DANIEL 10:19 - Bibəl ta Sar̄

¹⁹ Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

Bible sar

¹⁹ Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

DANIEL 10:19 Referans Kwoze

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

NGÉ SARYA 6:23

Banī Kɔ́ɔ̄ɓē ədan na: Ādə̄ kemií sɔl̄, ī-ɓōl alé na ā óy alé.

DANIEL 9:23

Dan ń ə́lá gír rāā Nə́ɓā ɓɔ́ ní Nə́ɓā əda najə̄ kógə̄ḿ adə̄ m̄-reē i kədaī najə̄ ní tə́. Tɔdɔ̄ ḭ̄ i kó tár yā Nə́ɓā. I beé ní majə kadə̄ ī-ger̄ kum najə̄ ní ō, kum yá̰á̰ ń á̰a̰ā̰ ní ō.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

2 KORḚNTƏ 12:9

Banī ni-tél ədam̄ na kem majə ń na n-rāā seḿ ní na asə tām̄ yāḿ tə́. Tām̄ tɔ́gən ɔjə rɔ̄n kə̄ ndágá ngá̰ý i dan ń tɔ́gə́ḿ mā na gətóo kɔ̄ɔ́ tə́ ní. Adə̄ yá̰á̰ ń kemḿ gḛy ngá̰ý ní i kɔjə rɔ̄ḿ tām̄ yā tɔ́gə gətóo yāḿ tə́, yā kadə̄ tɔ́gə Kərist ɔjəń rɔ̄n kə̄ ndágá kə ta kūlə̄ḿ.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

2 TIMOTE 2:1

I beé ní, ḭ̄ ngōnə̄ḿ, rajə ń Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g.

JA̰A̰ 19:26

Loo ń Jeju a̰a̰ kó̰o̰n kadə nge ndóō yá̰a̰ yān ń ni-tárən tə́ ní anī, əda kó̰o̰n na: Dəyá̰, á̰a̰ ngōnī n ra noó.

JA̰A̰ 21:20

Dan ń Piyer mbel anī, a̰ā̰ kadə̄ nge ndóō yá̰á̰ ń Jeju ń tárən ní a un gōdə́. I nge ń nōr̄ kə̄ dɔ Jeju tə́ loo kəsa yá̰á̰ kə́ loo tíbí tə́ á dəjen na ké i náā n a əlan jī de gə̄ tə́ wa ní.

JA̰A̰ 11:36

Anī Jipə gə̄ ədan̄ na: Á̰a̰ī táŕ ń ni-tárən ní!

JA̰A̰ 11:5

Jeju tár Martə ō, ngōkó̰o̰n kə́ dəyá̰ ō, Lajar ō.

JA̰A̰ 11:3

Ngákó̰o̰n kə́ dəyá̰ gə̄ ní əla ədan̄ Jeju na: Kɔ́ɔ̄ɓē, deē ń ī-tárən ní i mo̰y.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JAKARI 8:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə́hɔī rɔ̄sí tɔgə! Ādə̄ əga kemsí dɔ najə̄ gə̄ ń ngé koō ta yāḿ gə̄ ədan̄sí ní tə́, dan ń əndānń ngəra kújə yāḿ yā tél rāā gogə́ rang ní.

DANIEL 10:18

Loo ń noō tə́ yá̰á̰ kə́ to tītə̄ deē ní tél ɔdə rɔ̄ḿ ɓáý to̰ ō, adə̄m̄ tɔ́gə gogə́ rang ō.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 138:3

Ndɔ̄ ń m̄-ɓāríī á ī-ndigə ní, ḭ̄ ə́la go̰ kemḿ tə́ ō, ādə̄m̄ tɔ́gə ō.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!