DANIEL 11:4 - Bibəl ta Sar̄

⁴ Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

Bible sar

⁴ Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

DANIEL 11:4 Referans Kwoze

DANIEL 8:22

Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

DANIEL 8:8

Bal bə̄yā̰ ní reē bo ngá̰ý. Ba dan ń tɔ́gən i ngá̰ý al̄ naā anī gajən kə́ bo ní gān̄g tetə dip ba kə́ rang kə́ bo gə̄ sɔ́ əɓan̄ gotoó, kumdə́ sɔɔ̄ gír ɓē ō, no ɓē ō, mbɔ́r ɓē kə́ geleé ō kə́ ko̰ó̰ ō.

JEREMI 12:17

Ba ré gḛyn̄ aĺ anī, m-ā m-ɔ̄r̄ nápar de gə̄ ń toō kə ngəradə́ gēé ɗer. M-ā m̄-rāādə́ kadə̄ oyn̄ kɔ̄ɔ́. Najə̄ ń Kɔ́ɔ̄ɓē əda ní n noó.

DANIEL 7:8

M-ə̄ndā ma̰ȳ gajən gə̄ ní anī m-á̰a̰ nge kə́ dūú əɓa dan madə̄ gə̄ tə́. Ró̰ȳn̄ gajən kə́ kété gə̄ mətá kɔ̄ɔ́ non tə́. M-á̰a̰ kum yá̰a̰ gə̄ kə́ ton̄ tītə̄ kum deē beé ō, ta de kə́ a tə́da najə̄ kə́ to ngonjə̄ gə̄ ō ton̄ tū gajən kə́ dūú ní tə́.

DANIEL 7:2

kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

JEREMI 18:7

Dan kə́rēý gə̄ tə́ anī, m-ɔ̄r̄ najə̄ kɔr̄ nápar de gə̄ aláa ɓē ko̰o̰ kógə̄ḿ kə gír ngəraá ō, ɓéngə̄lē ō, nujəń sák sák ō.

JEREMI 12:15

Ba gō tə́ dan ń m-ā m-ɔ̄r̄də́ kə ngəradə́ oy anī, kumḿ a tél yā ko̰o̰m̄ sedə́. Adə̄ m-ā m̄-tél yā reē sedə́ kógə̄ḿ kógə̄ḿ kem ɓē yādə́ tə́ ō, ta yá̰a̰ kənge yādə́ tə́ ō.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

MATIYE 12:25

Ba Jeju ger̄ gír̄ kə́ kemdə́ tə́, adə̄ ədadə́ na: Ɓē ko̰o̰ malang ń de kə́ kemeé gə̄ a rɔ̄ɔ̄n̄ naā ní, a nujə kɔ̄ɔ́. Ré de kə́ kem ɓē kə́ kógə̄ḿ beē tə́ gə̄ ō, de kə́ gír kojə kə́ kógə̄ḿ beē tə́ gə̄ ō, a rɔ̄ɔ̄n̄ naā anī, loo kadə̄ ɓē ní aláa, gír kojə ní ndi ɓáý to̰ ní a gətóo.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

JEREMI 31:40

Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

JEJU TEĒ KUM JA̰A̰ 7:1

Gō yá̰á̰ noō tə́ anī, m-á̰á̰ de kə́ dɔ rā̰ tə́ gə̄ sɔ́ ran̄ kíl dɔ nang kə́ sɔ́ gə̄ tə́. Nin̄-əhɔn̄ néĺ kə́ sɔ́ gə̄ kə́ dɔ nang tə́ gotə kógə̄ḿ, yā kadə̄ nél əla dɔ nang tə́ aĺ ō, dɔ bā bo tə́ aĺ ō, dɔ kāgə̄ kógə̄ḿ tə́ aĺ ō.

JEREMI 49:36

m̄-rāā adə̄ nél kə́ sɔ́ gə̄ teēn̄ kíl dɔ nang kə́ sɔ́ tə́ ba əlan̄ dɔ ɓē kə́ Elam tə́. M-ā m̄-tə̄ndā Elam gə̄ yā tḭ̄ḭ̄də́ kə̄ loo gə̄ tə́ yā kadə̄ nápar de gə̄ kə́ nin̄ aw̄ ugə̄n̄ dandə́ tə́ aĺ gətóo.

EJEKIEL 37:9

Anī Kɔ́ɔ̄ɓē ədam̄ na: Ḭ̄ ń i ngōn̄ deē ní, ɔ̄r̄ najə̄ kə koō kə́ nge rāā kadə̄ deē ndi kə kumneé ādə̄m̄, ə́dan na: Koō kə́ nge rāā kadə̄ deē ndi kə kumneé, najə̄ ń Kɔ́ɔ̄ɓē Nə́ɓā əda ní n toó: Ḭ́ḭ dām̄ mbɔ́r ɓē kə́ ko̰ó̰ tə́ ō, geleé tə́ ō, gír ɓē tə́ ō, no ɓē tə́ ō, ī-reē ə́la dɔ de kə́ koy gə̄ ń toō tə́ ādə̄ ndin̄ kə kumdə́.

JAKARI 2:6

m̄-dəjen najə̄ m-ə́da na ké a aw̄ i kə̄ rá wa. Anī ni-tél ədam̄ na: M-āw̄ i kə̄ mbɔ̄jə́ ɓē kə́ Jerusalem tə́, yā gerə̄ń laan ō ngālə̄n ō.

JAKARI 6:5

Anī ni-tél ədam̄ na: I nél kə́ sɔ́ gə̄ kə́ dɔ rā̰ tə́. Kété ní, nin̄ i kadə Kɔ́ɔ̄ɓē ń i kɔ́ɔ̄ dɔ nang kə taá malang ní tə́ ō, ngɔlaā ɓáa nin̄ a aw̄n̄ i mbée ō.