DANIEL 1:4 - Bibəl ta Sar̄

⁴ Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.

Bible sar

⁴ Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.

DANIEL 1:4 Referans Kwoze

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

KƏLA RĀĀ 7:22

Ndóōn̄ Moijə yá̰a̰ malang ń de kə́ Ejiptə tə́ gə̄ gerə̄n̄ ní. Adə̄ ni-tél de kə́ tɔ́gən i ngá̰ý tū najə̄ kɔrə̄n tə́ ō, tū kəla rāān gə̄ tə́ ō.

Gōsə̄ najə̄ gə̄ 22:29

De kə́ jīn ger̄ kəla yān majə ní á̰a̰n a? Ni asə kaw̄ ra no mban̄g gə̄ tə́. De kə́ deē ger̄də́ aĺ gə̄ ní ni a ndi dandə́ tə́ alé.

2 SAMUEL 14:25

Dɔ nang kə́ Israel tə́ malang ní de kə́ rīn ɓār̄ tām̄ yā majən tə́ tītə̄ yā Absalom beé gətóo. Əla gír da njan tə́ bátə́ ugə̄ń jam dɔn tə́ dɔɔ́ ní, loon kógə̄ḿ kə́ nujə gətóo.

DANIEL 2:10

Kɔdə̄ sāā gə̄ tūr̄ ədan̄ na yá̰á̰ ń mban̄g na dəje noó deē kógə̄ḿ kə́ dɔ nang tə́ kə́ asə rāā na gətóo. Tɔdɔ̄ nəkɔ́ ń jóo toó ní mban̄g, ká i mban̄g kə́ boń ngá̰ý aké ngangəń ngá̰ý gə̄gē, kə́ dəje mbōlí kógə̄ḿ aláa nge bógə̄rō rāā de gə̄ kógə̄ḿ aláa kɔdə̄ sāā kógə̄ḿ yá̰á̰ kə́ beé ní gətóó ɓáý.

KƏLA RĀĀ 7:20

I dan ngeé ń noō tə́ n ojən̄ Moijə ní. Ni i ngōn̄ kə́ majə deē ngá̰ý ta kum Nə́ɓā tə́. Ətōnən̄ nāā mətá kem kújə yā bɔbə̄n tə́.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

DANIEL 4:7

Dan ń m̄-to dɔ tə̄rá yāḿ tə́ ní, yá̰á̰ ń m-á̰a̰ā̰ ní n toó: Kāgə̄ kógə̄ḿ kə́ bo ngá̰ý ra dɔ nang tə́ danaá bang.

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.

NGÉ SARYA 8:18

Gō tə́ anī əda Jeba nin̄ kə Salmuna na: De gə̄ ń ī-tɔ̄līdə́ Tabor ní ton̄ i ba̰ý? Nin̄ tél ədanən̄ na: Ton̄ tītīí. Nin̄ kógə̄ḿ kógə̄ḿ kə dɔdə́ gēé ton̄ tītə̄ ngámban̄g gə̄.

EPEJƏ 5:27

Ni-gḛy kadə̄ ta kumən tə́ ɓáa ngé kán̄ naā gə̄ ngeé ń toō ton̄ tītə̄ dəyá̰ kə́ ndə́lē pipir ō, kə́ yə̄ró ɔdən aĺ ō, kə́ rɔ̄n sá̰ā̰ kīdə́ aĺ ō, kə́ dām̄ rɔ̄n sḛ́ý kə́ nujə gətóo ō. Ni-gḛy kadə̄ ngé kán̄ naā yān gə̄ ní i de kə́ táĺ gə̄, kə́ najə̄ kə́ yā kəda dɔdə́ tə́ gətóo.

DANIEL 3:8

Loo ń noō tə́ de kə́ Babilon gə̄ reē sekə́n̄ Jipə gə̄.

DANIEL 2:2

Anī mban̄g əda kadə̄ ɓārə́n̄ mbōlí gə̄ ō, ngé tə̄ɓā ndíĺ kə́ majaĺ gə̄ ō, ngé kəga gə̄ ō, kɔsə̄ sāā gə̄ ō, kadə̄ reē ɔjənən̄ kum nī ń rāān ní. Nin̄ reēn̄ ran̄ non tə́,

IJAI 36:11

Eliakim ngōn̄ Hilkia ō Sebəna ō Yoa ō ədan̄ ngol nge kɔsə kíl Senakerib na: Ɔ̄r̄ najə̄ sejí jḭḭ ngé kəla yāí gēé kə ta Aram, tɔdɔ̄ jə-ger̄ ta Aram. Ba ī-lōō kɔr̄ najə̄ sejí kə ta Hebəroó ta mbī ngán Israel gə̄ ń ran̄ dɔ ndogə̄ mbal̄ yā ɓē tə́ ní.

JEREMI 5:15

Sḭḭ̄ de kə́ Israel tə́ gə̄ m-ā m-ɔ́ý gíŕ nápar deē kógə̄ḿ kə́ sa̰y ngá̰ý gə̄ yā reē ɓōkə́ dɔsí tə́ i gír de kə́ ngangə̄n̄ ngá̰ý gə̄ kə́ ndin̄ i jóó ngá̰ý ō, i gír de kə́ ḭ̄ ī-ger̄ ta kɔr̄də́ aĺ ō. Najə̄ ń Kɔ́ɔ̄ɓē əda ní n noó.

DANIEL 9:1

Əndān̄ Darius kə́ ngōn̄ Jerses kə́ gír kaa yā Medə gə̄ tə́ mban̄g dɔ ɓē kə́ Babilon tə́.

JAKARI 2:4

m̄-dəje na ké reēn̄ i rāā rí tə́ wa. Anī ni-tél ədam̄ na: Reēn̄ i kəla ɓōĺ tə́ kem ɓē kə́ ngan̄g gə̄ ń ənīn̄ ɓē kə́ Juda rɔ̄ɔ̄ ní tə́ ō, reēn̄ i nujə ɓē gə̄ ní tə́ ō. Nin̄ tə̄ɓān̄ de kə́ kemeé gə̄ ādə̄ aw̄n̄ kə̄ loo gə̄ tə́ ō, de kə́ asə dum̄ tadə́ gətóo ō.

TA KƏLA 41:46

Dan ń aw̄n̄ kə Jəjepé rɔ̄ Parao̰ mban̄g kə́ Ejiptə tə́ ní, ɓālə̄n i kutə mətá. Jəjep əya̰ Parao̰ ba ɔr̄ gō loo njə̄rā kə gō ɓē kə́ Ejiptə tə́ gēé malang.