DANIEL 11:45 - Bibəl ta Sar̄

⁴⁵ Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.

Bible sar

⁴⁵ Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ *táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.

DANIEL 11:45 Referans Kwoze

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

DANIEL 8:25

Kumən edə̄ ngá̰ý adə̄ a gól̄ madə̄n gə̄. A ɔsə rɔ̄n kə̄ dɔɔ́, adə̄ dan ń loo a to lápə́ya ngá̰ý ɓáa ni a nujə kósə de kə́ ngá̰ý gə̄ kɔ̄ɔ́. Ni a ḭḭ yā rɔ̄ɔ̄ ngār kə́ dɔ ngār gə̄ tə́ banī a əsō kəsō kógə̄ḿ kə́ a tétə̄ rárák kanjə̄ kadə̄ jī deē ɔdə rɔ̄n.

JEJU TEĒ KUM JA̰A̰ 20:9

Nin̄-taān̄ loo dɔ nang tə́ malang ō, gīrə̄n̄ gidə ɓē yā deē yā Nə́ɓā gə̄ ń i ɓē kə́ Nə́ɓā tárən ní əlan̄ ta naā tə́ ō. Banī hor kógə̄ḿ ḭḭ dɔ rā̰ tə́ əsō dɔdə́ tə́ o̰o̰də́.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

JAKARI 14:8

Ndɔ̄ ngeé ń noō tə́ ní, man̄ kógə̄ḿ a əɓa nang tə́ kem ɓē kə́ Jerusalem tə́. Núsən kógə̄ḿ a nūgə́ kum kə̄ bā katə̄ tə́ ō, núsən kə́rēý a aw̄ bā bo kə́ no ɓē tə́ ō. Man̄ ní a nūgə́ kə́ njɔ́ḿ gə̄ tə́ ɓāl̄ kógə̄ḿ, a nūgə́ ɓālāá ō, ɓaraá ō.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

JOEL 2:20

M-ā m̄-tə̄ɓā madə̄ ba̰ā̰sí kə́ ḭḭ mbɔ́r ɓē kə́ ko̰ó̰ tə́ kɔ̄ɔ́ sa̰y rɔ̄sí tə́. M-ā m̄ tə̄ɓān kum kə̄ loo kə́ mángá tə́ ō, kə́ nujə sák sák kɔ̄ɔ́ tə́ ō. M-ā m̄-tə̄ɓā ngé gə̄ ń njə̄rān̄ nodə́ tə́ kum kə̄ bā katə̄ tə́ gír ɓē tə́ ní ō, ngé gə̄ ń njə̄rān̄ gōdə́ tə́ kum kə̄ bā bo kə́ no ɓē tə́ ní ō. Nīńdə́ a ndum adə̄ loo a otə ndum rḭḭ. Rɔ̄kum, ni-rāā yá̰á̰ kə́ bo ngá̰ý gə̄.

DANIEL 11:41

Ni a reē kem ɓē kə́ majə tɔȳ gotə ɓē gə̄ malang tə́ ō, ngá̰ý gə̄ a tə́sōn̄ ō. De gə̄ ń a teēn̄ ta jīn tə́ ní i Edom gə̄ ō, Moab gə̄ ō, de kə́ bo gə̄ yā ngán Amon gə̄ ō.

DANIEL 11:16

Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

DANIEL 7:26

Gō tə́ anī ngé sarya kə́ dɔ rā̰ tə́ gə̄ a rāān̄ sarya, adə̄ nin̄ a rāān̄ kadə̄ gír ndi dɔ yá̰a̰ gə̄ tə́ malang yān gān̄g kɔ̄ɔ́, yā nujənneé sák sák kɔ̄ɔ́ ō, yā tḭ̄ḭń tan kə́ njɔ́ḿ gə̄ tə́ ō.

DANIEL 2:35

Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

EJEKIEL 39:2

Ɓē yāí ń ndi ta ngóy ɓē tə́ dām̄ mbɔ́r ɓē kə́ ko̰ó̰ tə́ ní, m-ā m̄-rāāī kadə̄ ā ī-teē kɔ̄ɔ́ kemeé. M-ā m̄-rā seí gúu kadə̄ ā ī-teē kɔ̄ɔ́ kemeé yā kaw̄ kənī mbal̄ bo gə̄ kə́ Israel tə́ rɔ̄ɔ̄.

IJAI 14:13

Kété ní ī-gír̄ ə́da na: M-ā m-āw̄ bátə́ yā kugə̄ dɔ rā̰ tə́, m-ā m-ə̄ndā kōr̄ kāgə̄ mbang yāḿ dɔɔ́ dɔ tə́yō̰ gə̄ yā Nə́ɓā tə́. M-ā m̄-ndi dɔ mbal̄ ń nə́ɓā gə̄ a kánə̄n̄ naā dɔ tə́ ní tə́, ta ngóy ɓē tə́ dām̄ mbɔ́r ɓē kə́ geleé tə́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

PĀ GƏ̄ 48:2

Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ táĺ tə́.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

IJAI 65:25

Soó ō, ngōn̄ batə̄ ō a əsan̄ yá̰a̰ naā tə́, ɓɔl a əsa mu kə́ tutə tītə̄ man̄g. Lī a ul̄ rɔ̄n i kə bumbə́rú. Yá̰á̰ kə́ majaĺ, aké yá̰á̰ kə́ rāā kə dɔ́nɔ́, a to dɔ mbal̄ yāḿ kə́ táĺ tə́ to̰ alé. I mā Kɔ́ɔ̄ɓē n m-ə́da najə̄ ń noō ní.

IJAI 66:20

Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā yá̰a̰ ndējə̄ ní i tītə̄ yā nge ń ngán Israel gə̄ reēnəń kem kújə yāḿ tə́, kem səmbē kə́ laa gə̄ kə́ unjə̄n̄ njáý njáý gə̄ tə́ ní.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

DANIEL 9:20

m̄-na̰y kə̄ loo ndɔ̄ȳ tə́ ō, kə̄ loo kəda majaĺ yāḿ tə́ ō, yā ngán Israel gə̄ ń nin̄ i gír deē yāḿ gə̄ ní tə́ ō, kə̄ loo rāā Kɔ́ɔ̄ɓē Nə́ɓā yāḿ ɓɔ́ tə́ tām̄ yā mbal̄ yān kə́ táĺ tə́ ō.

DANIEL 11:44

Banī najə̄ kə́ kḭḭ gír ɓē tə́ ō, dām̄ mbɔ́r ɓē kə́ ko̰ó̰ tə́ ō a adə̄n gír̄ najə̄ ngá̰ý. Wōn̄g a rāān ngá̰ý adə̄ a teē yā nujə kósə de kə́ ngá̰ý gə̄ ō, yā tɔ̄l̄də́ malang kɔ̄ɔ́ ō.

TƏ́DA 34:5

A ra Asmon noó yā tetə rɔ̄n kaw̄ bā ń rīn na i man̄ kə́ Ejiptə tə́ ní. Ba a un gō man̄ kə́ Ejiptə tə́ yā gāngəń kum bā bo tə́.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.