DANIEL 2:23 - Bibəl ta Sar̄

²³ Nə́ɓā yā kaaḿ gə̄, m̄-rāāī kə́ra ō, m̄-ɓōkíī tɔ̄ȳ ō, tām̄ ādə̄m̄ kum kedə̄ ō tɔ́gə ō. Yá̰á̰ ń jə-dəjeī ní ḭ̄ ī-rāā ādə̄ m̄-ger̄, tɔdɔ̄ ī-rāā ādə̄ jə-ger̄ yá̰á̰ ń tōr̄ rɔ̄ mban̄g ní.

Bible sar

²³ Nə́ɓā yā kaaḿ gə̄, m̄-rāāī kə́ra ō, m̄-ɓōkíī tɔ̄ȳ ō, tām̄ ādə̄m̄ kum kedə̄ ō tɔ́gə ō. Yá̰á̰ ń jə-dəjeī ní ḭ̄ ī-rāā ādə̄ m̄-ger̄, tɔdɔ̄ ī-rāā ādə̄ jə-ger̄ yá̰á̰ ń tōr̄ rɔ̄ mban̄g ní.

DANIEL 2:23 Referans Kwoze

DANIEL 2:18

Ni mēr̄də́ rāā Nə́ɓā kə́ dɔ rā̰ tə́ ɓɔ́ kadə̄ rāā kem majə sedə́ ba kə ɔjədə́ nī kə́ to loo mundə̄ tə́ ní tá kadə̄ t ɔ̄l̄ə̄n̄neédə́ naā tə́ kə ngé kum kedə̄ gə̄ kə́ Babilon alé.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

Najə̄ kə́ Majə yā Jeju ń Luk ndang ní 10:21

Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

DANIEL 1:17

Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

PĀ GƏ̄ 50:14

Ādə̄ yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

JEJU TEĒ KUM JA̰A̰ 5:5

Banī deē kógə̄ḿ kə́ dan kum kɔɔ̄ gə̄ tə́ ədam̄ na kə m̄-nōō alé. Na kə m-á̰a̰ā̰, na ɓɔl kə́ gír ɓē yā Juda tə́ ń i de kə́ gír kaa yā Dabid tə́ ní, na tetə rɔ̄ɔ̄ yā kɔsəń mbō̰ kə́ sīrí gə̄ kə́ tū makətūbə̄ ní tə́ kɔr̄ ō, na tetə rɔ̄ɔ̄ yā teēń kemən ō.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

JA̰A̰ 11:41

Loo ń noō tə́ unən̄ mbal̄ kɔ̄ɔ́. Anī Jeju ənī kumən kə̄ dɔɔ́, ba əda na: Bɔbə́ḿ, m̄-ndadə̄ m-ādī, tɔdɔ̄ ḭ̄ ōō ndūḿ.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.

Gōsə̄ najə̄ gə̄ 24:5

Nge kum kedə̄ i de kə́ tɔ́gən to ō, yá̰a̰ gə̄ ń ni ger̄də́ ní rāān̄ adə̄ tɔ́gən reē dɔ madə̄ tə́ ō.

Gōsə̄ najə̄ gə̄ 21:22

De kə nge kum kedə̄ asə kənī ɓē kə́ ngan̄g rɔ̄ɔ̄ ō, asə nujə kújə́ kə́ ngan̄g ń de kə́ kem ɓēé gə̄ əndān̄ kemdə́ dɔ tə́ ní ō.

Gōsə̄ najə̄ gə̄ 8:14

Kadə̄ kɔjə̄ ō, yá̰á̰ kə́ teē majə ō, i yá̰á̰ kə́ gír jīḿ tə́ gə̄. Ger̄ kum yá̰a̰ i yá̰a̰ yāḿ ō, ngan̄g i yá̰a̰ yāḿ ō.

2 YÁ̰A̰ GƏ̄ 20:6

ba əda na: Kɔ́ɔ̄ɓē, Nə́ɓā yā kaají gə̄, i ḭ̄ n i Nə́ɓā dɔ rā̰ tə́ ō, ī-ndi dɔ ɓē ko̰o̰ gə̄ malang yā nápar de gə̄ tə́ ō ní aĺ a? Tɔ́gí to ō, ī-ngan̄g ō, adə̄ de kə́ asə rɔ̄ɔ̄ seí gətóo.

1 YÁ̰A̰ GƏ̄ 29:13

Nə́ɓā yājí, i tām̄ najə̄ ń noō tə́ n j-ɔsəń gɔnií ō, jə-tɔ̄yń rīí kə́ majə ngá̰ý ō ní.

1 YÁ̰A̰ GƏ̄ 29:10

Dabid tɔ̄ȳ Kɔ́ɔ̄ɓē ta kum ngé kán̄ naā gə̄ tə́ malang əda na: Kɔ́ɔ̄ɓē, Nə́ɓā yā kaaḿ Israel, ādə̄ de gə̄ ɓōkə́nī tɔ̄ȳ kə kum mbang gə̄ malang.

1 MBAN̄G GƏ̄ 18:36

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.

1 MBAN̄G GƏ̄ 8:57

Ní, ādə̄ Kɔ́ɔ̄ɓē Nə́ɓā yājí i sejí naā tə́ tītə̄ ń ni i naā tə́ kə kaají gēé kété ní. Ādə̄ ni-mbātə́jí aĺ ō, əya̰jí kɔ̄ɔ́ aĺ ō.

TA KƏLA 18:17

Kɔ́ɔ̄ɓē əda na: Yá̰á̰ ń m̄-sāā rāā ní, kə m̄-mundə̄ Abəraham a?

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

KOHELET 9:16

Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

TA KƏLA 31:42

Ré Nə́ɓā yā kaaḿ Abəraham, nge ń Isaak a ɓōlə́n ní i seḿ aĺ anī, ā ī-tə̄ɓām̄ i jīḿ karī. Nə́ɓā a̰a̰ tápə̄ yāḿ ō, a̰a̰ kəla ń m̄-rāā kə jīḿ ní ō, adə̄ ndɔ̄ɔ́ laā ni gān̄g i sarya kə́ majə tām̄ yāḿ tə́.

PĀ GƏ̄ 21:2

Kɔ́ɔ̄ɓē, mban̄g rāā rɔ̄nel̄ tɔ́gí kə́ ngá̰ý. Dan ń ī-tetə rɔ̄ɔ̄ ādə̄n ní rɔ̄n nelə̄n ngá̰ý!

PĀ GƏ̄ 21:4

Ḭ̄ ɔ́ý yá̰á̰ kə́ majə gə̄ ngá̰ý dɔí tə́, ī-tə́nań tan yā rāań majə seneé. Ḭ̄ ə́la jākā mbang kə́ rāā kə lɔ́rɔ́ dɔn tə́.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.