DANIEL 11:21 - Bibəl ta Sar̄

²¹ Deē ń a un gotən ní i de kə́ to kadə̄ deē kídə̄n ō, i de kə́ adə̄nən̄ kəla bo ń i kəla ko̰o̰ ɓē ní aĺ ō. Ni a reē i dan ń loo to lápə́ya ní tə́, yā taā ɓē kə ta kūl̄ yá̰á̰ kə́ gōtə́ aĺ gə̄ kə́ ni-rāā loo mundə̄ tə́ jəke.

Bible sar

²¹ Deē ń a un gotən ní i de kə́ to kadə̄ deē kídə̄n ō, i de kə́ adə̄nən̄ kəla bo ń i kəla ko̰o̰ ɓē ní aĺ ō. Ni a reē i dan ń loo to lápə́ya ní tə́, yā taā ɓē kə ta kūl̄ yá̰á̰ kə́ gōtə́ aĺ gə̄ kə́ ni-rāā loo mundə̄ tə́ jəke.

DANIEL 11:21 Referans Kwoze

DANIEL 11:34

Dan ń a rāān̄ kumdə́ ndoō tə́ ní a dḭḭ̄n̄də́ kə́ sḛ́ý beē. Tɔdɔ̄ de gə̄ ń a ɓoon̄ rɔ̄də́ tū yādə́ tə́ ní, ngá̰ý gə̄ a gólə̄n̄ i loo.

DANIEL 8:25

Kumən edə̄ ngá̰ý adə̄ a gól̄ madə̄n gə̄. A ɔsə rɔ̄n kə̄ dɔɔ́, adə̄ dan ń loo a to lápə́ya ngá̰ý ɓáa ni a nujə kósə de kə́ ngá̰ý gə̄ kɔ̄ɔ́. Ni a ḭḭ yā rɔ̄ɔ̄ ngār kə́ dɔ ngār gə̄ tə́ banī a əsō kəsō kógə̄ḿ kə́ a tétə̄ rárák kanjə̄ kadə̄ jī deē ɔdə rɔ̄n.

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ madə̄ naā yān i yá̰á̰ kə́ karī tə́.

NAHUM 1:14

Yá̰á̰ ń Kɔ́ɔ̄ɓē gḛy rāā sesí sḭḭ̄ de kə́ Ninibə gə̄ ní n toó: Ngán gə̄ kə́ kadə̄ rīsí i dɔdə́ tə́ ní, sḭḭ̄ ā ə́ngeī to̰ alé. Ɓesə̄ kāgə̄, aláa ɓesə̄ gində̄ yāsí gə̄ ń ī-tɔ́sídə́ aláa ī-nōōīdə́ horoó, ba ī-tə́ndāīdə́ kem kújə yā nə́ɓā yāsí gə̄ tə́ ní, m-ā m̄-nujəń kɔ̄ɔ́. M-ə̄ndā dɔ bəlo yosí danaá, tām̄ sḭḭ̄ i yá̰á̰ kógə̄ḿ kə́ sáláńg alé.

DANIEL 11:32

Ngé gə̄ ń rāān̄ madə̄ naā yā Nə́ɓā yá̰á̰ kə́ karī tə́ ní, ni a gól̄də́, adə̄ a əya̰n̄ madə̄ naā ní kɔ̄ɔ́ wáńg ta kum de gə̄ tə́. Banī gír de gə̄ yā ngé gə̄ ń gerə̄n̄ Nə́ɓā yādə́ ní a əhɔn̄ ngan̄g.

DANIEL 11:20

De kógə̄ḿ a un gotən. Deē ní a əla deē kógə̄ḿ kɔy yá̰a̰ kənge gə̄ kə́ kem kújə kə́ to kɔsə gɔn tɔȳ gotə kújə gə̄ kə́ kem ɓē ko̰o̰ tə́. Banī sḛ́ý gō tə́ anī a tétə̄nən̄ rárák kɔ̄ɔ́. I wōn̄g n a rāā Nə́ɓā kadə̄ Nə́ɓā a tétə̄n rárák aĺ ō, a tétə̄ rárák i ta rɔ̄ɔ̄ tə́ aĺ ō.

DANIEL 11:7

De kógə̄ḿ kə́ gír kojə yān tə́ a un gotə bɔbə̄n, adə̄ a reē yā kənī ngé rɔ̄ɔ̄ gə̄ yā mban̄g kə́ dām̄ mbɔ́r ɓē kə́ ko̰ó̰ tə́ rɔ̄ɔ̄ loo kə́ ngan̄g ngá̰ý yādə́ tə́ ō, a tetədə́ rɔ̄ɔ̄ ō.

DANIEL 8:23

Dan ń gír ko̰o̰ ɓē yādə́ gān̄g ō, ngé rāā majaĺ gə̄ rāān̄ yá̰a̰ majaĺ adə̄ al̄ naā ō anī, mban̄g kógə̄ḿ kə́ rāā nban̄g ngá̰ý ō ger̄ loo gól̄ de gə̄ ngá̰ý ō a ḭḭ yān dɔɔ́.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

DANIEL 7:8

M-ə̄ndā ma̰ȳ gajən gə̄ ní anī m-á̰a̰ nge kə́ dūú əɓa dan madə̄ gə̄ tə́. Ró̰ȳn̄ gajən kə́ kété gə̄ mətá kɔ̄ɔ́ non tə́. M-á̰a̰ kum yá̰a̰ gə̄ kə́ ton̄ tītə̄ kum deē beé ō, ta de kə́ a tə́da najə̄ kə́ to ngonjə̄ gə̄ ō ton̄ tū gajən kə́ dūú ní tə́.

IJAI 32:5

A ədan̄ de kə́ sapə gə̄ na majə kadə̄ deē ɓōĺ gidəsí to̰ alé. A ədan̄ ngé gól̄ madə̄də́ gə̄ na sḭḭ̄ i de kə́ ngáā gə̄ to̰ alé.

PĀ GƏ̄ 15:4

Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní i de kə́ yā kídə̄də́ kɔ̄ɔ́ gə̄. Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́. Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī ni tūr̄ ndūn alé.

PĀ GƏ̄ 12:8

Kɔ́ɔ̄ɓē, ngé kem ndul gə̄ dáȳn̄ kə̄ loo gə̄ tə́ ō, gír̄ rāā majaĺ rosə kemdə́ ō, ba ā ī-ngɔ̄m̄jí ngándáńg ta de kə́ majaĺ gə̄ ń noō tə́, tɔdɔ̄ ḭ̄ i nge ra dɔ ndūí tə́.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,