DANIEL 11:25 - Bibəl ta Sar̄

²⁵ Ni a ger̄ gō tɔ́gən ō, a ger̄ gō kəhɔ rɔ̄ tɔgə yān ō, adə̄ a ɔy ngé rɔ̄ɔ̄ kə́ ngá̰ý gə̄ yā kaw̄ rɔ̄ɔń mban̄g kə́ dām̄ mbɔ́r ɓē kə́ geleé tə́. Mban̄g kə́ dām̄ mbɔ́r ɓē kə́ geleé tə́ a ɔy ngé rɔ̄ɔ̄ gə̄ kə́ kutədə́ i ngá̰ý ō, tɔ́gə́də́ i ngá̰ý ō yā rɔ̄ɔnneé, banī a dum̄ tan alé. Tɔdɔ̄ a oōn̄ naā dɔn tə́ loo mundə̄ tə́ jəke yā rāān yá̰á̰ kə́ majaĺ.

Bible sar

²⁵ Ni a ger̄ gō tɔ́gən ō, a ger̄ gō kəhɔ rɔ̄ tɔgə yān ō, adə̄ a ɔy ngé rɔ̄ɔ̄ kə́ ngá̰ý gə̄ yā kaw̄ rɔ̄ɔń mban̄g kə́ dām̄ mbɔ́r ɓē kə́ geleé tə́. Mban̄g kə́ dām̄ mbɔ́r ɓē kə́ geleé tə́ a ɔy ngé rɔ̄ɔ̄ gə̄ kə́ kutədə́ i ngá̰ý ō, tɔ́gə́də́ i ngá̰ý ō yā rɔ̄ɔnneé, banī a dum̄ tan alé. Tɔdɔ̄ a oōn̄ naā dɔn tə́ loo mundə̄ tə́ jəke yā rāān yá̰á̰ kə́ majaĺ.

DANIEL 11:25 Referans Kwoze

DANIEL 11:2

Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.

Gōsə̄ najə̄ gə̄ 28:25

De kə́ ɓō yá̰a̰ kənge rāān ngá̰ý i nge rāā kadə̄ kɔ̄l̄ naā to, ba deē ń ənī kemən mámák adə̄ Kɔ́ɔ̄ɓē ní a ənge yá̰a̰ kadə̄ asən.

Gōsə̄ najə̄ gə̄ 15:18

De kə́ nge wōn̄g i nge kənī kɔ̄l̄ loo tə́, banī de kə́ nge kəre rɔ̄n i nge tɔ̄l̄ horən.

DANIEL 11:10

Ngán kem mban̄g kə́ dām̄ mbɔ́r ɓē kə́ ko̰ó̰ tə́ gə̄ a əndān̄ dɔ rɔ̄də́ danaá yā rɔ̄ɔ̄. Nin̄ a ɔsən̄ dɔ ɓūtə̄ ngé rɔ̄ɔ̄ kə́ ngá̰ý gə̄ kə̄ naā tə́. Nge kə́ kógə̄ḿ a ənī rɔ̄ɔ̄. Ni a ənda dɔ nin̄ dɔ nang yā mān naā tə́ kə ngé rɔ̄ɔ̄ yān gēé tītə̄ man̄ kə́ un loo beé. Dan ń a tél yā kaw̄ gogə́ dɔ nang yān tə́ anī, a ənī ɓē kə́ ngan̄g kógə̄ḿ yā madə̄ ba̰ā̰ n gə̄ rɔ̄.

DANIEL 11:5

Mban̄g kə́ dām̄ mbɔ́r ɓē kə́ geleé tə́ a ndi mban̄g kə́ tɔ́gən i ngá̰ý, banī go̰ rɔ̄ɔ̄ kógə̄ḿ kə́ dan madə̄ gə̄ tə́ a tél de kə́ tɔ́gən tɔȳ yān ō, de kə́ ko̰o̰ ɓē yān i ko̰o̰ kə́ ngá̰ý tɔȳ yān ō.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.