DANIEL 12:9 - Bibəl ta Sar̄

⁹ Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

Bible sar

⁹ Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

DANIEL 12:9 Referans Kwoze

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

JEJU TEĒ KUM JA̰A̰ 10:4

Dan ń ndán̄g man̄ kə́ sīrí gə̄ ɔrə̄n̄ najə̄ oy á m̄-rāā yā ndang najə̄ gə̄ ní anī, m-ōō ndū deē kógə̄ḿ ɔr̄ najə̄ dɔ rā̰ tə́ əda na: Najə̄ ń ndán̄g man̄ kə́ sīrí gə̄ ɔrə̄n̄ ní, kə m-ɔ́r mbō̰ ta tə́, ba kə m̄-lōō ndang.

IJAI 29:11

Yá̰a̰ gə̄ ń toō malang ń i kə́ kəda ní, tām̄ yāsí tə́ ɓáa ton̄ i tītə̄ najə̄ gə̄ kə́ ton̄ kem makətūbə̄ kə́ kutə̄ ta kə tīw̄ tejeé tə́ beē. Makətūbə̄ ní adə̄n̄ deē kógə̄ḿ kə́ ger̄ tə́da makətūbə̄ ba ədanən̄ dɔ tə́ na: Ī-tə́da makətūbə̄ ń toō tā! Banī ni tūr̄ əda na: M-ásə́ tə́da alé, makətūbə̄ ní i kə́ kutə̄ ta kɔ̄ɔ́.

IJAI 8:16

m̄-ngɔ̄m̄ najə̄ ní gíŕ yá̰á̰ kógə̄ḿ tə́, m-ə̄nī yá̰á̰ ndóō ní loo kógə̄ḿ kə́ yá̰a̰ a ɔdə rɔ̄ tū tə́ aĺ tə́. I ngé kun gō yá̰á̰ ndóō gə̄ ngóy n m-ɔ́jə́də́ ní.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

DANIEL 12:8

Mā Daniel m-ōō najə̄ ní ba m̄-ger̄ kum alé, adə̄ m̄-dəje najə̄ m-ə́da na: Kɔ́ɔ̄ḿ, ta yá̰a̰ gə̄ ń noō a to i ba̰ý?