DANIEL 12:4 - Bibəl ta Sar̄

⁴ Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

Bible sar

⁴ Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

DANIEL 12:4 Referans Kwoze

DANIEL 12:9

Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

JEJU TEĒ KUM JA̰A̰ 22:10

Gō tə́ anī ni-ədam̄ na: Najə̄ yā Nə́ɓā ń to kem makətūbə̄ ń toō tə́ ní, kə m̄-lōō ɓɔ̄ɔ̄ dɔ. Tɔdɔ̄ kum mbang kə́ tām̄ yā yá̰a̰ gə̄ ń noō tə́ ní dɔ na i ngɔr.

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

JEJU TEĒ KUM JA̰A̰ 10:4

Dan ń ndán̄g man̄ kə́ sīrí gə̄ ɔrə̄n̄ najə̄ oy á m̄-rāā yā ndang najə̄ gə̄ ní anī, m-ōō ndū deē kógə̄ḿ ɔr̄ najə̄ dɔ rā̰ tə́ əda na: Najə̄ ń ndán̄g man̄ kə́ sīrí gə̄ ɔrə̄n̄ ní, kə m-ɔ́r mbō̰ ta tə́, ba kə m̄-lōō ndang.

DANIEL 12:13

Ḭ̄ Daniel, āw̄ bátə́ ūgə̄ ta tɔ̄l̄ ta tə́. Ā ɔ̄r̄ koō ō, ḭ́ḭ dɔɔ́ yā taā yá̰a̰ kəndā nja yāí ta ngóy ndɔ̄ gə̄ tə́ ō.

IJAI 32:3

Ngé gə̄ ń majə kadə̄ a̰a̰n̄ loo ní, a utə̄n̄ kumdə́ to̰ alé, ngé gə̄ ń majə kadə̄ oon̄ loo ní, mbīdə́ a oō loo majə.

IJAI 8:16

m̄-ngɔ̄m̄ najə̄ ní gíŕ yá̰á̰ kógə̄ḿ tə́, m-ə̄nī yá̰á̰ ndóō ní loo kógə̄ḿ kə́ yá̰a̰ a ɔdə rɔ̄ tū tə́ aĺ tə́. I ngé kun gō yá̰á̰ ndóō gə̄ ngóy n m-ɔ́jə́də́ ní.

MATIYE 24:14

Najə̄ kə́ Majə kə́ dɔ Ɓē ko̰o̰ ń toō tə́ ní, a ənīn̄ mbērən kə̄ loo gə̄ tə́ malang dɔ nang tə́, kadə̄ a tél i najə̄ kə́ kum tə́ kə̄ no nápar de gə̄ tə́ malang. Tā anī ta ngóy yá̰a̰ a reē tā.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

DANIEL 11:33

De kə́ ger̄ najə̄ gə̄ a ɔjən̄ ngán Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

JEJU TEĒ KUM JA̰A̰ 5:1

Anī m-á̰a̰ makətūbə̄ kógə̄ḿ kə́ ndangən̄ yá̰a̰ kemeé ō, gidə tə́ ō, kə́ ɔsən̄ mbō̰ tū tə́ gír loo sīrí ō, jī ko̰ nge ń ndi dɔ kōr̄ kāgə̄ mbang tə́ ní.

IJAI 29:11

Yá̰a̰ gə̄ ń toō malang ń i kə́ kəda ní, tām̄ yāsí tə́ ɓáa ton̄ i tītə̄ najə̄ gə̄ kə́ ton̄ kem makətūbə̄ kə́ kutə̄ ta kə tīw̄ tejeé tə́ beē. Makətūbə̄ ní adə̄n̄ deē kógə̄ḿ kə́ ger̄ tə́da makətūbə̄ ba ədanən̄ dɔ tə́ na: Ī-tə́da makətūbə̄ ń toō tā! Banī ni tūr̄ əda na: M-ásə́ tə́da alé, makətūbə̄ ní i kə́ kutə̄ ta kɔ̄ɔ́.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 10:21

Banī yá̰á̰ ń ndagnən̄ kem makətūbə̄ najə̄ kə́ rɔ̄kum tə́ ní, m-ā m-ə́daī kété kadə̄ ōō. De kə́ rang kə́ rāā seḿ kadə̄ m̄-rɔ̄ɔń de gə̄ ń noō gətóo, ba i Misel ń i ngār yāsí ní ngóy.

DANIEL 12:5

Dan ń mā Daniel m̄-ra m-á̰á̰ yá̰á̰ ní anī, de kə́ rang gə̄ jōó teē ran̄, kógə̄ḿ ra i gidə bā kə́ dām̄ kə́ nú tə́ ō, kə́rēý ra i gidə bā kə́ dām̄ kə́ laā tə́ ō.

DANIEL 8:19

Gō tə́ anī ədam̄ na: Yá̰á̰ ń a reē dan ń gír wōn̄g a gān̄g ní, m-ā m-ɔ́jiī kadə̄ ī-ger̄. Tɔdɔ̄ ndɔ̄ ń kadə̄ gír gāngəń ní i kə́ ɔjən̄ kɔ̄ɔ́.