DANIEL 11:18 - Bibəl ta Sar̄

¹⁸ Gō tə́ anī ni a tūr̄ kumən kə̄ dɔ gō nang gə̄ kə́ kadə bā bo tə́ ō, gō nang gə̄ ní ni a taā kə́rēý gə̄ ngá̰ý kə tɔ́gɔ́ ō. Banī ngār kógə̄ḿ kə́ tə̄rā a rāā gír kɔjərɔ̄ yān a gān̄g ō, a rāā kadə̄ yá̰a̰ gə̄ ń kɔjə rɔ̄ yān ojədə́ ní téĺ tə́sōn̄ dɔn tə́ gogə́ ō.

Bible sar

¹⁸ Gō tə́ anī ni a tūr̄ kumən kə̄ dɔ gō nang gə̄ kə́ kadə bā bo tə́ ō, gō nang gə̄ ní ni a taā kə́rēý gə̄ ngá̰ý kə tɔ́gɔ́ ō. Banī ngār kógə̄ḿ kə́ tə̄rā a rāā gír kɔjərɔ̄ yān a gān̄g ō, a rāā kadə̄ yá̰a̰ gə̄ ń kɔjə rɔ̄ yān ojədə́ ní téĺ tə́sōn̄ dɔn tə́ gogə́ ō.

DANIEL 11:18 Referans Kwoze

OJEE 12:14

Banī Kɔ́ɔ̄ɓē teē kə ngán Israel gēé kɔ̄ɔ́ kem ɓē kə́ Ejiptə tə́ i kə ta kūl̄ nge koō ta. I nge koō ta n ngɔ̄m̄də́ ní.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

JEREMI 31:10

Nápar de gə̄, ōōī najə̄ yā Kɔ́ɔ̄ɓē. Ə̄nīī mbēr̄ yān ādī ngé gə̄ ń ndin̄ loo kə́ sa̰y ngá̰ý tə́ ní oōn̄. Ədaī na: Nge ń tə̄ndā ngán Israel gə̄ tḭ̄ḭ̄də́ naā tə́ ní a ɔsə dɔdə́ naā tə́. Ni ngɔ̄m̄də́ tītə̄ ń nge kul̄ yá̰a̰ ngɔ̄məń yá̰a̰ kul̄ yān gə̄ ní beē.

JEREMI 2:10

Ī-mān̄ āwī dor̄ gə̄ kə́ Kitim tə́ á̰a̰ī ō. Ə́laī de gə̄ Kedar ō, ī-dəjeī gír najə̄ kə gōó ō. Ə̄ndāī ma̰ȳ á̰a̰ī ké yá̰á̰ kə́ tītə̄ ń noō rāā yá̰a̰ aĺ ɓáý wa.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

EJEKIEL 27:6

Nin̄ tə́gān̄ i kāgə̄ sén gə̄ kə́ Basan n rāān̄nəń háy yāí gə̄ ní. Rāān̄ loo ra ngé nēl̄ to gə̄ i kə kāgə̄ sédər gə̄ kə́ dor̄ loo yā Gərek gə̄ tə́ kə́ rāān̄ ro̰n gə̄ i kə ngān̄g dā̰á̰.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

NGÉ SARYA 1:7

Adoni Bejek əda na: Kété ní mban̄g gə̄ kutə sīrí kə́ gángə̄n̄ ta bo jīdə́ gə̄ kə ta bo njadə́ gə̄ a ɔyn̄ butə̄ yá̰a̰ kəsa gə̄ ń a tə́sō nang tə́ ní gíŕ tábəl yāḿ tə́. Adə̄ i yá̰á̰ ń m̄-rāā ní n Nə́ɓā rāām̄ kum gotə kə̄rā ní. Aw̄n̄ seneé Jerusalem adə̄ ni-oy i noó.

ESTER 10:1

Mban̄g Jerses gān̄g lambóo dɔ de gə̄ ń ndin̄ dɔ nang kə́ laa ngá̰ý tə́ ní ō, de gə̄ ń ndin̄ dɔ dor̄ loo gə̄ kə́ kum bā bo tə́ ní ō.