DANIEL 12:6 - Bibəl ta Sar̄

⁶ Dəjen̄ nge kūbə̄ lḛ́ḛ́ ń ra dɔ man̄ bā tə́ ní na ké yá̰á̰ kə́ to kɔr kum gə̄ ní ké gíŕdə́ a gān̄g i rə́ngáý tə́ wa.

Bible sar

⁶ Dəjen̄ nge kūbə̄ *lḛ́ḛ́ ń ra dɔ man̄ bā tə́ ní na ké yá̰á̰ kə́ to kɔr kum gə̄ ní ké gíŕdə́ a gān̄g i rə́ngáý tə́ wa.

DANIEL 12:6 Referans Kwoze

DANIEL 8:13

Loo ń noō tə́ m-ōō ndū de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

EJEKIEL 9:2

Anī de kə́ dəngam gə̄ mehḛ́ teēn̄ ta róbə́ kə́ dɔɔ́ tə́ a reēn̄. Ré deē ra kújə yā Kɔ́ɔ̄ɓē tə́ anī, ta róbə́ ní i kə̄ dām̄ mbɔ́r ɓē kə́ ko̰ó̰ tə́. Nin̄ kógə̄ḿ kógə̄ḿ ní, yá̰a̰ rɔ̄ɔ̄ kə́ yā nujəń loo i kə̄ jīdə́ gə̄ tə́. De kógə̄ḿ kə́ o̰ō̰ kūbə̄ lḛ́ḛ i dandə́ tə́. Ni do̰ō̰ yá̰á̰ kə́ yā ndang yá̰a̰ dɔ tə́ tū ndāŕ ń ni-əhɔń ɓōdə̄n ní tə́. Nin̄ malang ní reēn̄ kə̄ ngɔr, ba dəba ran̄ ta loo tun̄ yá̰á̰ kə́ rāā kə gində̄ nə̄ngá kasaá tə́.

DANIEL 8:16

Anī m-ōō ndū deē kógə̄ḿ kə̄ dan man̄ Ulay tə́ ɔr̄ najə̄ kə tɔ́gɔ́ əda na: Gabəriyel, ɔ́jə deē ń toō kum yá̰á̰ ń a̰ā̰ ní ādə̄ ger̄!

JEJU TEĒ KUM JA̰A̰ 19:14

Ngé rɔ̄ɔ̄ kə́ dɔ rā̰ tə́ gə̄ unən̄ gōn. Nin̄-ndin̄ i dɔ sə́ndá kə́ ndaa gə̄ tə́ ō, o̰ō̰n̄ i kūbə̄ lḛ́ḛ kə́ ndaa kə́ kəlā kəjōn kídə̄ yululu ō, unjə̄ njáý njáý ō.

JEJU TEĒ KUM JA̰A̰ 15:6

De kə́ dɔ rā̰ tə́ kə́ sīrí gə̄ ń yá̰á̰ kə́ tōr̄ kə́ sīrí gə̄ i jīdə́ tə́ ní, teēn̄ kem kújə yā Kɔ́ɔ̄ɓē ní tə́. Kūbə̄ lḛ́ḛ́ kə́ unjə̄ njáý njáý ō, ndə́lē pipir ō, i rɔ̄də́ tə́. Nin̄-do̰ō̰n̄ nganjədə́ kə kəlā do̰ō̰ ɓōdə̄ kə́ rāān̄ kə lɔ́rɔ́.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

EPEJƏ 3:10

I yā kadə̄ ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō ń ndin̄ dɔ rā̰ tə́ ní, gerə̄n̄neé kum kedə̄ kə́ tayā tayā gə̄ yā Nə́ɓā ngɔlaā kə ta kūl̄ ngé kán̄ naā gēé.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

MATIYE 24:3

Jeju ndi dɔ mbal̄ kāgə̄ olibə gə̄ tə́ anī, ngé ndóō yá̰á̰ yān gə̄ reēn̄ rɔ̄n tə́ kə kéŕdə́ ba dəjenən̄ kadə̄ ədadə́ ndɔ̄ ń yá̰á̰ ń noō a rāań yá̰á̰ tə́ ní ō, kadə̄ ədadə́ yá̰á̰ ń a ɔjə dɔ ndɔ̄ télən ō, a ɔjə dɔ ta ngóy ndɔ̄ gə̄ ō ní.

MARK 13:4

Ə́dájí i ndɔ̄ kə́ rá tə́ n yá̰a̰ gə̄ ń noō a reēn̄neé ní? I yá̰á̰ kɔjə kə́ ba̰ý n a ɔjə kadə̄ yá̰a̰ gə̄ ń noō malang a reēn̄ ní?

DANIEL 12:5

Dan ń mā Daniel m̄-ra m-á̰á̰ yá̰á̰ ní anī, de kə́ rang gə̄ jōó teē ran̄, kógə̄ḿ ra i gidə bā kə́ dām̄ kə́ nú tə́ ō, kə́rēý ra i gidə bā kə́ dām̄ kə́ laā tə́ ō.

DANIEL 12:8

Mā Daniel m-ōō najə̄ ní ba m̄-ger̄ kum alé, adə̄ m̄-dəje najə̄ m-ə́da na: Kɔ́ɔ̄ḿ, ta yá̰a̰ gə̄ ń noō a to i ba̰ý?