DANIEL 12:7 - Bibəl ta Sar̄

⁷ De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

Bible sar

⁷ De kə́ nge kūbə̄ *lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

DANIEL 12:7 Referans Kwoze

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

JEJU TEĒ KUM JA̰A̰ 12:14

Banī adə̄n̄ dəyá̰ ní bɔ̄gə̄ kə̄rō kə́ bo ngá̰ý gə̄ jōó, kadə̄ ḭḭń bɔ̄gə̄ ta kaw̄ kə̄ mángá, loo ń rāān̄ tām̄ yān tə́ ní, yā kadə̄ a̰a̰n̄ gōn tū tə́ kə yá̰a̰ kəsaá ɓāl̄ mətá kə nāā mehḛ́, sa̰y kɔ̄ɔ́ ta kum lī tə́.

DANIEL 8:24

Tɔ́gən a aw̄ i kum kə̄ kété kété, ba tɔ́gə́ ní ḭḭ i rɔ̄n nəkɔ́ tə́ alé. Ni a nujə loo nujə kə́ to ɓōĺ ngá̰ý ō, kəla rāān a udə gírí ō. Ni a nujə de kə́ ngan̄g gə̄ kɔ̄ɔ́ ō, a nujə gír de kə́ táĺ gə̄ kɔ̄ɔ́ ō.

JEJU TEĒ KUM JA̰A̰ 13:5

Adə̄n̄ dā̰ kə́ to tītə̄ kagə ní tam ta kə́ yā ngonjə̄ń ō, tájəń Nə́ɓā ō. Adə̄nən̄ tɔ́gə́ kə́ yā rāań yá̰á̰ bátə́ nāā kutə sɔ́ gidə i jōó ō.

JEJU TEĒ KUM JA̰A̰ 12:6

Dəyá̰ ní a̰ȳ aw̄ kem dəla loo tə́, loo ń Nə́ɓā rāā loo tū tə́ tām̄ yān tə́, yā kadə̄ a̰a̰n̄ gōn tū tə́ kə yá̰a̰ kəsaá ndɔ̄ 1260 ní.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

NDŪ NAJƏ̄ 26:19

Rɔ̄kum, Kɔ́ɔ̄ɓē Nə́ɓā yāí ndigə kadə̄ kɔsə gɔn kə́ tām̄ yāí tə́ ō, rī ɓār̄ yāí ō, loo kə́ bo yāí ō, tɔȳ yā nápar de gə̄ malang ń ni əndādə́ ní ō, kadə̄ ḭ̄ i gír de kə́ tal kə́ tām̄ yā kəla yān tə́ tītə̄ ń ədań ní ō.

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

DANIEL 12:6

Dəjen̄ nge kūbə̄ lḛ́ḛ́ ń ra dɔ man̄ bā tə́ ní na ké yá̰á̰ kə́ to kɔr kum gə̄ ní ké gíŕdə́ a gān̄g i rə́ngáý tə́ wa.

DANIEL 11:13

Mban̄g kə́ dām̄ mbɔ́r ɓē kə́ ko̰ó̰ tə́ a tél dɔ tə́ yā kaw̄ gogə́. Banī a aw̄ yā kɔy de gə̄ ngá̰ý tɔȳ kə́ kété ɓáý yā rɔ̄ɔńsí ɓāl̄ kóndóńg wań anī a tél dɔ tə́ yā reē kə de kə́ ngá̰ý gə̄ ní ō, kə yá̰a̰ rɔ̄ɔ̄ gə̄ ngá̰ý ō.

DANIEL 8:14

Ni ədam̄ na: I bátə́ kadə̄ loo tíbə ō tīī ō nja dūbú jōó kə ɓú mətá. Gō tə́ anī a tə́gon̄ loo kə́ táĺ kadə̄ unjə̄ njáý njáý.

NDŪ NAJƏ̄ 32:40

M-ɔ́y jīḿ kə̄ dɔɔ́ ba m-ə̄nī ndūḿ kə najə̄ ń toō: m̄-ndi kə kumḿ ngándáńg.

Najə̄ kə́ Majə yā Jeju ń Luk ndang ní 21:14

Ə̄ndāī kemsí tə́ majə kadə̄ yá̰á̰ ń i kə́ yā kadə̄ ā ə́daī yā nējəń najə̄ dɔsí tə́ ní, sḭḭ̄ n ā ī-rāāī loon kemsí tə́ kété ní alé.

Makətūbə̄ yā Job 27:2

m̄-túbə kə Nə́ɓā ń ndi kə kumneé ní, ni ń mbātə́ ger̄ yá̰á̰ kə́ gōtə́ yāḿ ní. m̄-túbə kə Nə́ɓā kə́ tɔ́gən i ngá̰ý, ni ń rāā adə̄ rɔ̄ḿ atə̄m̄ ngá̰ý ní.

JEJU TEĒ KUM JA̰A̰ 4:9

Kə dɔ kɔsə ń yá̰á̰ kə́ kə kumuú kə́ sɔ́ gə̄ ní a ɔsənə̄ń gɔn nge ń ndi dɔ kōr̄ kāgə̄ mbang tə́, adə̄ i nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, kə dɔ rɔȳ ń nin̄ a rɔȳnən̄ ō, a ndadə̄ adə̄nən̄ ō ní,

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

EJEKIEL 20:5

Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Ndɔ̄ ń m̄-gə̄rań ngán Israel gə̄ tə́ ní, m̄-túbə m-ə̄nīń ndūḿ m-ādə̄də́ kadə̄ nin̄ i deē yāḿ gə̄. m̄-rāā adə̄ nin̄ ger̄mə̄n̄ dɔ nang kə́ Ejiptə tə́. Ndūḿ ń m-ə̄nī ní n toó: Kɔ́ɔ̄ɓē, Nə́ɓā yāsí, i mā.

DANIEL 10:5

ba m-ɔ̄r̄ dɔḿ dɔɔ́ anī m-á̰a̰ deē kógə̄ḿ kə́ o̰ō̰ kūbə̄ lḛ́ḛ ō, əhɔ ɓōdə̄n kə kəlā kəhɔ ɓōdə̄ kə́ rāā kə lɔ́ŕ kə́ Upajə ō.

DANIEL 12:8

Mā Daniel m-ōō najə̄ ní ba m̄-ger̄ kum alé, adə̄ m̄-dəje najə̄ m-ə́da na: Kɔ́ɔ̄ḿ, ta yá̰a̰ gə̄ ń noō a to i ba̰ý?

NDŪ NAJƏ̄ 32:36

Kɔ́ɔ̄ɓē a gān̄g sarya kə́ gōtə́ yā kadə̄ deē yān gə̄ ō, kumən a o̰o̰n tām̄ yā ngé kəla yān gə̄ tə́ ō, loo ń ni a a̰a̰ kadə̄ tɔ́gə́də́ gətóo ō, yá̰á̰ kə́ yā kadə̄ əndān̄ tɔ́gə́də́ dɔ tə́ gətóo ō, yá̰á̰ kə́ yā kɔsə kíĺdə́ kə̄ dɔɔ́ gətóo ō ní.

DANIEL 4:31

Nabukodonosor əda na: Dan ń gír ɓāl̄ sīrí gə̄ gān̄g ní, mā Nabukodonosor m-ə̄nī kumḿ kə̄ dɔ rā̰ tə́ anī, kemḿ ger̄ najə̄ gogə́. m̄-rāā Nə́ɓā kə́ dɔɔ́ sa̰y ngá̰ý kə́ra. m̄-tɔ̄ȳ nge ndi kə kumneé ngándáńg ō, m-ɔ́sə gɔnən ō. Tām̄ tɔ́gə ko̰o̰ ɓē yān i tɔ́gə́ kə́ a to ngándáńg ō, ko̰o̰ ɓē yān a to ngándáńg ō,

DANIEL 7:21

Dan ń m̄-na̰y kə̄ loo ka̰a̰ tə́ anī a rɔ̄ɔ̄ i gír de kə́ táĺ gə̄ ō, ni tetədə́ rɔ̄ɔ̄ ō.