DANIEL 2:11 - Bibəl ta Sar̄

¹¹ Yá̰á̰ ń mban̄g na dəje ní na i yá̰á̰ kə́ ngan̄g ngá̰ý, adə̄ de kə́ asə kɔjən na gətóo, ré na i nə́ɓā gə̄ ń loo ndidə́ i kə de ndul gēé aĺ ní ta na asən̄.

Bible sar

¹¹ Yá̰á̰ ń mban̄g na dəje ní na i yá̰á̰ kə́ ngan̄g ngá̰ý, adə̄ de kə́ asə kɔjən na gətóo, ré na i nə́ɓā gə̄ ń loo ndidə́ i kə de ndul gēé aĺ ní ta na asən̄.

DANIEL 2:11 Referans Kwoze

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 14:17

De kə́ dɔ nang tə́ gə̄ asən̄ kəhɔn kə̄ rɔ̄də́ tə́ alé, tɔdɔ̄ nin̄-a̰a̰nən̄ aĺ ō, ger̄nən̄ aĺ ō. Ba sḭḭ̄ ī-ger̄niī, tɔdɔ̄ ni-ndi sesí ō, ndi kemsí tə́ ō.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

MATIYE 19:26

Jeju əndā kumən dɔdə́ tə́ a̰a̰də́ ba ədadə́ na: A dum̄ de gə̄, banī yá̰á̰ kə́ dum̄ Nə́ɓā gətóo.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

Teē Ngán Israel gə̄ 29:45

M-ā m̄-ndi dan ngán Israel gə̄ tə́ ō, mā i Nə́ɓā yādə́ ō.

TA KƏLA 41:39

Ni tél əda Jəjep na tītə̄ ń Nə́ɓā na ɔjən yá̰a̰ gə̄ ń toō malang adə̄ na ger̄ ní, de kə́ rang kə́ ger̄ yá̰a̰ ō, kumən edə̄ tītə̄ yān ō na gətóo.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

PĀ GƏ̄ 132:14

Ni əda wáńg na: Loo kɔr̄ koō yāḿ kə́ a to ta kaw̄ jóo n toó, i loo ń toō n m̄-sāā ndi tū tə́ ní.

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.

2 YÁ̰A̰ GƏ̄ 6:18

Nə́ɓā asə ndi kə deē ndul gēé dɔ nang tə́ rɔ̄kum a? Dɔ rā̰ ń laa ngá̰ý ní gə̄gē ba asə ndin aĺ anī, kújə́ ń m̄-rāā toó tá a asən i ba̰ý?

1 MBAN̄G GƏ̄ 8:27

Ba Nə́ɓā a ndi ɓē dɔ nang tə́ kə de gēé a? De rāā ń laa ngá̰ý ní gə̄gē ba asə ndin aĺ anī kújə́ ń m̄-rāā ní tá a asə i ba̰ý?

TƏ́DA 35:34

Dɔ nang ń ī-ndiī tū tə́ á m-ā m̄-ndi tū tə́ ō ní, ā ī-rāāī kadə̄ majaĺ tákə̄ alé, tɔdɔ̄ mā i Kɔ́ɔ̄ɓē ō, m̄ndi dan ngán Israel gə̄ tə́ ō.

Teē Ngán Israel gə̄ 8:19

Yá̰á̰ kə́ tōr̄ ń a reē dɔ gír deē yān gə̄ tə́ ní na a reē dɔ gír deē yān ni Kɔ́ɔ̄ɓē tə́ alé. Yá̰á̰ kə́ yáā ń noō na a rāā yá̰a̰ na i bírí.

TA KƏLA 41:8

Teē dəloí anī kem Parao̰ ndi kə gōó alé, adə̄ ɓāŕ mbōlí gə̄ ō, ngé ger̄ yá̰á̰ ngá̰ý kə́ Ejiptə tə́ gə̄ ō, malang ɔjədə́ gotə nī ní tā, ba deē kógə̄ḿ kə́ asə kɔjən kum gətóo.

IJAI 47:12

I beé ní, ngé kəga gə̄ malang ō, ngé mbōlí gə̄ ō ní, ī-na̰y kə̄ loo kaw̄ koō yādə́ tə́. Ə́lá gír kɔr̄ gōdə́ tə́ i jóó ngá̰ý, i dan ń ḭ̄ i balsáá ɓáý ní. Majanī a majə seí, majanī ā ī-ger̄ loo rāā madí gə̄ kadə̄ ɓōlə́n̄.

DANIEL 4:4

Dan ń mbōlí gə̄ ō, ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō, reēn̄ anī m-ɔ́jə́də́ gotə nī ní, banī nin̄ ɔjəmə̄n̄ kum alé.