DANIEL 11:24 - Bibəl ta Sar̄

²⁴ Dan ń loo a to lápə́ya anī ni a aw̄ gō nang kə́ teē yá̰a̰ majə gə̄ kə́ ndágá tə́, yā kaw̄ rāā yá̰á̰ kə́ kaan gə̄ rāān̄ kété alé: A ɔy yá̰a̰ kənge kə́ kem ɓēé ō, yá̰á̰ kə́ kɔy ta rɔ̄ɔ̄ tə́ gə̄ ō, yā nəɓō deē yān gə̄. Ni a ɔjə kənī loo kə́ ngan̄g gə̄ rɔ̄ɔ̄ gə̄gē. Banī yá̰a̰ gə̄ malang ń noō a ton̄ i márwāy alé.

Bible sar

²⁴ Dan ń loo a to lápə́ya anī ni a aw̄ gō nang kə́ teē yá̰a̰ majə gə̄ kə́ ndágá tə́, yā kaw̄ rāā yá̰á̰ kə́ kaan gə̄ rāān̄ kété alé: A ɔy yá̰a̰ kənge kə́ kem ɓēé ō, yá̰á̰ kə́ kɔy ta rɔ̄ɔ̄ tə́ gə̄ ō, yā nəɓō deē yān gə̄. Ni a ɔjə kənī loo kə́ ngan̄g gə̄ rɔ̄ɔ̄ gə̄gē. Banī yá̰a̰ gə̄ malang ń noō a ton̄ i márwāy alé.

DANIEL 11:24 Referans Kwoze

MATIYE 9:4

Jeju ger̄ gír̄ kə kemdə́ tə́ adə̄ ni-ədadə́ na: Ī-gírī najə̄ kə́ majaĺ kə́ beē gə̄ kemsí tə́ i tām̄ rí tə́?

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

EJEKIEL 38:10

Mā Kɔ́ɔ̄ɓē Nə́ɓā m-ə́da na: Kum mbang ngeé ń noō tə́ ní, gír̄ gə̄ ngá̰ý a reēn̄ dɔí tə́ ō, ā ī-núm̄ yá̰á̰ kógə̄ḿ kə́ a reē kə yá̰á̰ kə́ to kum kaȳ aĺ ō.

Gōsə̄ najə̄ gə̄ 23:7

Tɔdɔ̄ ni to i tītə̄ de kə́ ra ngan̄g dɔ yá̰á̰ kə́ kemən gḛy rāā tə́ beē, ədaī na kə ə́sa ō kə ā̰ȳ ō, banī kemən i seí alé!

Gōsə̄ najə̄ gə̄ 19:6

Ngé gə̄ ń ran̄ ta kum de kə́ bo tə́ yā rāā kadə̄ kemən nelə̄n ní i ngá̰ý ō, de gə̄ malang i madə̄ ta de kə́ nge kadə̄ de gə̄ kadə̄ karī gə̄ ō.

Gōsə̄ najə̄ gə̄ 17:8

Kadə̄ karī i mbal̄ kaā majə ta kum kɔ́ɔ̄n tə́. Ká ré ni tūr̄ rɔ̄n i kə̄ dām̄ kə́ rá tə́ gə̄gē anī kəla rāān a teē yá̰a̰.

NEHEMI 9:25

Nin̄ taān̄ ɓē kə́ ngan̄g gə̄ ō, nang kə́ teē kōō ngá̰ý gə̄ ō, kújə́ kə́ yá̰a̰ kənge rosə kem gə̄ ō, bəlo man̄ kə́ ndēr̄ kɔ̄ɔ́ gə̄ ō, kāgə̄ nduú gə̄ ō, kāgə̄ olibə gə̄ ō, gotə kāgə̄ kə́ rang kə́ kan̄ gə̄ ō. Nin̄ əsan̄ yá̰a̰ ō, əsa ndānə̄n̄ ō, boon̄ lúbə́ lúbə́ ō, ndin̄ dan rɔ̄nel̄ tə́ ō, i kə ta kūl̄ rāā kem majə yāí kə́ ngá̰ý.

NGÉ SARYA 9:4

Nin̄ ɔyn̄ sə́lē arjā̰a̰ kutə sīrí kem kújə ɓesə̄ yā Baal Berit tə́ adə̄nən̄. Abimelek ɔy nar ní adə̄ de kə́ yá̰a̰ aĺ gə̄ ō, kaya gə̄ ō, kadə̄ unnən̄ gōn.

TƏ́DA 13:20

Á̰a̰ī ké dɔ nang kə́ tū tə́ i kə́ teē yá̰á̰ ngá̰ý aké teē yá̰a̰ aĺ wa, ké kāgə̄ gə̄ ran̄ dɔ nang ní tə́ aké gətóon̄ wa. Əhɔī rɔ̄sí tɔgə ba ī-tə́jaī kan̄ kāgə̄ gə̄ kə́ dɔ nang ní tə́ ī-reēiń. Dan ngeé ń noō tə́ ní, i dan yā kəja kan̄ kāgə̄ nduú kə́ ta kəga dɔ gə̄.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.

DANIEL 11:23

Ni a ra dɔ koō naā ń nin̄ oōn̄ naā seneé tə́ ní yā góləń loo. Ni a ənī rɔ̄ɔ̄ kə de kə́ sḛ́ý beē gēé, banī tɔ́gən i ngá̰ý adə̄ ni i dɔɔ́.