DANIEL 11:44 - Bibəl ta Sar̄

⁴⁴ Banī najə̄ kə́ kḭḭ gír ɓē tə́ ō, dām̄ mbɔ́r ɓē kə́ ko̰ó̰ tə́ ō a adə̄n gír̄ najə̄ ngá̰ý. Wōn̄g a rāān ngá̰ý adə̄ a teē yā nujə kósə de kə́ ngá̰ý gə̄ ō, yā tɔ̄l̄də́ malang kɔ̄ɔ́ ō.

Bible sar

⁴⁴ Banī najə̄ kə́ kḭḭ gír ɓē tə́ ō, dām̄ mbɔ́r ɓē kə́ ko̰ó̰ tə́ ō a adə̄n gír̄ najə̄ ngá̰ý. Wōn̄g a rāān ngá̰ý adə̄ a teē yā nujə kósə de kə́ ngá̰ý gə̄ ō, yā tɔ̄l̄də́ malang kɔ̄ɔ́ ō.

DANIEL 11:44 Referans Kwoze

JEJU TEĒ KUM JA̰A̰ 17:13

Gír̄ yādə́ i kógə̄ḿ beē, i kadə̄ adə̄n̄ dā̰ ní tɔ́gə́də́ ō, ko̰o̰ ɓē yādə́ ō.

JEJU TEĒ KUM JA̰A̰ 16:12

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

DANIEL 11:30

De kə́ no ɓē tə́ gə̄ a reēn̄ kə to bo yādə́ gēé yā tā̰a̰ń rɔ̄ɔ̄, adə̄ tɔ́gən a ur̄ wak kɔ̄ɔ́. Ni a rāā wōn̄g ɓáý to̰ kə gír de gə̄ ń əhɔn̄ madə̄ naā kə́ táĺ kə Nə́ɓāá ní ō, ni a rāādə́ yá̰á̰ kə́ majaĺ ō, a oōn̄ naā kə ngé gə̄ ń əya̰n̄ madə̄ naā kə́ táĺ kɔ̄ɔ́ ní ɓáý to̰ ō.

DANIEL 11:11

Wōn̄g a rāā mban̄g kə́ dām̄ mbɔ́r ɓē kə́ geleé tə́ ngá̰ý, adə̄ a teē yā kaw̄ rɔ̄n. Ni a rɔ̄ɔ̄ mban̄g kə́ dām̄ mbɔ́r ɓē kə́ ko̰ó̰ tə́. Mban̄g ní a ɔy de gə̄ ngá̰ý yā rɔ̄ɔń, banī a əsōn̄ kem jī madə̄ ba̰ā̰ gə̄ tə́.

DANIEL 11:43

Lɔ́r ō gində̄ arjā̰a̰ ō yá̰á̰ kə́ gātə̄də́ i ngá̰ý gə̄ ō, kə́ kem kújə ngɔ̄m̄ yá̰a̰ kənge gə̄ kə́ Ejiptə tə́ ní, ni a ɔydə́ dɔ gúú tə́. de kə́ Libi tə́ gə̄ ō Etiopi tə́ gə̄ ō a əlan̄ dɔdə́ gíŕ tɔ́gə yān tə́.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.