DANIEL 10:14 - Bibəl ta Sar̄

¹⁴ m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

Bible sar

¹⁴ m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 10:14 Referans Kwoze

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

DANIEL 12:9

Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

NDŪ NAJƏ̄ 4:30

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

2 TIMOTE 3:1

Yá̰á̰ ń kadə̄ ī-ger̄ majə ní n toó: Ta ngóy ndɔ̄ gə̄ tə́ anī, kum mbang kə́ tōr̄ gə̄ a ton̄.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

DANIEL 9:22

Ni ɔjəm̄ yá̰a̰ əda na: Daniel, m̄-teē m̄-reē i teē kumií tə́ dɔ yá̰á̰ tə́ kadə̄ ī-ger̄.

NDŪ NAJƏ̄ 31:21

Loo ń noō tə́ yá̰á̰ kə́ to kum kaȳ aĺ ngá̰ý gə̄ ō, wur kɔl kə́ ngá̰ý gə̄ ō, a rāān̄də́. Banī pā ń toō a tél najə̄ kə́ kum tə́ kə́ kəda dɔdə́ tə́. Tɔdɔ̄ dɔ ngáńdə́ gə̄ ō, ngán kaadə́ gə̄ ō, a ndígə̄nal pā ń toō alé. Yá̰á̰ ń ndi a nɔ́mə̄n̄ kemdə́ tə́ ɓōólaā ní, m̄-ger̄ majə kɔ̄ɔ́ pá tá kadə̄ m-āw̄ sedə́ dɔ nang ń m-ə̄nī ndūḿ yā kadə̄də́ tə́ ní.

NDŪ NAJƏ̄ 31:29

Tɔdɔ̄ m̄-ger̄ kadə̄ ré m-óy kɔ̄ɔ́ anī, ngán Israel gə̄ a rāān̄ yá̰a̰ majaĺ ō, a əya̰n̄ róbə́ ń m-ɔ́jə́də́ ní kɔ̄ɔ́ ō. Ta tɔ̄l̄ ta anī yá̰á̰ kə́ to kum kaȳ aĺ a reē dɔdə́ tə́, tām̄ yá̰á̰ kə́ majaĺ ń rāān̄ adə̄ rɔ̄ Kɔ́ɔ̄ɓē nelə̄n aĺ ō, wōn̄g rāān ō ní tə́.

EJEKIEL 12:27

Ḭ̄ ngōn̄ deē, ōō! Ngán Israel gə̄ ədan̄ na: Yá̰a̰ gə̄ Ejekiel ədadə́ ní a reēn̄ yā kudə gíŕ kə́ rɔ̄ tə́ i ndɔ̄ń tə́ ɓáý ō, najə̄ ń m-ə̄ndā taí tə́ á ə́dá ní, na i tām̄ yā ndɔ̄ gə̄ kə́ sa̰y ngá̰ý tə́ ō.

DANIEL 8:16

Anī m-ōō ndū deē kógə̄ḿ kə̄ dan man̄ Ulay tə́ ɔr̄ najə̄ kə tɔ́gɔ́ əda na: Gabəriyel, ɔ́jə deē ń toō kum yá̰á̰ ń a̰ā̰ ní ādə̄ ger̄!

TƏ́DA 24:14

Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.