DANIEL 10:20 - Bibəl ta Sar̄

²⁰ Ni-tél un najə̄ ɔr̄ ɓáý, əda na: Ī-ger̄ kum reē ń m̄-reē rɔ̄í tə́ ní a? Ngɔlaā m-ā m̄-tél yā kaw̄ gogə́ yā rɔ̄ɔ̄ mban̄g kə́ Persə ɓáý. M-ā m̄-teē ba mban̄g kə́ Gərek a reē.

Bible sar

²⁰ Ni-tél un najə̄ ɔr̄ ɓáý, əda na: Ī-ger̄ kum reē ń m̄-reē rɔ̄í tə́ ní a? Ngɔlaā m-ā m̄-tél yā kaw̄ gogə́ yā rɔ̄ɔ̄ mban̄g kə́ Persə ɓáý. M-ā m̄-teē ba mban̄g kə́ Gərek a reē.

DANIEL 10:20 Referans Kwoze

DANIEL 8:21

Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.

DANIEL 10:13

Ngār kə́ dɔ ɓē ko̰o̰ yā Persə gə̄ tə́ tā̰ā̰m̄ rɔ̄ɔ̄ bátə́ ndɔ̄ kutə jōó gidə i kógə̄ḿ, banī Misel ń i ngār kógə̄ḿ kə́ dan ngār gə̄ ń nin̄ i kété no madə̄də́ gə̄ tə́ ní reē dḭḭ̄m̄. adə̄ əhɔmə̄n̄ adə̄ m̄-rā kadə mban̄g kə́ Persə tə́.

KƏLA RĀĀ 12:23

Dan nəkɔ́ ń noō tə́ bang ɓáa de kə́ dɔ rā̰ tə́ yā Kɔ́ɔ̄ɓē əndan. Tām̄ dan ń de gə̄ ɔsən̄ gɔn Nə́ɓā ní, ni-tél kə kɔsə gɔn ní adə̄ Nə́ɓā alé, ba ngɔ̄m̄ i tām̄ yān nəkɔ́ tə́. Loo ń noō tə́ kur̄ gə̄ əsanən̄ adə̄ oy.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

ESDRAS 4:4

Loo ń noō tə́ de kə́ kem ɓēé gə̄ əlan̄ gír kɔr̄ tɔ́gə Jipə gə̄ ō, rāādə́ kadə̄ ɓōlə́n̄ ō, kadə̄ lōn̄neé gír rāā kújə yā Kɔ́ɔ̄ɓē tə́.