DANIEL 2:22 - Bibəl ta Sar̄

²² I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

Bible sar

²² I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

DANIEL 2:22 Referans Kwoze

Makətūbə̄ yā Job 12:22

Ni i nge kɔr̄ ngə̄rā ndɔ̄ gír bəlo loo kə́ rúú ngá̰ý tə́ gə̄ ō, nge teē kə ndíl yoó ndágá kum loo kə́ unjə̄ kow tə́ ō.

1 JA̰A̰ 1:5

Ba najə̄ ń j-oō tan tə́ ō, j-ədasí kadə̄ sḭḭ̄ ī-gerī ō ní n toó: Nə́ɓā i loo kə́ unjə̄ kow, ba loo kə́ risə til gətóo kemən tə́.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

DANIEL 2:11

Yá̰á̰ ń mban̄g na dəje ní na i yá̰á̰ kə́ ngan̄g ngá̰ý, adə̄ de kə́ asə kɔjən na gətóo, ré na i nə́ɓā gə̄ ń loo ndidə́ i kə de ndul gēé aĺ ní ta na asən̄.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

IJAI 41:22

Ī-ndɔ́tī kə̄ kété ba ə́daījí yá̰á̰ ń a rāā yā rāā yá̰á̰ ní! Yá̰á̰ ń rāā yá̰a̰ kɔ̄ɔ́ ɓá ní i rí? Ɔ́jiī yá̰á̰ ní, anī j-a jə-gír̄ yá̰a̰ dɔ tə́. Aĺ ɓáa ə́daījí najə̄ kə́ dɔ taa kə́ ndɔ̄ń tə́, anī yá̰á̰ ń a rāā yā reē ní, j-a jə-ger̄.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

Makətūbə̄ yā Job 26:6

Tɔdɔ̄ loo kə́ ɓádá to i kə̄ dɔ ndágá doy ta kum Nə́ɓā tə́ ō, yá̰á̰ kə́ utə̄ dɔ bəlo kə́ bo gətóo ta kumən tə́ ō.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

JA̰A̰ 1:9

Najə̄ ní i loo kə́ unjə̄ kow kə́ rɔ̄kum. Ni-reē dɔ nang tə́ adə̄ unjə̄ dɔ de gə̄ tə́ malang.

MATIYE 13:13

I tām̄ najə̄ ń noō tə́ n m-ún gidə najə̄ kə̄ gogə́ tá m-ɔ̄r̄ sedə́ ní. I najə̄ ka̰a̰ kə́ nin̄-a̰a̰n̄ loo, ba a̰a̰n̄ yá̰a̰ aĺ tə́ ō, koō kə́ nin̄-oōn̄ loo, ba oōn̄ kōō yá̰a̰ aĺ tə́ ō, gerə̄n̄ kum yá̰a̰ aĺ tə́ ō.

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

IJAI 42:9

Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

IJAI 41:26

I náā n əda yá̰á̰ ń noō kété ta kəla gíŕ tə́ yā rāań kadə̄ jə-ger̄ ní? I náā n tāājí kété jóo yā kadə̄ j-ədań na: I najə̄ kə́ rɔ̄kum ní? De kə́ əda yá̰á̰ kógə̄ḿ kété gətóo, de kə́ teē tan gətóo, najə̄ kógə̄ḿ kə́ teē tasí tə́ gə̄gē deē oō alé!

TA KƏLA 41:16

Jəjep tél əda Parao̰ na i ni alé, na i Nə́ɓā n asə kɔjən kum nī kə gōó majə ní.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

NDŪ NAJƏ̄ 29:28

Yá̰a̰ gə̄ ń ton̄ loo mundə̄ tə́ ní, i Kɔ́ɔ̄ɓē Nə́ɓā yājí ngóy n i nge ger̄də́ ní. Banī yá̰a̰ gə̄ ń teēn̄ kumjí dɔ tə́ ní, i tām̄ yājí tə́ ō, ngáńjí gə̄ tə́ ō, ngán kaají gə̄ tə́ ō, ngándáńg. Yá̰a̰ gə̄ ní i yá̰á̰ kə́ yā rāā gə̄ ń ndū najə̄ yā Nə́ɓā əda kadə̄ jə-rāāī ní.

KOHELET 8:1

I náā n to tītə̄ nge kum kedə̄ ō, ger̄ kum yá̰a̰ gə̄ ō ní? Kum kedə̄ yā deē rāā adə̄ ta kumən ndə́lē ō, dɔ kumən kə́ majaĺ tūr̄ ō.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.