DANIEL 10:16 - Bibəl ta Sar̄

¹⁶ Banī deē ní ɔdə ndāŕ taḿ. Anī m̄-tḛḛ̄ taḿ m-ɔ̄r̄ najə̄. M-ə́da deē ń ra noḿ tə́ ní na: Kɔ́ɔ̄ḿ, yá̰á̰ ń m-á̰a̰ā̰ ní rāā adə̄ ɓōĺ rāām̄ ngá̰ý ō, rāā adə̄ tɔ́gə́ḿ gətóó bátə́ ō.

Bible sar

¹⁶ Banī deē ní ɔdə ndāŕ taḿ. Anī m̄-tḛḛ̄ taḿ m-ɔ̄r̄ najə̄. M-ə́da deē ń ra noḿ tə́ ní na: Kɔ́ɔ̄ḿ, yá̰á̰ ń m-á̰a̰ā̰ ní rāā adə̄ ɓōĺ rāām̄ ngá̰ý ō, rāā adə̄ tɔ́gə́ḿ gətóó bátə́ ō.

DANIEL 10:16 Referans Kwoze

DANIEL 8:15

Dan ń mā Daniel m̄-rā m-ā m-á̰á̰ yá̰á̰ ní ō, m-ā m̄-sāā kum kadə̄ m̄-ger̄ ō anī, yá̰á̰ kógə̄ḿ kə́ to tītə̄ deē reē ra noḿ tə́.

IJAI 6:7

Ni ɔdə taḿ kə yā̰l̄ hor ní ba ədam̄ na: Dan ń yā̰l̄ hor ń toō ɔdə taí ní, ɔrə̄n̄ yá̰a̰ rāāí kə́ gōtə́ aĺ kɔ̄ɔ́, mā̰ȳn̄ rɔ̄də́ dɔ majaĺ yāí tə́ kɔ̄ɔ́.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.

DANIEL 8:27

Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

DANIEL 7:28

Gír najə̄ ní gān̄g i loo ń toō tə́. Mā Daniel tā anī gír̄ yāḿ gə̄ əlan̄ ɓōĺ kemḿ tə́ ngá̰ý. gír̄ gə̄ ní rāāmə̄n̄ adə̄ m̄-tetə ndaa ō, asəm̄ gír̄ yá̰a̰ dɔ tə́ aĺ ō.

DANIEL 7:15

Ɓōĺ rāām̄ mā Daniel ngá̰ý ō, yá̰a̰ gə̄ ń m-á̰a̰ā̰ ní tōr̄ rɔ̄ḿ ngá̰ý ō.

JEJU TEĒ KUM JA̰A̰ 1:13

ba deē kógə̄ḿ kə́ to tītə̄ ngōn̄ deē ra dan ɗəra hor gə̄ ní tə́. Kɔ́ɔ̄ o̰ō̰ kūbə̄ ngāl̄ kə́ ɔdə gidə njan nang tə́ ō, do̰ō̰ kadən kə kəlā lɔ́rɔ́ ō.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

Najə̄ kə́ Majə yā Jeju ń Luk ndang ní 1:64

Anī kə̄ ta jī tə́ noō ta Jakari ndɔ̄bə̄ ō, gír kəlā ndo̰n tútə ō, adə̄ a ɔr̄ najə̄ ō, tɔ̄ȳ Nə́ɓā ō.

DANIEL 12:8

Mā Daniel m-ōō najə̄ ní ba m̄-ger̄ kum alé, adə̄ m̄-dəje najə̄ m-ə́da na: Kɔ́ɔ̄ḿ, ta yá̰a̰ gə̄ ń noō a to i ba̰ý?

DANIEL 9:21

Dan ń m-ā m-ɔ̄r̄ najə̄ ɓáý anī Gabəriyel, deē ń m-á̰a̰ n dan ń yá̰a̰ ndɔ̄bə̄m̄neé tə́ kété ní, ḭḭ bɔ̄gə̄ reē rɔ̄ḿ tə́ láẃ kum mbang ndə̄jə̄ Nə́ɓā yá̰a̰ tun̄ kə́ loo tíbí tə́.

EJEKIEL 33:22

Kété pá tá kadə̄ deē ní reē ugə̄ ní, Kɔ́ɔ̄ɓē rāā adə̄ m̄-ger̄ gō tɔ́gən, tām̄ ni-rāā adə̄ m̄-tél m-ɔ̄r̄ najə̄ gogə́. Dan ń teē kə ndɔ̄ kə́ noō dəloí á deē ní reē ugə̄ ní, gír kəlā ndo̰ḿ do̰ō̰ naā to̰ alé, adə̄ m-ɔ̄r̄ najə̄.

EJEKIEL 3:27

Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

EJEKIEL 1:26

Yá̰á̰ kógə̄ḿ kə́ to tītə̄ mbal̄ sapir ba to tītə̄ kōr̄ kāgə̄ mbang beé i dɔɔ́ dɔ tə́ ō, yá̰á̰ kógə̄ḿ kə́ to tītə̄ deē i dɔ kōr̄ kāgə̄ mbang ní tə́ ō.

KOHELET 1:18

Tɔdɔ̄ wur kɔl i ngá̰ý tū kum kedə̄ kə́ ngá̰ý tə́. Deē ń kɔ́ɔ̄ rāā adə̄ ger̄ yá̰a̰ yān aw̄ kum kə̄ kété ní, rɔ̄ tōr̄ yān aw̄ kum kə̄ kété ō.

NGÉ SARYA 13:8

Tā anī Manoa nōō kə̄ dɔ Kɔ́ɔ̄ɓē tə́ ədan na: Ɓɔ́ Kɔ́ɔ̄ɓē, deē yā Nə́ɓā ń ə́lan ní ādə̄ tél reē rɔ̄jí tə́ ɓáý to̰ ɔjəjí yá̰á̰ ń kadə̄ jə-rāā tām̄ yā ngōn̄ ń j-a j-ojə tə́ ní.

NGÉ SARYA 6:15

Banī Jedeo̰ tél ədan na: ḿ Kɔ́ɔ̄ḿ, m-ā m-ájə́ ngán Israel gə̄ i ba̰ý? Gír ɓē yā Manase tə́ ní de kə́ gír kaa yāḿ mā tə́ gə̄ ní tɔ́gə́də́ gətóo tɔȳ yā gotə de gə̄ malang. Tá kem ndogə̄ yā bɔbə́ḿ tə́ ní mā i ngōn̄ kə́ dūú ngá̰ý.

NGÉ SARYA 6:13

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

JOJUE 5:14

Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā?

Teē Ngán Israel gə̄ 4:13

Moijə rāā Kɔ́ɔ̄ɓē ɓɔ́ ba ədan na kə əla de kə́ rang.

Teē Ngán Israel gə̄ 4:10

Moijə əda Kɔ́ɔ̄ɓē na ni na i de kə́ n-ger̄ kɔr̄ najə̄ alé na i ɓatə, na i tagə́bēé laā aĺ ō, na i tagə́ ndɔ̄ tə́ aĺ ō, na i kum mbang ń na a ɔrə̄ń najə̄ seneé tə́ toō aĺ ō. Ni na i de kə́ tan ɔȳ ngá̰ý dɔ najə̄ tə́ na i jóo.

DANIEL 4:19

kɔ́ɔ̄ ɓē gə̄, kāgə̄ ní i ḭ̄! Tɔdɔ̄ ī-tél de kə́ bo ō tɔ́gí to ō, ī-tɔgə bátə́ ɔ́də no rā̰ ō, ó̰o̰ ɓē bátə́ ta ngóy dɔ nang tə́ ō.

DANIEL 8:18

Dan ń a ɔr̄ najə̄ seḿ ní kumḿ i kə́ m̄-sébə nang tə́ kɔ̄ɔ́ ō, m̄-ɓīī ɓīī kógə̄ḿ kə́ m-óý mámák kɔ̄ɔ́ ō. Ni-ɔdəm̄ ba un udəm̄ dɔɔ́ gogə́.