DANIEL 10:12 - Bibəl ta Sar̄

¹² Ni ədam̄ ɓáý to̰ na: Daniel, ī-lōō ɓōĺ! Tɔdɔ̄ əla gír ndɔ̄ ń ī-gḛy gerə̄ń kum yá̰a̰ gə̄ ń rāān̄ yá̰a̰ ō, ī-gḛy sɔlə̄ń dɔí kə̄ kə̄ no Nə́ɓā yāí tə́ ō ní, Nə́ɓā oō ndɔ̄ȳ yāí adə̄ m̄-reē i tām̄ najə̄ kɔrīí tə́.

Bible sar

¹² Ni ədam̄ ɓáý to̰ na: Daniel, ī-lōō ɓōĺ! Tɔdɔ̄ əla gír ndɔ̄ ń ī-gḛy gerə̄ń kum yá̰a̰ gə̄ ń rāān̄ yá̰a̰ ō, ī-gḛy sɔlə̄ń dɔí kə̄ kə̄ no Nə́ɓā yāí tə́ ō ní, Nə́ɓā oō ndɔ̄ȳ yāí adə̄ m̄-reē i tām̄ najə̄ kɔrīí tə́.

DANIEL 10:12 Referans Kwoze

DANIEL 10:19

Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

IJAI 58:9

Dan ń ā ī-ɓāŕ yá̰a̰ anī, Kɔ́ɔ̄ɓē a ndigiī. Dan ń ā ə́ga kɔŕ anī, ni a əda na: Mā i laā! Yá̰á̰ kə́ a rējə̄ madí gə̄ ō, yá̰a̰ rāā kə́ a əla ɓōĺ kem deē tə́ ō, najə̄ kə́ adə̄ deē do ō ní, ré ī-rāādə́ adə̄ gətóon̄ kɔ̄ɔ́ kem ɓē yāí tə́ anī,

MATIYE 28:5

De kə́ dɔ rā̰ tə́ ní əda dəyá̰ gə̄ na: Sḭḭ̄ ī-lōōī ɓōĺ, m̄-ger̄ kadə̄ ā ī-sāāī i Jeju ń əndanən̄ kə máyá̰ tū kāgə̄ kə́ dēsə́ tə́ ní.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

Najə̄ kə́ Majə yā Jeju ń Luk ndang ní 24:38

Ba Jeju ədadə́ na: Ángalsí ndi kə gōó to̰ alé i najə̄ rí tə́? Kemsí a tɔ́sə̄sí i tām̄ rí tə́?

LEBI GƏ̄ 16:31

Ā ī-rāāī ndɔ̄ ń noō i ndɔ̄ sabat ń ā ī-*ndiī ɓō tām̄ yā Nə́ɓā tə́ ní. Nge ń noō i ndū najə̄ kə́ a to ngándáńg.

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

PĀ GƏ̄ 69:10

A̰á̰ā̰, o̰o̰m̄ tɔdɔ̄ kújə yāí ngá̰ý. Nin̄ tájīn̄, banī ndū yādə́ ní tél əsō i dɔḿ mā tə́.

Najə̄ kə́ Majə yā Jeju ń Luk ndang ní 2:10

Banī de kə́ dɔ rā̰ tə́ ní ədadə́ na: Ī-lōōī ɓōĺ, tɔdɔ̄ m̄-reē i kədasí najə̄ kə́ majə tə́, i najə̄ kə́ to rɔ̄nel̄ ngá̰ý tām̄ yā de gə̄ tə́ malang.

Najə̄ kə́ Majə yā Jeju ń Luk ndang ní 1:30

Anī de kə́ dɔ rā̰ tə́ ní ədan na: Mari, ī-ɓōĺ alé, tɔdɔ̄ Nə́ɓā rajiī.

Najə̄ kə́ Majə yā Jeju ń Luk ndang ní 1:13

Banī de kə́ dɔ rā̰ tə́ ní ədan na: Jakari, ī-ɓōĺ alé, tɔdɔ̄ Nə́ɓā oō ndɔ̄ȳ yāí. Nə̄yá̰í Elijabet a ojə ngōn̄ kə́ dəngam yā kadī, ba ā ə̄ndā rīn na i Ja̰a̰.

MARK 16:6

Ī-lōōī kadə̄ ndíĺsí a̰ȳ. Ā ī-sāāī i Jeju kə́ Najaret ń əndanən̄ kə máyá̰ tū kāgə̄ kə́ dēsə́ tə́ ní. Ni-oy ba ndól̄ kɔ̄ɔ́, gətóo laā, á̰a̰ī loo ń ənīnən̄ tū tə́ ní n toó.

MATIYE 28:10

Anī Jeju ədadə́ na: Ī-lōōī ɓōĺ, ba āw̄ ə́daī ngákó̰ó̰ḿ gə̄ kadə̄ aw̄n̄ Galile. Nin̄ a a̰a̰mə̄n̄ i nú.

DANIEL 10:11

Ba deē ní ədam̄ na: Daniel, kó tár yā Nə́ɓā, ə́hɔ rɔ̄í tɔgə ba ī-nāā ger̄ kum najə̄ gə̄ ń m-ā m-ɔ̄r̄ seí ní. Ḭ́ḭ ī-ra dɔɔ́, tɔdɔ̄ ngɔlaā ní əlamə̄n̄ i rɔ̄í tə́. Dan ń m-ōō beé anī m-ḭ́ḭ m̄-ra dɔɔ́, banī m̄-ndebə ngá̰ý ɓáý.

TƏ́DA 29:7

Kə ndɔ̄ kə́ nge ko̰ kutə yā nāā kə́ nge ko̰ sīrí ngeé ń noō ní, ā ī-kánī naā yā rɔȳ Kɔ́ɔ̄ɓē. Ā ī-*ndiī ɓō tām̄ yā Nə́ɓā tə́ ō, ī-rāāī kəla kógə̄ḿ aĺ ō.