄ɔ́ ní, tél mbal̄ kə́ kíĺ kújə́ tə́.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

KƏLA RĀĀ 4:11

Jeju i deē ń ndangən̄ najə̄ ń toō dɔn tə́ kem makətūbūú ní, ndangən̄ na: Mbal̄ ń sḭḭ̄ ngé kəndā kújə gə̄ ī-mbātíī kɔ̄ɔ́ ní, tél mbal̄ kə́ majə kə́ ngəra kújə́ tə́.

JA̰A̰ 1:13

Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

DANIEL 2:33

Rāān̄ kāsə̄ njan gə̄ i kə gində̄ kə́ karīí, ba njan gə̄ tá rāān̄ núsən kə́rēý i kə gində̄ kə́ karīí ō núsən kə́rēý i kə nánjá ō.

EJEKIEL 32:28

Ta i dɔsí sḭḭ̄ de gə̄ kə́ Ejiptə tə́, adə̄ a tétə̄n̄sí rárák ō, de kə́ dəngam gə̄ kə́ kəja mɔtədə́ aĺ gə̄ ń tɔ̄lə̄n̄də́ ta rɔ̄ɔ̄ tə́ ní, a dubə̄n̄sí dandə́ tə́.

EJEKIEL 47:5

Ni mbɔ̄jə́ ngāl̄ loo asə kíl deē nja dūbú kógə̄ḿ ɓáý to̰. I man̄ kógə̄ḿ kə́ m-ásə kudə teē kə̄ gidə kógə̄ḿ tə́ alé, tɔdɔ̄ man̄ ní ḭḭ ngá̰ý. I man̄ kə́ sɔɔ̄ kadə̄ deē a al i mbée, i man̄ kə́ dum̄ kadə̄ deē njə̄rā kum tə́ teē kə̄ gidə kógə̄ḿ tə́.