DANIEL 12:10 - Bibəl ta Sar̄

¹⁰ A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.

Bible sar

¹⁰ A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa *táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.

DANIEL 12:10 Referans Kwoze

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

JA̰A̰ 8:47

Nge ń i deē yā Nə́ɓā ní, a oō najə̄ yā Nə́ɓā. Banī sḭḭ̄ ōōī alé, i tɔdɔ̄ sḭḭ̄ i yā Nə́ɓā alé.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

Najə̄ kə́ Majə yā Jeju ń Luk ndang ní 24:25

Anī Jeju ədadə́ na: Sḭḭ̄ ní kur̄ dɔsí gətóo, tá ɔ́riī bā̰ā̰ ngá̰ý loo taā kem yá̰a̰ gə̄ malang ń ngé koō ta gə̄ ədan̄ tə́ ní.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

Gōsə̄ najə̄ gə̄ 1:5

Nge kum kedə̄ oō anī ənī kum kedə̄ yān dɔ madə̄ tə́ ō, de kə́ nge ger̄ kum najə̄ oō anī a rāā yá̰a̰ kə gosə̄neé njə̄rā kadə̄ gōtə́ ō.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

DANIEL 11:33

De kə́ ger̄ najə̄ gə̄ a ɔjən̄ ngán Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

EJEKIEL 47:11

Banī kum dang yān gə̄ ō, kum mbō yān gə̄ ō tá a majən̄ alé, ba de gə̄ a əya̰n̄ i tām̄ kəngeń katə̄ kɔ̄sə kə́ tū tə́.

JEJU TEĒ KUM JA̰A̰ 19:14

Ngé rɔ̄ɔ̄ kə́ dɔ rā̰ tə́ gə̄ unən̄ gōn. Nin̄-ndin̄ i dɔ sə́ndá kə́ ndaa gə̄ tə́ ō, o̰ō̰n̄ i kūbə̄ lḛ́ḛ kə́ ndaa kə́ kəlā kəjōn kídə̄ yululu ō, unjə̄ njáý njáý ō.

JEJU TEĒ KUM JA̰A̰ 19:8

Adə̄nən̄ kūbə̄ lḛ́ḛ kə́ kəlā kəjōn kídə̄ yululu ō, ndə́lē ō, unjə̄ njáý njáý ō, adə̄ əla rɔ̄n tə́. Tɔdɔ̄ kūbə̄ lḛ́ḛ i kəla kə́ gōtə́ gə̄ ń de gə̄ yā Nə́ɓā rāān̄ ní.

JEJU TEĒ KUM JA̰A̰ 16:11

Nin̄-tájə̄n̄ Nə́ɓā kə́ dɔ rā̰ tə́ tām̄ yá̰á̰ kə́ tōr̄ kə́ rāādə́ tə́ ō, tām̄ do səya̰ yādə́ tə́ ō. Banī nin̄-tūrə̄n̄ gidədə́ kɔ̄ɔ́ ta yá̰a̰ rāādə́ kə́ majaĺ gə̄ tə́ alé.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

HEBƏRO 12:10

Bɔbə̄jí kə́ dɔ nang tə́ laā gə̄ əndan̄jí i tām̄ yā kum mbang kə́ ngá̰ý aĺ tə́ kə gō gír̄ ń nin̄-gírə̄n̄ ní. Banī Nə́ɓā əndají i yā kadə̄ rāā majə sejí. Ni gḛy rāājí kadə̄ jə-téliī de kə́ táĺ gə̄, tītə̄ ń ni i de kə́ táĺ ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

MARK 4:11

dəjenən̄ gír kūjə́ najə̄ gə̄ ní, anī ni-ədadə́ na: I sḭḭ̄ n Nə́ɓā adə̄sí ta róbə kadə̄ ī-gerī yá̰á̰ kə́ to loo mundə̄ tə́ kə́ dɔ Ɓē ko̰o̰ yā Nə́ɓā tə́, banī tām̄ yā ngé kə́ ndágá gə̄ tə́ ní, yá̰a̰ gə̄ malang reēn̄ i kə kūjə́ najá,

DANIEL 12:3

De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

PĀ GƏ̄ 107:43

De kə́ nge kum kedə̄ a əndā kumən gíŕ yá̰a̰ gə̄ ń noō tə́ malang ō, a ger̄ kem majə yā Kɔ́ɔ̄ɓē ō.

PĀ GƏ̄ 51:7

Á̰a̰ā̰, kété pá tá kadə̄ ojəmə̄n̄ ní mā i de kə́ gōtə́ alé. Əla gír i ndɔ̄ ń kó̰ó̰ḿ ndānə̄m̄neé tə́ ní n mā i de kə́ majaĺ ní.

1 SAMUEL 24:13

Ādə̄ Kɔ́ɔ̄ɓē gān̄g sarya kə́ dɔ dáńjí tə́ seí. Ādə̄ Kɔ́ɔ̄ɓē dal ba̰ā̰ḿ dɔí tə́. Ba mā m-ā m-ə́la jīḿ yā kɔdiīneé alé.

MALASI 3:3

Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ unjə̄ njáý njáý ō. Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē yá̰a̰ ndējə̄ gə̄ kə gō looneé.