DANIEL 11:32 - Bibəl ta Sar̄

³² Ngé gə̄ ń rāān̄ madə̄ naā yā Nə́ɓā yá̰á̰ kə́ karī tə́ ní, ni a gól̄də́, adə̄ a əya̰n̄ madə̄ naā ní kɔ̄ɔ́ wáńg ta kum de gə̄ tə́. Banī gír de gə̄ yā ngé gə̄ ń gerə̄n̄ Nə́ɓā yādə́ ní a əhɔn̄ ngan̄g.

Bible sar

³² Ngé gə̄ ń rāān̄ *madə̄ naā yā Nə́ɓā yá̰á̰ kə́ karī tə́ ní, ni a gól̄də́, adə̄ a əya̰n̄ madə̄ naā ní kɔ̄ɔ́ wáńg ta kum de gə̄ tə́. Banī gír de gə̄ yā ngé gə̄ ń gerə̄n̄ Nə́ɓā yādə́ ní a əhɔn̄ ngan̄g.

DANIEL 11:32 Referans Kwoze

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

Gōsə̄ najə̄ gə̄ 26:28

Kadə̄ deē do kemən tə́ kə najə̄ kə́ soró i kim̄ deē ní ō, ta de kə́ a gól̄ loo a nujə loo sák sák ō.

Gōsə̄ najə̄ gə̄ 19:5

De kə́ kum yá̰á̰ tə́ kə́ nge kəda najə̄ kə́ rɔ̄kum aĺ ní a əya̰nən̄ kanjə̄ kəndan aĺ ō, de kə́ nge kɔr̄ najə̄ kə́ sor̄ ní, a teē kum tə́ aĺ ō.

JEJU TEĒ KUM JA̰A̰ 6:11

Anī adə̄n̄də́ kūbə̄ ngāl̄ kə́ ndaa kógə̄ḿ kógə̄ḿ kə dɔdə́ gēé, ba ədan̄də́ na kə tə́gān̄ tadə́ sḛ́ý ɓáý kə ngóōn̄neé bátə́ kadə̄ madə̄ kəladə́ gə̄ ō, ngákó̰ó̰də́ gə̄ ō ń kadə̄ tɔ̄lə̄n̄də́ tītə̄ yādə́ ní, kutədə́ kə asə naā pá tá.

DANIEL 11:21

Deē ń a un gotən ní i de kə́ to kadə̄ deē kídə̄n ō, i de kə́ adə̄nən̄ kəla bo ń i kəla ko̰o̰ ɓē ní aĺ ō. Ni a reē i dan ń loo to lápə́ya ní tə́, yā taā ɓē kə ta kūl̄ yá̰á̰ kə́ gōtə́ aĺ gə̄ kə́ ni-rāā loo mundə̄ tə́ jəke.

DANIEL 11:34

Dan ń a rāān̄ kumdə́ ndoō tə́ ní a dḭḭ̄n̄də́ kə́ sḛ́ý beē. Tɔdɔ̄ de gə̄ ń a ɓoon̄ rɔ̄də́ tū yādə́ tə́ ní, ngá̰ý gə̄ a gólə̄n̄ i loo.

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.