DANIEL 11:15 - Bibəl ta Sar̄

¹⁵ Adə̄ mban̄g kə́ dām̄ mbɔ́r ɓē kə́ ko̰ó̰ tə́ a reē, ni a ɔy nán̄g kə̄ dɔ naā tə́ kadə̄ ra dɔ naā tə́ bing kadə ɓē kógə̄ḿ kə́ ngan̄g tə́ yā gīrəń ɓē ní ō, ni a taā ɓē ní ō. Tɔ́gə mban̄g kə́ dām̄ mbɔ́r ɓē kə́ geleé tə́ a asə dumə̄n aĺ ō, ngé ger̄ rɔ̄ɔ̄ ngá̰ý gə̄ kə́ dām̄ mbɔ́r ɓē kə́ geleé gə̄ a asən̄ aĺ ō: Tɔ́gə́də́ kə́ dumə̄n̄eédə́ gətóo.

Bible sar

¹⁵ Adə̄ mban̄g kə́ dām̄ mbɔ́r ɓē kə́ ko̰ó̰ tə́ a reē, ni a ɔy nán̄g kə̄ dɔ naā tə́ kadə̄ ra dɔ naā tə́ bing kadə ɓē kógə̄ḿ kə́ ngan̄g tə́ yā gīrəń ɓē ní ō, ni a taā ɓē ní ō. Tɔ́gə mban̄g kə́ dām̄ mbɔ́r ɓē kə́ geleé tə́ a asə dumə̄n aĺ ō, ngé ger̄ rɔ̄ɔ̄ ngá̰ý gə̄ kə́ dām̄ mbɔ́r ɓē kə́ geleé gə̄ a asən̄ aĺ ō: Tɔ́gə́də́ kə́ dumə̄n̄eédə́ gətóo.

DANIEL 11:15 Referans Kwoze

EJEKIEL 17:17

Mban̄g kə́ Ejiptə tə́ a asə rɔ̄ɔ̄ dɔn tə́ alé, ká ni reēń i kə ngé rɔ̄ɔ̄ kə́ ngá̰ý gə̄ ō, kə ɓūtə̄ de kə́ ngá̰ý gə̄ ō ní. Tɔdɔ̄ dan yā rɔ̄ɔ̄ tə́ anī, de kə́ Babilon gə̄ a əndān̄ ndogə̄ mbal̄ kə́ yā kənīń rɔ̄ɔ̄ ō, a ndērə̄n̄ bəlo gə̄ yā tɔ̄ləń de gə̄ ngá̰ý ō.

JEREMI 6:6

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ī-tə́gāī kāgə̄ gə̄, ɔ́yiī nán̄g ādə̄ rāā dɔ naā tə́ bing kadə Jerusalem tə́, i ɓē kə́ rāānən̄ yá̰á̰ kə́ tōr̄ tām̄ majaĺ yān tə́, de kə́ kemeé gə̄ rāān̄ kum naā ndoō tə́ ngá̰ý.

EJEKIEL 4:2

Gō tə́ anī ɔ́jə kadə̄ madə̄ ba̰ā̰ gə̄ gīrə̄n̄ gidən. Ī-ndēr̄ bəlo gə̄ kə́ yā rɔ̄ɔ̄nəń ō, ɔ́ý nán̄g kə̄ nja ndogə̄ mbal̄ tə́ ādə̄ ra dɔ naā tə́ bing yā kənīnəń rɔ̄ɔ̄ ō, ī-tə́ndā gérger gə̄ kə yá̰a̰ rɔ̄ɔ̄ gə̄ ādə̄ gīrə̄n̄ gidən ō.

DANIEL 11:6

Asə ɓāl̄ kóndóńg wań anī a əhɔn̄ madə̄ naā, adə̄ ngōn̄ mban̄g kə́ dām̄ mbɔ́r ɓē kə́ geleé tə́ kə́ dəyá̰ a reē ɓē mban̄g kə́ dām̄ mbɔ́r ɓē kə́ ko̰ó̰ tə́ kadə̄ míndə́də́ əsōn̄ gō naā tə́. Banī jī deē kógə̄ḿ i gírən tə́ aĺ ō, gír kojə yān a ndi aĺ ō. Dan ngeé ń noō tə́ ní nəkɔ́ a oy ō, ngé reē seneé gə̄ a oyn̄ ō, naā tə́ kə bɔbə̄n ō, kə ngaaneé ō.

DANIEL 8:7

Reē ugə̄ rɔ̄n tə́ anī kɔ̄r̄ rāān dɔn tə́. Ni ɔsən anī gajə kə́ jōó gə̄ tetən̄ ō, bal batə̄ ní teē əsō ō, kə́ kadə̄ dumə̄nneé gətóo ō. Ni tə́ɓā bal batə̄ ní kə njaneé ō, de kə́ kadə̄ taān jīn tə́ gətóo ō.

JEREMI 52:4

Kem ɓāl̄ ko̰o̰ ɓē yā Sedekias kə́ nge ko̰ ndōhó tə́ ní, kə nāā kə́ nge ko̰ kutə, kə ndɔ̄ kə́ nge ko̰ kutə kógə̄ḿ yā nāā anī, Nabukodonosor, mban̄g kə́ Babilon reē kə́ ɓūtə̄ áskar yān gēé malang yā rɔ̄ɔń ɓē kə́ Jerusalem. Ni-əndā gérger yān adə̄ sɔɔ̄ ta ɓē. De kə́ Babilon gə̄ ndērə̄n̄ bəlo adə̄ gīr̄ gidə ɓē.

JEREMI 33:4

Rɔ̄kum, Kɔ́ɔ̄ɓē Nə́ɓā yā Israel ɔr̄ najə̄ kə́ dɔ kújə gə̄ kə́ kem ɓē ń toō tə́ ō, kə́ dɔ kújə gə̄ yā mban̄g gə̄ kə́ Juda tə́ ō ń a nujən̄də́ kɔ̄ɔ́ kə ta kūl̄ nán̄g kə́ kɔsə dɔ naā tə́ ō, kaskar ō ní.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

DANIEL 11:14

Dan nge ń noō tə́ ní de gə̄ ngá̰ý a mbātə́n̄ najə̄ gō mban̄g kə́ dām̄ mbɔ́r ɓē kə́ geleé tə́ ō, ngé dɔ́nɔ gə̄ kə́ dan gír deē yāí gə̄ tə́ a ḭḭn̄ yā mbātə́ najə̄ gōn tə́ ō, yā kadə̄ yá̰á̰ ń i kə́ ka̰ā̰ ní udəń gíŕ kə́ rɔ̄ tə́. Banī nin̄ asən̄ alé.