DANIEL 10:9 - Bibəl ta Sar̄

⁹ Deē ní ɔr̄ najə̄ adə̄ m-ōō ndūn. Ba ndūn ní rāām̄ adə̄ m̄-teē m-ə̄sō m̄-sébə kumḿ nang tə́ m̄-ɓīī ɓē kógə̄ḿ kə́ m-óý mámák kɔ̄ɔ́ ō.

Bible sar

⁹ Deē ní ɔr̄ najə̄ adə̄ m-ōō ndūn. Ba ndūn ní rāām̄ adə̄ m̄-teē m-ə̄sō m̄-sébə kumḿ nang tə́ m̄-ɓīī ɓē kógə̄ḿ kə́ m-óý mámák kɔ̄ɔ́ ō.

DANIEL 10:9 Referans Kwoze

DANIEL 8:18

Dan ń a ɔr̄ najə̄ seḿ ní kumḿ i kə́ m̄-sébə nang tə́ kɔ̄ɔ́ ō, m̄-ɓīī ɓīī kógə̄ḿ kə́ m-óý mámák kɔ̄ɔ́ ō. Ni-ɔdəm̄ ba un udəm̄ dɔɔ́ gogə́.

Makətūbə̄ yā Job 4:13

Dan ń nī kə́ ndɔ̄ɔ́ gə̄ a dáȳn̄ kə gír̄ yā deé kə̄ loo gə̄ tə́, dan ń deē ɓīī ɓīī kə́ gōn əsō ní,

TA KƏLA 15:12

Ta mbang kudə tə́ anī, ɓīī rāā Abəram, adə̄ ɓīī ɓīī kə́ gōn əsō. Anī ɓōĺ kə́ ngá̰ý rāān.

Najə̄ kə́ Majə yā Jeju ń Luk ndang ní 22:45

Ni-ḭḭ ta ndɔ̄ȳ tə́, ba reē rɔ̄ ngé ndóō yá̰a̰ yān gə̄ tə́. Dan ń ni-reē əngedə́ ní a to a ɓīīn̄ kə sōlōó kekəre, banī ədadə́ na:

Najə̄ kə́ Majə yā Jeju ń Luk ndang ní 9:32

Piyer nin̄ kə madə̄n gēé ɓīīn̄ kə́ oyn̄ mámák kɔ̄ɔ́. Banī nin̄-ndólə̄n̄ anī a̰a̰n̄ kɔsə gɔn yā Jeju ō, de kə́ jōó gə̄ ń ran̄ rɔ̄n tə́ ní ō.

PĀ KƏ́ MAJƏ 5:2

Mā m̄-ɓīī banī kemḿ ɓīī alé. M-ōō kōō kó tár yāḿ kə́ a gógə̄ ta róbə! Ngōkó̰ó̰ḿ kə́ dəyá̰, madə́, dér dum yāḿ, nge majə kɔtə̄ kə taá yāḿ, ī-teē ta róbə ādə̄m̄ tə́. Tɔdɔ̄ dɔḿ i tal malang ō, man̄ kə́ tə́sō ndɔ̄ɔ́ gə̄ nɔ̄lə̄n̄ nənga dɔḿ ō.

Makətūbə̄ yā Job 33:15

Ni a ɔr̄ najə̄ i kə nīí ō, i kə yá̰á̰ kə́ deē a̰ā̰ ndɔ̄ɔ́ ō, dan ń ɓīī rāā de gə̄ ngá̰ý á to a ɓīīn̄ dɔ tə̄rā yādə́ gə̄ tə́ ní.

TA KƏLA 2:21

Anī Kɔ́ɔ̄ɓē Nə́ɓā ənī ɓīī kə́ ngan̄g ngá̰ý dɔ deē tə́ adə̄ to a ɓīī. Anī ni-ɔr̄ kə̄ngā nganjən kógə̄ḿ ba tél utə̄ ta dā̰n gotoó.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

DANIEL 10:16

Banī deē ní ɔdə ndāŕ taḿ. Anī m̄-tḛḛ̄ taḿ m-ɔ̄r̄ najə̄. M-ə́da deē ń ra noḿ tə́ ní na: Kɔ́ɔ̄ḿ, yá̰á̰ ń m-á̰a̰ā̰ ní rāā adə̄ ɓōĺ rāām̄ ngá̰ý ō, rāā adə̄ tɔ́gə́ḿ gətóó bátə́ ō.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.