DANIEL 11:37 - Bibəl ta Sar̄

³⁷ A usə mban̄g ní dɔ nə́ɓā yā kaan gə̄ tə́ aĺ ō, nə́ɓā ń nel̄ dəyá̰ gə̄ seneé ngá̰ý ní a usən dɔn tə́ aĺ ō. N i a ɔsə rɔ̄n kə̄ dɔɔ́ dɔ nə́ɓā gə̄ tə́ malang, adə̄ a usən dɔ nə́ɓā kógə̄ḿ tə́ alé.

Bible sar

³⁷ A usə mban̄g ní dɔ nə́ɓā yā kaan gə̄ tə́ aĺ ō, nə́ɓā ń nel̄ dəyá̰ gə̄ seneé ngá̰ý ní a usən dɔn tə́ aĺ ō. N i a ɔsə rɔ̄n kə̄ dɔɔ́ dɔ nə́ɓā gə̄ tə́ malang, adə̄ a usən dɔ nə́ɓā kógə̄ḿ tə́ alé.

DANIEL 11:37 Referans Kwoze

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

IJAI 14:13

Kété ní ī-gír̄ ə́da na: M-ā m-āw̄ bátə́ yā kugə̄ dɔ rā̰ tə́, m-ā m-ə̄ndā kōr̄ kāgə̄ mbang yāḿ dɔɔ́ dɔ tə́yō̰ gə̄ yā Nə́ɓā tə́. M-ā m̄-ndi dɔ mbal̄ ń nə́ɓā gə̄ a kánə̄n̄ naā dɔ tə́ ní tə́, ta ngóy ɓē tə́ dām̄ mbɔ́r ɓē kə́ geleé tə́.

1 TIMOTE 4:3

Nin̄-ɔgə̄n̄ de gə̄ taā naā ō, ɔgə̄n̄ ngé taā kem gə̄ ń gerə̄n̄ najə̄ kə́ rɔ̄kum ní, kəsa yá̰á̰ kə́rēý gə̄ ń Nə́ɓā rāā kadə̄ əsan̄ kə ndadāá ní ō.

EJEKIEL 24:16

Ḭ̄ ngōn̄ deē, dəyá̰ ń ka̰a̰n nelī ngá̰ý ní, m-ā m̄-taān̄ jīí tə́ kɔ̄ɔ́ i taā kə́ rétə́ ngá̰ý. Ā ī-rāā yon aĺ ō, ā ī-sɔ̄ḿ aĺ ō, ā ī-nōō aĺ ō.

PĀ KƏ́ MAJƏ 7:10

nga ngaāí to tītə̄ kasə nduú kə́ majə ō! A̰á̰ā̰, kasə nduú kə́ majə kə́ ngɔ̄m̄ tām̄ yā kó tár yāḿ tə́ ō, kə́ a də̄yā̰ tají tə́ dan ń j-a jə-ɓīī ní ō.

NDŪ NAJƏ̄ 21:11

ba á̰a̰ dəyá̰ kə́ mandə ngá̰ý dan ɓəlo gə̄ ní tə́, adə̄ ī-ndigə taān kə́ dəyá̰ tə́ anī,

NDŪ NAJƏ̄ 5:21

Ī-lōō sāā ɓīī kə nə̄yá̰ madí. Ā ī-ndə̄ngā yá̰a̰ yān kógə̄ḿ alé. Ā ī-ndə̄ngā kújə yān aĺ ō, ndɔr̄ yān aĺ ō, nge kəla yān kə́ dəngam aĺ ō, kə́ dəyá̰ aĺ ō, man̄g yān aĺ ō, kərō yān aĺ ō.

TA KƏLA 3:16

Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

TA KƏLA 3:5

Tām̄ Nə́ɓā ger̄ kadə̄ ndɔ̄ ń ā ə́saī tə́ anī, kumsí a teē kadə̄ ā ī-toī tītə̄ Nə́ɓā ō, ā ī-gerī yá̰á̰ kə́ majə ō, yá̰á̰ kə́ majaĺ ō.

DANIEL 8:11

Ni bo bátə́ ugə̄ rɔ̄ ngār yā de kə́ dɔ rā̰ tə́ gə̄ tə́. Adə̄ yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ táĺ yān tū tə́ ní loo kə́ karī tə́ ō.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 11:38

Banī ni a rɔȳ nə́ɓā yā ɓē kə́ ngan̄g gə̄, adə̄ i nə́ɓā kógə̄ḿ kə kaan gə̄ gerə̄n̄ alé. Ni a ndējə̄ nə́ɓā ní lɔ́r ō gində̄ arjā̰a̰ ō mbal̄ gə̄ kə́ gātə̄də́ i ngá̰ý ō yá̰á̰ súū rɔ̄ kə́ gātə̄də́ i ngá̰ý gə̄ ō.

IJAI 14:14

M-ā m-āw̄ yā ndi ta ngóy kil̄ man̄ gə̄ tə́ dɔɔ́, m-ā m̄-to tītə̄ Nə́ɓā kə́ dɔɔ́ sa̰y ngá̰ý.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.