DANIEL 11:3 - Bibəl ta Sar̄

³ Banī go̰ rɔ̄ɔ̄ kógə̄ḿ a ndi mban̄g. Ni a ndi dɔ ɓē ko̰o̰ kə́ bo ngá̰ý tə́ ō, a rāā yá̰a̰ i tītə̄ ń kemən ndigə ní ō.

Bible sar

³ Banī go̰ rɔ̄ɔ̄ kógə̄ḿ a ndi mban̄g. Ni a ndi dɔ ɓē ko̰o̰ kə́ bo ngá̰ý tə́ ō, a rāā yá̰a̰ i tītə̄ ń kemən ndigə ní ō.

DANIEL 11:3 Referans Kwoze

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 11:16

Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

DANIEL 8:21

Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.

DANIEL 5:19

Bo ń adə̄n ní rāā adə̄ de kə́ gíŕdə́ i tayā tayā gə̄ ō, nápardə́ i tayā tayā gə̄ ō, ta yādə́ i tayā tayā gə̄ ō, ɓōĺ rāādə́ adə̄ ndewn̄ ta kumən tə́. Tɔdɔ̄ deē ń kemən ndigə tɔ̄lən a a tɔ̄lən ō, deē ń kemən ndigə kəya̰n a a əya̰n ō, deē ń kemən ndigə kɔsən kə̄ dɔɔ́ a a ɔsən kə̄ dɔɔ́ ō, deē ń kemən ndigə tél seneé kə̄ nang tə́ a a tél seneé kə̄ nang tə́ ō.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.