DANIEL 12:3 - Bibəl ta Sar̄

³ De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

Bible sar

³ De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

DANIEL 12:3 Referans Kwoze

MATIYE 13:43

Ba de kə́ súmūú gə̄ a ndə́lēn̄ pir pir tītə̄ mbang beé kem Ɓē ko̰o̰ yā Bɔbə̄də́ tə́. Náā nəkɔ́ ń aw̄ kə mbīn yā koōń loo ní, ādə̄ kɔ́ɔ̄ oō.

Gōsə̄ najə̄ gə̄ 4:18

Hál de kə́ súmūú gə̄ to i tītə̄ loo kə́ unjə̄ kow kə́ ta gír loo tə́, kə́ unjə̄ kum kə̄ kété kété bátə́ dan kadaá.

DANIEL 11:33

De kə́ ger̄ najə̄ gə̄ a ɔjən̄ ngán Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

Gōsə̄ najə̄ gə̄ 11:30

Kəla rāā de kə́ súmūú a rāā kadə̄ deē ndi kə kumneé ō, hángal de gə̄ dəba ra dɔ najə̄ kɔr̄ de kə́ nge kum kedə̄ tə́ ō.

HEBƏRO 5:12

Dan i ngá̰ý kɔ̄ɔ́ adə̄ majə kadə̄ sḭḭ̄ i ngé ndóō de gə̄ yá̰a̰ tā, banī ī-sāāī kadə̄ téĺ ndóōn̄sí yá̰á̰ ndóō kə́ ta kəga dɔ gə̄ kə́ tū najə̄ yā Nə́ɓā ɓáý to̰. Āwī bátə́ ī-sāāī mba yā ka̰ȳ, ba i yá̰á̰ kəsa kə́ ngan̄g yā kəsa alé.

JA̰A̰ 5:35

Ja̰a̰ i lámbá ń əndān̄ hor tū tə́ a unjə̄ ní, ba sḭḭ̄ ī-ndigiī rāā rɔ̄nel̄ gō hor yān ní tə́ sḛ́ý.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

1 KORḚNTƏ 3:10

Nə́ɓā rāā seḿ kə gō kem ndaa yānneé adə̄ m-ə̄ndā ngəra kújə i tītə̄ kɔdə̄ nge kəndā kújə́ kə́ ger̄ kəla yān majə beé, ba de kə́ rang rāā kújə dɔ tə́. Banī ādə̄ de gə̄ kógə̄ḿ kógə̄ḿ a̰a̰n̄ majə ké a əndān̄ kújə́ ní i ba̰ý dɔ tə́ wa.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

JEJU TEĒ KUM JA̰A̰ 1:20

Ba tə́yō̰ kə́ sīrí gə̄ ń á̰á̰də́ jī ko̰ḿ tə́ ō, ɗəra hor kə́ sīrí gə̄ kə́ rāā kə lɔ́rɔ́ ō ń i yá̰a̰ gə̄ kə́ ton̄ loo mundə̄ tə́ ní, kumdə́ n toó: Tə́yō̰ kə́ sīrí gə̄ ní i de kə́ dɔ rā̰ tə́ gə̄ yā Egəlijə kə́ sīrí gə̄ ō, ɗəra hor kə́ sīrí gə̄ ní, i Egəlijə kə́ sīrí gə̄ ō.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

MATIYE 24:45

Nge kəla kə́ nge ra dɔ ndūn tə́ ō, kə́ nge kum kedə̄ ō ń kɔ́ɔ̄n əndā kəla ka̰a̰ gō ngé kəla madə̄n gə̄ dɔn tə́, kadə̄ adə̄də́ yá̰a̰ kəsa yādə́ kə kum mbangneé ní i náā?

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́.

KƏLA RĀĀ 13:1

Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

Gōsə̄ najə̄ gə̄ 3:35

Ngé kum kedə̄ gə̄ a əngen̄ i kɔsə gɔn, banī mbóo gə̄ a əngen̄ i rɔ̄sɔl̄.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

DANIEL 12:10

A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.

Teē Ngán Israel gə̄ 34:35

ngán Israel gə̄ a̰a̰n̄ ta kumən kə́ ndə́lē pipir ní. Gō tə́ anī tél seĺ kūbə̄ ta kumən tə́ gogə́, bátə́ kadə̄ ré a aw̄ i kə̄ gogə́ rɔ̄ Kɔ́ɔ̄ɓē tə́ kɔr̄ najá seneé tá.

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

KOHELET 12:9

Tá ɓáý to̰ nge kɔjə ngé kán̄ naā gə̄ najə̄ ndóō de gə̄ yá̰á̰ ń ni ger̄ ní. Ni-a̰a̰ tɔ́gə kāgə̄ najə̄ gə̄ ngá̰ý ō, əndā ma̰ȳdə́ ō, rāādə́ adə̄ ton̄ kə gōó majə ō.