DANIEL 11:35 - Bibəl ta Sar̄

³⁵ Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

Bible sar

³⁵ Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań *táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

DANIEL 11:35 Referans Kwoze

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

JAKƏ 1:2

Ngákó̰ó̰ḿ gə̄, loo ń ré yá̰á̰ kə́ tayā tayā gə̄ a nāān̄sí anī, ī-rāāī yá̰a̰ gə̄ ń noō yá̰a̰ rɔ̄nel̄ yāsí tə́,

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

DANIEL 8:10

Bo bátə́ ugə̄ rɔ̄ de gə̄ kə́ dɔ rā̰ tə́ gə̄ tə́ ō. Ni-rāā adə̄ ngé kə́rēý gə̄ ngá̰ý dɔ dáńdə́ tə́ ō, tə́yō̰ gə̄ ngá̰ý ō, tə́sōn̄ nang tə́, ba ni tə́ɓādə́ kə njaneé.

NDŪ NAJƏ̄ 8:16

Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.

JEJU TEĒ KUM JA̰A̰ 17:17

Tɔdɔ̄ Nə́ɓā na rāā adə̄ kemdə́ gḛy rāā yá̰á̰ ń ni-núm̄ ní. Gír̄ yādə́ i kógə̄ḿ beē: I kadə̄ ko̰o̰ ɓē yādə́ rāā kəla adə̄ dā̰ ní, bátə́ kadə̄ najə̄ ń Nə́ɓā əda ní reē udəń gírí.

JEJU TEĒ KUM JA̰A̰ 14:15

Anī de kə́ dɔ rā̰ tə́ kə́ rang teē kem kújə yā Kɔ́ɔ̄ɓē tə́. Ni-əga kɔŕ ngá̰ý ədań deē ń ndi dɔ kil̄ man̄ tə́ ní na kə əla ngorong yān kə́ jīn tə́ kə əjań. Tām̄ kum mbang kəja yá̰a̰ na asə kɔ̄ɔ́, tɔdɔ̄ de kə́ dɔ nang tə́ gə̄ na ton̄ kəja kɔ̄ɔ́.

JA̰A̰ 20:25

Anī ngé ndóō yá̰a̰ kə́rēý gə̄ ədanən̄ na n-a̰a̰n̄ Kɔ́ɔ̄ɓē. Banī ni ədadə́ na ré n-a̰a̰ tə́re do máyá̰ kə́ da jīn tə́ aĺ ō, ré n-əla ta ngōn̄ jīn gotə bəlo máyá̰ ní tə́ aĺ ō, ré n-əla jīn kadən tə́ aĺ ō anī, n-a n-taā kem alé.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

DANIEL 11:33

De kə́ ger̄ najə̄ gə̄ a ɔjən̄ ngán Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

DANIEL 11:29

Ré kum mbang asə anī a tél dɔ tə́ yā reē rɔ̄ɔ̄ ɓē ko̰o̰ kə́ dām̄ mbɔ́r ɓē kə́ geleé tə́, banī ta tɔ̄l̄ ta a to tītə̄ kə́ kété alé.

DANIEL 11:27

Mban̄g kə́ jōó gə̄ a əngen̄ naā ta kār̄ kəsa kə́ kógə̄ḿ beē tə́, banī kemdə́ a ndul ngá̰ý kə naá, adə̄ najə̄ gə̄ ń a ɔrə̄n̄ kə naá ní i najə̄ kə́ rɔ̄kum aĺ gə̄. Banī nge ń noō a teē yá̰a̰ alé. Tɔdɔ̄ ré ndɔ̄ ń ɔjən̄ ní ugə̄ anī, i gáŕ kadə̄ gír a gān̄g.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

DANIEL 8:19

Gō tə́ anī ədam̄ na: Yá̰á̰ ń a reē dan ń gír wōn̄g a gān̄g ní, m-ā m-ɔ́jiī kadə̄ ī-ger̄. Tɔdɔ̄ ndɔ̄ ń kadə̄ gír gāngəń ní i kə́ ɔjən̄ kɔ̄ɔ́.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

2 YÁ̰A̰ GƏ̄ 32:31

Ɓá tā ba dan ń ngé ko̰o̰ ɓē kə́ Babilon gə̄ əlan̄ de kə́ bo yādə́ gə̄ rɔ̄n tə́ kadə̄ dəjenən̄ najə̄ kə́ dɔ yá̰á̰ kə́ to kɔr kum ń rāā yá̰a̰ kem ɓēé tə́ ní anī, Nə́ɓā əya̰n kɔ̄ɔ́ sāań najə̄ kə́ kemən tə́, yā gerə̄ń yá̰a̰ malang kə́ kemən tə́.

KƏLA RĀĀ 13:13

Pol nin̄ kə madə̄n gēé alə̄n̄ kem to boó Papos, ba aw̄n̄ Perjə kə́ Pampili tə́. Ja̰a̰ Mark əya̰də́ loo ń noō tə́ ba tél dɔ tə́ aw̄ gogə́ Jerusalem.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

DANIEL 12:3

De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.