DANIEL 11:16 - Bibəl ta Sar̄

¹⁶ Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

Bible sar

¹⁶ Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

DANIEL 11:16 Referans Kwoze

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

DANIEL 11:41

Ni a reē kem ɓē kə́ majə tɔȳ gotə ɓē gə̄ malang tə́ ō, ngá̰ý gə̄ a tə́sōn̄ ō. De gə̄ ń a teēn̄ ta jīn tə́ ní i Edom gə̄ ō, Moab gə̄ ō, de kə́ bo gə̄ yā ngán Amon gə̄ ō.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 11:3

Banī go̰ rɔ̄ɔ̄ kógə̄ḿ a ndi mban̄g. Ni a ndi dɔ ɓē ko̰o̰ kə́ bo ngá̰ý tə́ ō, a rāā yá̰a̰ i tītə̄ ń kemən ndigə ní ō.

DANIEL 8:7

Reē ugə̄ rɔ̄n tə́ anī kɔ̄r̄ rāān dɔn tə́. Ni ɔsən anī gajə kə́ jōó gə̄ tetən̄ ō, bal batə̄ ní teē əsō ō, kə́ kadə̄ dumə̄nneé gətóo ō. Ni tə́ɓā bal batə̄ ní kə njaneé ō, de kə́ kadə̄ taān jīn tə́ gətóo ō.

DANIEL 8:4

M-á̰a̰ bal batə̄ ní ɔsə yá̰a̰ kə́ gajəneé kum kə̄ no ɓē tə́ ō, mbɔ́r ɓē kə́ ko̰ó̰ tə́ ō, mbɔ́r ɓē kə́ geleé tə́ ō. De kə́ rang kə́ asə dum tan gətóo ō, de kə́ asə taā yá̰a̰ jīn tə́ kəya̰ dɔɔ́ gətóo ō. Ni a rāā yá̰a̰ i tītə̄ ń kemən ndigə ní ō, a bo i mbéé kum kə̄ kété kété ō.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

DANIEL 5:19

Bo ń adə̄n ní rāā adə̄ de kə́ gíŕdə́ i tayā tayā gə̄ ō, nápardə́ i tayā tayā gə̄ ō, ta yādə́ i tayā tayā gə̄ ō, ɓōĺ rāādə́ adə̄ ndewn̄ ta kumən tə́. Tɔdɔ̄ deē ń kemən ndigə tɔ̄lən a a tɔ̄lən ō, deē ń kemən ndigə kəya̰n a a əya̰n ō, deē ń kemən ndigə kɔsən kə̄ dɔɔ́ a a ɔsən kə̄ dɔɔ́ ō, deē ń kemən ndigə tél seneé kə̄ nang tə́ a a tél seneé kə̄ nang tə́ ō.