DANIEL 11:27 - Bibəl ta Sar̄

²⁷ Mban̄g kə́ jōó gə̄ a əngen̄ naā ta kār̄ kəsa kə́ kógə̄ḿ beē tə́, banī kemdə́ a ndul ngá̰ý kə naá, adə̄ najə̄ gə̄ ń a ɔrə̄n̄ kə naá ní i najə̄ kə́ rɔ̄kum aĺ gə̄. Banī nge ń noō a teē yá̰a̰ alé. Tɔdɔ̄ ré ndɔ̄ ń ɔjən̄ ní ugə̄ anī, i gáŕ kadə̄ gír a gān̄g.

Bible sar

²⁷ Mban̄g kə́ jōó gə̄ a əngen̄ naā ta kār̄ kəsa kə́ kógə̄ḿ beē tə́, banī kemdə́ a ndul ngá̰ý kə naá, adə̄ najə̄ gə̄ ń a ɔrə̄n̄ kə naá ní i najə̄ kə́ rɔ̄kum aĺ gə̄. Banī nge ń noō a teē yá̰a̰ alé. Tɔdɔ̄ ré ndɔ̄ ń ɔjən̄ ní ugə̄ anī, i gáŕ kadə̄ gír a gān̄g.

DANIEL 11:27 Referans Kwoze

PĀ GƏ̄ 12:2

Kɔ́ɔ̄ɓē, ī-dḭḭ̄m̄ tə́! Gír de kə́ ran̄ dɔ ndūdə́ tə́ gə̄ təgān̄ kɔ̄ɔ́, de kə́ asən̄ kadə̄ deē ənī kemən adə̄də́ gətóon̄ kɔ̄ɔ́.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

PĀ GƏ̄ 64:6

Nin̄ rɔ́tə̄n̄ najə̄ kə́ to kum kedə̄ gə̄ ta naā tə́. Nómə̄n̄ rɔ̄də́ yā kəyā gūmbə̄ loo mundə̄ tə́, ba ədan̄ na ké i náā n a a̰a̰də́ ní wa.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

DANIEL 8:19

Gō tə́ anī ədam̄ na: Yá̰á̰ ń a reē dan ń gír wōn̄g a gān̄g ní, m-ā m-ɔ́jiī kadə̄ ī-ger̄. Tɔdɔ̄ ndɔ̄ ń kadə̄ gír gāngəń ní i kə́ ɔjən̄ kɔ̄ɔ́.

Gōsə̄ najə̄ gə̄ 26:23

De kə́ tan nel̄ ngá̰ý ba kemən majaĺ to i tītə̄ gində̄ arjā̰a̰ kə́ kɔr̄ yedə̄n aĺ ba rāań gidə jóó nánjə beē.

Gōsə̄ najə̄ gə̄ 12:20

Ngé núm̄ yá̰á̰ kə́ majaĺ gə̄ ní yá̰á̰ kə́ gōtə́ aĺ rosə kemdə́, banī ngé kadə̄ kɔjə̄ kə́ tām̄ yā lápə́ya tə́ gə̄ yādə́ i rɔ̄nel̄.

PĀ GƏ̄ 58:2

Rɔ̄kum, dan ń ā ɔ̄rī najə̄ anī yá̰á̰ kə́ gōtə́ utə̄ tan kɔ̄ɔ́. Ngán deē ndul gə̄, sarya gān̄gsí i kə gō róbəneé nəkɔ́ a?

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

1 TESALONIK 5:1

Ngákó̰ó̰jí gə̄, najə̄ kə́ dɔ ndɔ̄ tə́, aláa kum mbangən ń Kɔ́ɔ̄ɓē a reēń tə́ ní, majə kadə̄ deē ndang adə̄sí to̰ alé,

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

KƏLA RĀĀ 1:7

Jeju tél tūr̄ ədadə́ na: I Bɔbə́ḿ n i nge rāā kadə̄ yá̰a̰ gə̄ rāān̄ yá̰a̰ kə ɓāl̄ yādə́ gēé ō, kə kum mbang yādə́ gēé ō, kə ndū ko̰o̰ ɓē yānneé ō ní. Ger̄ ɓāl̄ gə̄, aké kum mbang gə̄ ń yá̰a̰ gə̄ a rāān̄neé yá̰á̰ ní ndetəsí alé.

DANIEL 11:29

Ré kum mbang asə anī a tél dɔ tə́ yā reē rɔ̄ɔ̄ ɓē ko̰o̰ kə́ dām̄ mbɔ́r ɓē kə́ geleé tə́, banī ta tɔ̄l̄ ta a to tītə̄ kə́ kété alé.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

EJEKIEL 17:9

Ba mā Kɔ́ɔ̄ɓē Nə́ɓā m̄-dəje najə̄ m-ə́da na: Kāgə̄ nduú ń toō a asə rāā rɔ̄n a? Kə̄rō kə́ ta kəga dɔ a ró̰ȳ ngəran gə̄ kɔ̄ɔ́ ō, a tə́jā kanə̄n gə̄ kɔ̄ɔ́ ō aláa? Gō tə́ anī ta jīn kə́ kijə gə̄ a tutən̄ kɔ̄ɔ́ aĺ a? Yā kɔr̄nəń kɔ̄ɔ́ dɔ nang tə́ ní, ni a sāā i tɔ́gə́ kə́ ngá̰ý tá aĺ ō, ni a sāā i de kə́ ngá̰ý gə̄ tá aĺ ō.

Gōsə̄ najə̄ gə̄ 19:21

Yá̰a̰ gə̄ ń deē núm̄ kemən tə́ yā rāā ní i ngá̰ý, banī i yá̰á̰ ń kem Kɔ́ɔ̄ɓē gḛy rāā ní ngóy n a udə gírí ní.

PĀ GƏ̄ 62:9

Sḭḭ̄ gír de gə̄ ə̄ndāī kemsí dɔn tə́ ngándáńg! Ə́daniī yá̰á̰ ń tōr̄ rɔ̄sí ní. Nə́ɓā i loo ɓɔ̄ɔ̄ rɔ̄ yājí.

2 SAMUEL 13:26

Absalom əda ɓáý to̰ na: Ré ɔ́də kaw̄ sejí aĺ gə̄gē anī, ādə̄ ngōkó̰ó̰ḿ Amnon ta róbə ādə̄ aw̄ sejí. Mban̄g tél dəjen na ké kadə̄ Amnon dānə̄n i najə̄ rí tə́ wa.

DANIEL 11:28

Mban̄g kə́ dām̄ mbɔ́r ɓē kə́ ko̰ó̰ tə́ a ɔy yá̰a̰ kənge ngá̰ý yā téləń ta kaw̄ kṵ́ gogə́ dɔ nang yān tə́. Ta kaw̄n anī gír de gə̄ ń əhɔn̄ madə̄ naā kə́ táĺ kə Nə́ɓāá ní, ni a rɔ̄ɔ̄də́ tītə̄ ń nóməń ní pá tá a mān̄ ta kaw̄ kə̄ gogə́ ɓēé ɓáý.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.