DANIEL 11:33 - Bibəl ta Sar̄

³³ De kə́ ger̄ najə̄ gə̄ a ɔjən̄ ngán Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

Bible sar

³³ De kə́ ger̄ najə̄ gə̄ a ɔjən̄ ngán *Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

DANIEL 11:33 Referans Kwoze

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

MATIYE 24:9

Dan ngeé ń noō tə́ ní a əlan̄sí jī de gə̄ tə́ kadə̄ a rāān̄sí kadə̄ wursí a ɔlsí ō, a tɔ̄lə̄n̄sí ō. Gíŕ nápar de gə̄ malang a imə̄n̄sí najə̄ yāḿ mā tə́.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

HEBƏRO 11:34

tɔ̄lə̄n̄ kəngā hor gə̄ ō, teēn̄ ta yo kaskar tə́ ō, loo ń mo̰y rāādə́ ní əngen̄ rɔ̄ ngan̄g ō, rāān̄ go̰ loo rɔ̄ɔ̄ tə́ ō, tə̄ɓān̄ ɓūtə̄ áskar kə́ tə̄rā gə̄ ō.

DANIEL 12:10

A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

JEJU TEĒ KUM JA̰A̰ 6:9

Dan ń ni-ɔsə mbō̰ kə́ nge ko̰ mí ɔr̄ anī, de gə̄ ń tɔ̄lə̄n̄də́ tām̄ najə̄ yā Nə́ɓā tə́ ō, najə̄ kə́ kum tə́ ń nin̄-ədan̄ tə́ ō ní, m-á̰á̰də́ gír loo tun̄ yá̰á̰ tə́.

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

2 TIMOTE 4:6

M-ə̄ndā dɔ rɔ̄ḿ danaá kɔ̄ɔ́ yā kadə̄ m-ādə̄ Nə́ɓā rɔ̄ḿ, adə̄ m̄-to i tītə̄ kasə nduú kə́ yā tə́te dɔ loo tun̄ yá̰a̰ tə́ beē. Kum mbang koyḿ asə kɔ̄ɔ́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

1 KORḚNTƏ 4:9

Tɔdɔ̄ mā m-á̰a̰ kadə̄ to tītə̄ kə́ Nə́ɓā əndājí jḭḭ ngámbang kəla gə̄ i loo kə́ gogə́ tə́ beē: Jə-to i tītə̄ de gə̄ kə́ gāngə̄n̄ sarya yo dɔdə́ tə́, yā tɔ̄l̄də́ ta kum kósə de gə̄ tə́ beē. Rāān̄jí i kur̄ kəgō yā de gə̄ tə́ malang, rāān̄jí i kur̄ kəgō yā de kə́ dɔ rā̰ tə́ gə̄ tə́ ō, yā deē ndul gə̄ tə́ ō.

KƏLA RĀĀ 14:21

Pol nin̄ kə Barnabas ɔjən̄ Najə̄ kə́ Majə kem ɓē kə́ Derbə tə́. Nin̄-rāān̄ adə̄ de gə̄ ngá̰ý télən̄ ngé ndóō yá̰a̰ gə̄. Gō tə́ anī nin̄-tél aw̄n̄ gogə́ Listər ō, Ikoniyɔm ō, A̰tiyos kə́ Pisidi tə́ ō.

KƏLA RĀĀ 11:26

Dan ń əngen anī reē seneé A̰tiyos. Nin̄ jōó mbak rāān̄ ɓāl̄ kógə̄ḿ kə taá dan de gə̄ kə́ kem Egəlijə kə́ A̰tiyos tə́ ō, ndóōn̄ kósə de kə́ ngá̰ý gə̄ yá̰a̰ ō. De gə̄ əlan̄ gír ɓāŕ ngé ndóō yá̰a̰ yā Jeju gə̄ na i Kəretiyḛ gə̄ i kem ɓē kə́ A̰tiyos tə́.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 20:23

Anī Jeju ədadə́ na: Ā ā̰yī yá̰á̰ kə́ kem kópə yāḿ tə́ rɔ̄kum, ba yā ndi dɔ jī ko̰ḿ tə́ aké dɔ jī geləḿ tə́ ní, i mā n m-ā m-ādə̄ nge ń noō ní alé, banī i tām̄ yā ngé gə̄ ń Bɔbə́ḿ əndā yá̰á̰ ń toō dɔ jīn tām̄ yādə́ tə́ ní.

MATIYE 13:11

Ni-tél ədadə́ na: I tām̄ rāā kə́ Nə́ɓā rāā adə̄ sḭḭ̄ ī-gerī yá̰á̰ kə́ loo mundə̄ tə́ gə̄ kə́ dɔ Ɓē ko̰o̰ kə́ dɔ rā̰ tə́ ba ɔgə̄ ngé gə̄ ń noō ger̄.

MATIYE 10:21

De gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngōn̄ a əla ngōnən ta yo tə́ ō. Ngán gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.