DANIEL 1:2 - Bibəl ta Sar̄

² Kɔ́ɔ̄ɓē əla Joakim mban̄g kə́ Juda kem jīn tə́ ō, əya̰n adə̄ ɔy núsə́ ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō. Ɔy aw̄ń dɔ nang kə́ Sinear tə́, aw̄ tə́ndā kem kújə yā nə́ɓā yān gə̄ tə́.

Bible sar

² Kɔ́ɔ̄ɓē əla Joakim mban̄g kə́ Juda kem jīn tə́ ō, əya̰n adə̄ ɔy núsə́ ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō. Ɔy aw̄ń dɔ nang kə́ Sinear tə́, aw̄ tə́ndā kem kújə yā nə́ɓā yān gə̄ tə́.

DANIEL 1:2 Referans Kwoze

2 YÁ̰A̰ GƏ̄ 36:7

Nabukodonosor ɔy yá̰á̰ kə́ tayā tayā kə́ kem kújə yā Kɔ́ɔ̄ɓē tə́ gə̄ aw̄ tə́ndā kem kújə mban̄g yān tə́ Babilon.

JAKARI 5:11

Ni-tél ədam̄ na: A aw̄nəń i kə Mesopotami. Nin̄ a rāān̄ kújə tām̄ yān tə́ ba a udənən̄ kemeé kə njan kə́ dɔɔ́ dɔ loo kógə̄ḿ tə́.

NGÉ SARYA 4:2

adə̄ Kɔ́ɔ̄ɓē əladə́ kem jī Yabin mban̄g kə́ dɔ nang kə́ Kanaan tə́ ń ndi kem ɓē kə́ Hasor tə́ ní. Ngol áskar gə̄ yā Yabin i Sisəra. Ni-ndi kem ɓē kə́ Haroset Goim tə́.

NGÉ SARYA 3:8

Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

TA KƏLA 11:2

Dan ń nin̄ ḭḭn̄ i gír ɓē tə́ ní, aw̄ əngen̄ ndágə loo kógə̄ḿ nang kə́ Sinear tə́ rāān̄ ɓē tū tə́.

TA KƏLA 10:10

Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

ESDRAS 1:7

Yá̰a̰ gə̄ kə́ kem kújə yā Kɔ́ɔ̄ɓē tə́ ń Nabukodonosor ɔy Jerusalem aw̄ tə́ndā kem kújə yā nə́ɓā yān gə̄ ń i ɓesə̄ yān gə̄ ní tə́ ní, mban̄g Sirus adə̄ tél sāān̄ nja náḿ naḿ.

1 SAMUEL 5:2

ba aw̄ əndān̄ kem kújə ɓesə̄ yādə́ tə́. Rī ɓesə̄ ní na i Dagon. Nin̄ əndān̄ sandúkə yā Nə́ɓā ní i kadə Dagon tə́.

IJAI 42:24

I náā n əla Israel ń i gír de gə̄ yā Jakob ní jī ngé gə̄ ń taān̄ yá̰a̰ yān malang kɔ̄ɔ́ tə́ ní, jī ngé gə̄ ń ɔyn̄ yá̰a̰ yān dɔ gúú tə́ ní? I Kɔ́ɔ̄ɓē waḿ? Tām̄ jə-rāāī majaĺ seneé, gír deē yān gə̄ ndigən̄ kun róbə yān alé, ndigən̄ koō ndū najə̄ yān aĺ ō.

2 MBAN̄G 24:1

I ɓāl̄ ko̰o̰ ɓē yān tə́ n Nabukodonosor, mban̄g kə́ Babilon ḭḭń dɔɔ́ yā rɔ̄ɔ̄ de gə̄ ní. Joakim əla dɔn gír tɔ́gə yān tə́ ɓāl̄ mətá, banī gō tə́ anī mbātə́ kɔ̄ɔ́.

JEREMI 25:1

Najə̄ kə́ Kɔ́ɔ̄ɓē ɔr̄ kə Jeremi sɔɔ̄ dɔ gír de gə̄ malang kə́ Juda tə́, kem ɓāl̄ kə́ nge ko̰ sɔ́ ń Joakim, ngōn̄ Josias ndiń mban̄g kə́ Juda tə́ ní, adə̄ i kem ɓāl̄ kə́ ta kəga dɔ ń Nabukodonosor, ndiń mban̄g dɔ ɓē kə́ Babilon tə́ ní.

JEREMI 27:16

M-ɔ̄r̄ najə̄ kə ngé tun̄ yá̰a̰ gēé ō, kə gír de gə̄ ń toō malang ō, m-ə́da na: Najə̄ ń Kɔ́ɔ̄ɓē əda ní n toó: Ī-lōōī koō najə̄ yā ngé koō ta gə̄ ń ədan̄sí na a tél yā reēn̄ kə yá̰a̰ rāā kəla gə̄ kə́ kem kújə yā Kɔ́ɔ̄ɓē tə́ ń aw̄n̄neé Babilon tə́ ní gogə́, ngɔr ń toō tə́ kanjə̄ kɔr bā̰ā̰ ní. Najə̄ ń nin̄ ədan̄sí noō i najə̄ kə́ rɔ̄kum alé.

JEREMI 28:3

Na̰y ɓāl̄ jōó ngóy kadə̄ m-ā m̄-tél kə yá̰a̰ rāā kəla gə̄ malang kə́ kem kújə yā Kɔ́ɔ̄ɓē tə́ ń Nabukodonosor, mban̄g kə́ Babilon tə́ ɔy loo ń toō tə́ aw̄ń Babilon ní, yā reēń gogə́.

JEREMI 35:11

I dan ń Nabukodonosor, mban̄g kə́ Babilon taāń ɓē tə́ ní n j-əda naā na: I só tə́ kadə̄ j-a̰yī ɓūtə̄ ngé rɔ̄ɔ̄ yā Kalde gə̄ ō, Aram gə̄ ō, ba j-awī Jerusalem. Gír ndijí Jerusalem n noó.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

DANIEL 5:13

Adə̄ aw̄n̄ kə Danieleé rɔ̄ mban̄g tə́. Mban̄g un najə̄ ɔr̄, əda na: Daniel kə́ dan ɓəlo gə̄ kə́ Juda tə́ ń bɔbə́ḿ mban g ḭḭ sedə́ dɔ nang kə́ Juda tə́ reē sedə́ ní i īkɔ́ n toó a?

2 YÁ̰A̰ GƏ̄ 36:5

Dan ń Joakim ndi mban̄g ní ɓālə̄n i kutə jōó gidə i mí. Ni-o̰o̰ ɓē Jerusalem ɓāl̄ kutə gidə i kógə̄ḿ. Ni-rāā yá̰á̰ kə́ majaĺ ta kum Kɔ́ɔ̄ɓē Nə́ɓā yān tə́.