DANIEL 1:6 - Bibəl ta Sar̄

⁶ Ngáń kə́ Juda tə́ gə̄ i dan balsáa gə̄ ní tə́. Adə̄ i Daniel ō Hanania ō Misael ō Ajaria ō.

Bible sar

⁶ Ngáń kə́ *Juda tə́ gə̄ i dan balsáa gə̄ ní tə́. Adə̄ i Daniel ō Hanania ō Misael ō Ajaria ō.

DANIEL 1:6 Referans Kwoze

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

MATIYE 24:15

Dan ń ā á̰a̰ī yá̰á̰ kə́ majaĺ kə́ to yḛr kum ń Daniel nge koō ta əda najə̄n ní ndi kem loo kə́ táĺ tə́ anī, ādə̄ nge tə́da najə̄ ní ger̄ kum najə̄ ní majə,

DANIEL 2:17

Dan ń Daniel tél aw̄ ɓēé anī ɔjə madə̄n gə̄ ń i Hanania ō Misael ō Ajaria ō ní gotə najə̄ ní malang.

EJEKIEL 14:20

Ká ré Noe ō, Danel ō, Job ō, nin̄ i dan de kə́ kem ɓēé gə̄ tə́ anī, ra dɔ ndūdə́ tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní: Ngán kemdə́ nin̄ kɔ́ gə̄ gə̄gē nin̄ a asən̄ kajədə́ alé.

MARK 13:14

Dan ń ā á̰a̰ī yá̰á̰ kə́ majaĺ kə́ to yḛr kum ndi loo ń sɔɔ̄ kadə̄ ni-ndi tū tə́ aĺ ní anī, ādə̄ nge ń tə́da najə̄ kə́ kem makətūbə̄ ń toō tə́ ní ger̄ kum. Ndɔ̄ ń noō tə́ ní, ādə̄ ngé gə̄ ń nin̄ i gō nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ kɔ̄ɔ́ ō,

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

DANIEL 1:19

Mban̄g ɔr̄ najə̄ kə balsáa gə̄ ní, banī dandə́ tə́ malang ní ngé ké tītə̄ Daniel, aláa Hanania, aláa Misael, aláa Ajaria gətóo. Adə̄ ɔyn̄də́ kadə̄ rāān̄ kəla yā mban̄g.

DANIEL 2:25

Ariok aw̄ kə Danieleé láẃ rɔ̄ mban̄g tə́ ba əda mban̄g na: Kɔ́ɔ̄ ɓē gə̄, m-ə́nge de kə́ asə kɔjiī kum nī yāí dan Juda gə̄ ń əhɔn̄də́ reēn̄ sedə́ tə́ ní.

DANIEL 5:13

Adə̄ aw̄n̄ kə Danieleé rɔ̄ mban̄g tə́. Mban̄g un najə̄ ɔr̄, əda na: Daniel kə́ dan ɓəlo gə̄ kə́ Juda tə́ ń bɔbə́ḿ mban g ḭḭ sedə́ dɔ nang kə́ Juda tə́ reē sedə́ ní i īkɔ́ n toó a?

DANIEL 6:14

anī de gə̄ né tél ədan̄ na: Majə, kɔ́ɔ̄ ɓē gə̄, Daniel ń i de kə́ dan Juda gə̄ ń əhɔn̄də́ reēn̄ sedə́ tə́ ní ɓōĺ ndílí aĺ ō, ɓōĺ ndū najə̄ n ī-ndang ní aĺ ō, ni ndɔ̄ȳ Nə́ɓā yān nja mətá ndɔ̄ kógə̄ḿ.