DANIEL 2:21 - Bibəl ta Sar̄

²¹ I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

Bible sar

²¹ I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

DANIEL 2:21 Referans Kwoze

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

Makətūbə̄ yā Job 12:18

Ni-taā ko̰o̰ ɓē jī mban̄g gə̄ tə́ kɔ̄ɔ́, ba əla kūbə̄ dəngáy rɔ̄də́ tə́.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

Teē Ngán Israel gə̄ 31:3

m̄-rāā adə̄ Ndílə́ḿ rosə kemən, kadə̄ kumən edə̄ ngá̰ý ō, kadə̄ dɔn un yá̰á̰ láẃ ngá̰ý ō, kadə̄ ger̄ yá̰á̰ ngá̰ý ō, kadə̄ ger̄ loo rāā kəla gə̄ malang ō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

DANIEL 2:9

ré na ɔjənən̄ kum nī ń na rāān ní adə̄ na n-ger̄ aĺ anī, sarya ń n-a n-gān̄g dɔdə́ tə́ ní na i sarya kə́ kógə̄ḿ beē malang. Nin̄ na oōn̄ naā kadə̄ ré reēn̄ ta kumən tə́ ɓáa kə ədan̄ na i najə̄ kə́ sor̄ gə̄ ō, kə gólə̄n̄ na i loo ō, bátə́ kadə̄ yá̰a̰ gə̄ kə tūrə̄n̄neé rɔ̄də́. Adə̄ kə ɔjənən̄ gotə nī ń na rāān ní, loo ń noō tə́ na n-a n-ger̄ kadə̄ na a ɔjənən̄ kum.

1 YÁ̰A̰ GƏ̄ 22:12

Ādə̄ Kɔ́ɔ̄ɓē rāā seí adə̄ ī-ger̄ kəndā ma̰ȳ yá̰a̰ ō, ādə̄ adī ger̄ yá̰a̰ ō, kadə̄ ī-ngɔ̄məń ndū najə̄ yān dan ń a adī əndā ó̰o̰ ɓē dɔ Israel gə̄ tə́ ní.

1 MBAN̄G GƏ̄ 10:24

De kə́ dɔ nang tə́ gə̄ malang a sāān̄ i ka̰a̰ Salomo̰ yā koō najə̄ kə́ kə kum kedēé gə̄ ń Nə́ɓā adə̄n kemən tə́ ní.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

DANIEL 11:6

Asə ɓāl̄ kóndóńg wań anī a əhɔn̄ madə̄ naā, adə̄ ngōn̄ mban̄g kə́ dām̄ mbɔ́r ɓē kə́ geleé tə́ kə́ dəyá̰ a reē ɓē mban̄g kə́ dām̄ mbɔ́r ɓē kə́ ko̰ó̰ tə́ kadə̄ míndə́də́ əsōn̄ gō naā tə́. Banī jī deē kógə̄ḿ i gírən tə́ aĺ ō, gír kojə yān a ndi aĺ ō. Dan ngeé ń noō tə́ ní nəkɔ́ a oy ō, ngé reē seneé gə̄ a oyn̄ ō, naā tə́ kə bɔbə̄n ō, kə ngaaneé ō.

1 YÁ̰A̰ GƏ̄ 29:30

Ɔjən̄ najə̄ ko̰o̰ ɓē yān kemeé ō, najə̄ ngangə̄n ō, yá̰á̰ kə́ ngan̄g gə̄ ń əngen ní ō, yá̰á̰ kə́ ngan̄g gə̄ ń rāā Israel gə̄ ō, ɓē ko̰o̰ gə̄ malang ní ō.

Teē Ngán Israel gə̄ 31:6

M-ə̄ndā Oholiab ngōn̄ Ahisamak kə́ gír ɓē yā Dan tə́ kadən tə́ ō, m-ādə̄ kɔdə̄ gə̄ kum kedə̄ ngá̰ý kə dɔdə́ gēé ō, adə̄ a rāān̄ yá̰a̰ gə̄ ń m-ɔ́jiī ní malang.

ESTER 1:13

Mban̄g dəje gír̄ kə kem ngé ger̄ ndū najə̄ gə̄ tə́ ō jī bēl̄ loo rāā yá̰a̰ gə̄ tə́ ō, tɔdɔ̄ aw̄n̄ kə najə̄ yān malang i nodə́ nin̄ tə́.

Makətūbə̄ ń Pol ndang adə̄ Rom gə̄ ní 13:1

Ādə̄ de gə̄ kógə̄ḿ kógə̄ḿ sɔlə̄n̄ dɔdə́ kə̄ no ngé ko̰o̰ ɓē gə̄ tə́. Tɔdɔ̄ ko̰o̰ ɓē i jīdə́ tə́. Tɔdɔ̄ ngār, i Nə́ɓā n əndā ō, ngé gə̄ ń ndin̄ ngār ní, i Nə́ɓā n əndādə́ dɔ madə̄də́ gə̄ tə́ ō ní. Tām̄ ko̰o̰ ɓē malang ḭḭ i rɔ̄ Nə́ɓā tə́ ō, ngé gə̄ ń ko̰o̰ ɓē i jīdə́ tə́ ní, i Nə́ɓā n əndādə́ kem kəla ko̰o̰ ɓē ní tə́ ō.

DANIEL 1:17

Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

DANIEL 2:20

əda na: Ādə̄ jə-rāāī Nə́ɓā kə́ra kə kum mbang gə̄ malang! Tɔdɔ̄ kum kedə̄ ō tɔ́gə ō i yá̰a̰ yān gə̄.

DANIEL 2:23

Nə́ɓā yā kaaḿ gə̄, m̄-rāāī kə́ra ō, m̄-ɓōkíī tɔ̄ȳ ō, tām̄ ādə̄m̄ kum kedə̄ ō tɔ́gə ō. Yá̰á̰ ń jə-dəjeī ní ḭ̄ ī-rāā ādə̄ m̄-ger̄, tɔdɔ̄ ī-rāā ādə̄ jə-ger̄ yá̰á̰ ń tōr̄ rɔ̄ mban̄g ní.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

DANIEL 4:14

Yá̰á̰ ní a rāā yá̰a̰ i kə ta kūl̄ yá̰á̰ kə́ yā ndang kadə̄ yā rāā yā de kə́ dɔ rā̰ tə́ gēé, yā kadə̄ ngé ndi kə kumdə́ gə̄ malang ger̄nə̄n̄neé kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́. I deē ń kemən ndigə kadə̄n ko̰o̰ ɓē ní n ni a adə̄n ko̰o̰ ɓē ní. Deē ń tél kə rɔ̄neé kə̄ nang tə́ tɔȳ yā de gə̄ malang ní gə̄gē, ni asə kɔsən kə̄ dɔɔ́ yā kəndān dɔ ɓē tə́.

DANIEL 4:22

A təbānī kɔ̄ɔ́ dan de gə̄ tə́. Ā ī-ndi i dan dā̰ kə́ bembeé gə̄ tə́. Ā ə́sa i mu tītə̄ yā man̄g gə̄ ō, tal a əhɔ dɔí tə́ ō. Ā ī-ndi i tītə̄ ń noō bátə́ ɓāl̄ sīrí. ré gír ɓāl̄ kə́ sīrí gə̄ gān̄g anī, ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ɓē ko̰o̰ yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.