DANIEL 1:7 - Bibəl ta Sar̄

⁷ Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

Bible sar

⁷ Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

DANIEL 1:7 Referans Kwoze

DANIEL 5:12

Ndíĺ kə́ kemən tə́ i ndíĺ kə́ tayā. Ni i de kə́ ger̄ kəndā ma̰ȳ yá̰a̰ ō, ger̄ kum yá̰a̰ ō, ger̄ kəda kum nī gə̄ ō, ger̄ kum səngó gə̄ ō, i de kə́ nge teē kə gíŕ yá̰á̰ kə́ to loo mundə̄ tə́ gə̄ ō. Beé ní ādə̄ ɓārə́n̄ Daniel ngeé ń toō ń mban̄g əndā rāān na i Beltasar ní ādə̄ reē. Ni a ɔjə kum yá̰á̰ ń ndangən̄ kadə̄ bɔr tə́ ní.

DANIEL 4:8

Kāgə̄ ní tɔgə ō ngan̄g ō, ngāl̄ bátə́ ɔdə no rā̰ ō. Deē ra i ta ngóy dɔ nang tə́ gə̄gē a a̰a̰ kāgə̄ ní.

DANIEL 2:49

Daniel dəje mban̄g, adə̄ mban̄g əndā Sadərak ō Mesak ō Abed Nego ō dɔ gō nang kə́ Babilon tə́ kadə̄ o̰o̰n̄ ɓē dɔ tə́. Banī Daniel tél i nge kadə̄ kɔjə̄ ndogó mbangāá.

DANIEL 1:3

Gō tə́ anī mban̄g əda Asəpenaj ngol ngé kəla yān gə̄ kadə̄ gə̄rā balsáa gə̄ kə́ Israel tə́, kə́ gíŕdə́ i mban̄g ō, kə́ nin̄ i gír de kə́ bo gə̄ ō.

2 MBAN̄G 24:17

Mban̄g kə́ Babilon əndā Matania ń i bɔbə̄ Joakin kə́ dūú ní mban̄g gotə Joakin tə́. Ni tūr̄ rīn kə́ Matania kɔ̄ɔ́, ba əndā na i Sedekias.

2 MBAN̄G 23:34

Gō tə́ anī əndā Eliakim ngōn̄ Josias mban̄g gotə bɔbə̄n tə́ ba tūr̄ rīn kɔ̄ɔ́, əndā na i Joakim. Joakajə tá aw̄ seneé Ejiptə tə́ adə̄ oy i nú.

DANIEL 2:26

Mban̄g un najə̄ ɔr̄ kə Daniel ń a ɓāŕnən̄ na i Beltasar ní. Dəjen na ké nī ń rāān ní ké asə kədan gotə ō, asə k ɔjən kum ō wa.

TA KƏLA 41:45

Parao̰ əndā rī Jəjep na i Sapənat Paneas ō, adə̄n Asənat ngōn̄ Potipera kadə̄ i nə̄yá̰n ō. Potipera i nge tun̄ yá̰á̰ kə́ kem ɓē kə́ On tə́. Loo ń noō tə́ Jəjep aw̄ ka̰a̰ gō ɓē gə̄ kə́ Ejiptə tə́.

DANIEL 1:19

Mban̄g ɔr̄ najə̄ kə balsáa gə̄ ní, banī dandə́ tə́ malang ní ngé ké tītə̄ Daniel, aláa Hanania, aláa Misael, aláa Ajaria gətóo. Adə̄ ɔyn̄də́ kadə̄ rāān̄ kəla yā mban̄g.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

DANIEL 4:5

Ta tɔ̄l̄ ta anī Daniel ń rīn kə́ ko̰ jōó na i Beltasar ní reē rɔ̄ḿ tə́ ō. Əndān̄ rīn kə́ ko̰ jōó ní i kə rī nə́ɓā yāḿ. Ndíĺ nə́ɓā kógə̄ḿ kə́ dan nə́ɓā kə́ táĺ gə̄ tə́ i kem Daniel tə́. M-ɔ́jə Daniel gotə nī yāḿ ní,