DANIEL 11:2 - Bibəl ta Sar̄

² Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.

Bible sar

² Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.

DANIEL 11:2 Referans Kwoze

JEJU TEĒ KUM JA̰A̰ 21:5

Anī nge ń ndi dɔ kōr̄ kāgə̄ mbang tə́ ní əda na: Á̰a̰ī, yá̰a̰ malang i kə́ m̄-rāā kijə. Ba nge ń ndi dɔ kōr̄ kāgə̄ mbang tə́ ní əda ɓáý to̰ na: Ī-ndang najə̄ ń toō. Tɔdɔ̄ i najə̄ kə́ rɔ̄kum ō, asə kadə̄ deē əndā kemən dɔ tə́ ō.

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

JA̰A̰ 10:35

Jə-ger̄ kadə̄ yá̰á̰ n makətūbə̄ yā Nə́ɓā əda ní, deē a ɔr̄ kɔ̄ɔ́ alé. De gə̄ ń Nə́ɓā ɔr̄ najə̄ sedə́ ní, ni-ɓāŕdə́ na i nə́ɓā gə̄.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

DANIEL 11:25

Ni a ger̄ gō tɔ́gən ō, a ger̄ gō kəhɔ rɔ̄ tɔgə yān ō, adə̄ a ɔy ngé rɔ̄ɔ̄ kə́ ngá̰ý gə̄ yā kaw̄ rɔ̄ɔń mban̄g kə́ dām̄ mbɔ́r ɓē kə́ geleé tə́. Mban̄g kə́ dām̄ mbɔ́r ɓē kə́ geleé tə́ a ɔy ngé rɔ̄ɔ̄ gə̄ kə́ kutədə́ i ngá̰ý ō, tɔ́gə́də́ i ngá̰ý ō yā rɔ̄ɔnneé, banī a dum̄ tan alé. Tɔdɔ̄ a oōn̄ naā dɔn tə́ loo mundə̄ tə́ jəke yā rāān yá̰á̰ kə́ majaĺ.

DANIEL 8:4

M-á̰a̰ bal batə̄ ní ɔsə yá̰a̰ kə́ gajəneé kum kə̄ no ɓē tə́ ō, mbɔ́r ɓē kə́ ko̰ó̰ tə́ ō, mbɔ́r ɓē kə́ geleé tə́ ō. De kə́ rang kə́ asə dum tan gətóo ō, de kə́ asə taā yá̰a̰ jīn tə́ kəya̰ dɔɔ́ gətóo ō. Ni a rāā yá̰a̰ i tītə̄ ń kemən ndigə ní ō, a bo i mbéé kum kə̄ kété kété ō.

DANIEL 7:5

Dā̰ kə́ nge ko̰ jōó to tītə̄ dā̰ úrsə. Ni-ɔr̄ tan dɔɔ́ sḛ́ý beē ō, əhɔ kə̄ngā nganjə yá̰a̰ gə̄ mətá tan tə́ kə ngāngəneé ō. Ədanən̄ na kə ḭḭ kə əsa dā̰ ngá̰ý!

Gōsə̄ najə̄ gə̄ 22:21

yā ndóōineé yá̰á̰ kə́ gōtə́ gə̄ ō, najə̄ kə́ rɔ̄kum gə̄ ō, kadə̄ ī-téləń kə najá ī-reē ə́dá ngé kəlaí gə̄ kə gōó ō.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

DANIEL 8:21

Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.

ESDRAS 4:7

Ɓāl̄ ko̰o̰ ɓē yā Artajerses mban̄g kə́ Persə tə́ ní, Bisəlam ō Mitəredat ō Tabeel ō, nin̄ kə madə̄də́ kə́ rang gēé ndangən̄ makətūbə̄ adə̄n̄ Artajerses. Ndangən̄ makətūbə̄ ní i kə jī loo ndangən yā Aram gə̄ ō, i kə ta Aram ō.

ESDRAS 4:24

Adə̄ ta kəla kújə yā Nə́ɓā kə́ Jerusalem dəba bátə́ ugə̄ ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́. Tél unən̄ ta kəla rāā kújə yā Nə́ɓā gogə́.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.