DANIEL 2:20 - Bibəl ta Sar̄

²⁰ əda na: Ādə̄ jə-rāāī Nə́ɓā kə́ra kə kum mbang gə̄ malang! Tɔdɔ̄ kum kedə̄ ō tɔ́gə ō i yá̰a̰ yān gə̄.

Bible sar

²⁰ əda na: Ādə̄ jə-rāāī Nə́ɓā kə́ra kə kum mbang gə̄ malang! Tɔdɔ̄ kum kedə̄ ō tɔ́gə ō i yá̰a̰ yān gə̄.

DANIEL 2:20 Referans Kwoze

PĀ GƏ̄ 113:2

Ādə̄ de gə̄ əlan̄ gír rāā Kɔ́ɔ̄ɓē kə́ra ngɔr ń toō tə́ ō, bátə́ kə̄ no tə́ ō!

Makətūbə̄ yā Job 12:13

Ba kə́ rɔ̄kum tə́ ní, kum kedə̄ ō, tɔ́gə ō, i kem jī Kɔ́ɔ̄ɓē tə́. Kɔjə̄ ō, ger̄ kum yá̰a̰ ō, i yá̰a̰ yān gə̄.

JEJU TEĒ KUM JA̰A̰ 5:12

Nin̄-unən̄ ndūdə́ kə̄ dɔɔ́ ngá̰ý ədan̄neé na: Ngōn̄ batə̄ ń əjan̄ míndən ní, asə kənge tɔ́gə ō, yá̰a̰ kənge ō, kum kedə̄ ō, ngan̄g ō, rɔȳ ō, kɔsə gɔn ō, tɔ̄ȳ ō.

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.

PĀ GƏ̄ 147:5

Kɔ́ɔ̄ɓē yājí i de kə́ bo ō, tɔ́gən i ngá̰ý ō. Deē asə mbɔ̄jə́ ger̄ yá̰a̰ yān alé.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

Gōsə̄ najə̄ gə̄ 8:14

Kadə̄ kɔjə̄ ō, yá̰á̰ kə́ teē majə ō, i yá̰á̰ kə́ gír jīḿ tə́ gə̄. Ger̄ kum yá̰a̰ i yá̰a̰ yāḿ ō, ngan̄g i yá̰a̰ yāḿ ō.

PĀ GƏ̄ 115:18

Banī jḭḭ jə-rāā Kɔ́ɔ̄ɓē kə́ra. J-əla gír rāān kə́ra i ngɔr ń toō tə́ ō bátə́ kə̄ no tə́ ō. Aleluya!

1 MBAN̄G GƏ̄ 8:56

m̄-tɔ̄ȳ Kɔ́ɔ̄ɓē ń adə̄ Israel gə̄ ń i gír deē yān gə̄ ní loo kɔr̄ koō tītə̄ ń ədań kété ní. Kɔ́ɔ̄ɓē əda kété na najə̄ kə́ majə gə̄ malang ń n-əndā ta nge kəla yān Moijə tə́ adə̄ əda ní kə́ kógə̄ḿ kə́ əsō kɔ̄ɔ́ na gətóo.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

PĀ GƏ̄ 62:11

Ī-lōōī kəndā kemsí dɔ dɔ́nɔ́ tə́, ī-lōōī kəndā kemsí dɔ yá̰á̰ kə́ ɓogə tə́. Ré yá̰a̰ kənge yāsí reē ngá̰ý kə̄ dɔ naā tə́ anī, ī-lōōī kəndā kemsí dɔ tə́.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

PĀ GƏ̄ 41:13

Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō, ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.

2 YÁ̰A̰ GƏ̄ 20:21

Josapat oōn̄ naā kə ngán Israel gēé ba əndā ngé pā gə̄ kə́ tə́lan̄ kūbə̄ kə́ táĺ gə̄ rɔ̄də́ tə́ kadə̄ njə̄rān̄ kété no ngé rɔ̄ɔ̄ gə̄ tə́ kadə̄ ɔsən̄ gɔn Kɔ́ɔ̄ɓē kə pāá ədan̄ na: Ī-tɔ̄yī Kɔ́ɔ̄ɓē tɔdɔ̄ kem majə yān to ngándáńg.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

TA KƏLA 14:20

Ādə̄ de gə̄ tɔ̄ȳn̄ Nə́ɓā kə́ dɔɔ́ ń əla madə̄ ba̰ā̰í gə̄ kem jīí tə́ ní. Ba Abəram ɔr̄ dɔ yá̰a̰ malang kə́ nge ko̰ kutə adə̄n.

PĀ GƏ̄ 113:1

Aleluya! Sḭḭ̄ ngé rāā kəla yā Kɔ́ɔ̄ɓē gə̄, ī-tɔ̄yī, ī-tɔ̄yī rī Kɔ́ɔ̄ɓē.

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,