DANIEL 1:19 - Bibəl ta Sar̄

¹⁹ Mban̄g ɔr̄ najə̄ kə balsáa gə̄ ní, banī dandə́ tə́ malang ní ngé ké tītə̄ Daniel, aláa Hanania, aláa Misael, aláa Ajaria gətóo. Adə̄ ɔyn̄də́ kadə̄ rāān̄ kəla yā mban̄g.

Bible sar

¹⁹ Mban̄g ɔr̄ najə̄ kə balsáa gə̄ ní, banī dandə́ tə́ malang ní ngé ké tītə̄ Daniel, aláa Hanania, aláa Misael, aláa Ajaria gətóo. Adə̄ ɔyn̄də́ kadə̄ rāān̄ kəla yā mban̄g.

DANIEL 1:19 Referans Kwoze

DANIEL 1:5

Mban̄g əda kadə̄ yá̰a̰ kəsan nəkɔ́ ō, kasə nduú ka̰ȳn nəkɔ́ ō kə adə̄n̄də́ tə́ kə dɔ ndɔ̄ gə̄ ō, kadə̄ ndóōn̄də́ yá̰a̰ ɓāl̄ mətá ō, kadə̄ ré gír ɓāl̄ kə́ mətá gə̄ ní gān̄g anī, udən̄ kəla yān ní mban̄g tə́.

Gōsə̄ najə̄ gə̄ 22:29

De kə́ jīn ger̄ kəla yān majə ní á̰a̰n a? Ni asə kaw̄ ra no mban̄g gə̄ tə́. De kə́ deē ger̄də́ aĺ gə̄ ní ni a ndi dandə́ tə́ alé.

TA KƏLA 41:46

Dan ń aw̄n̄ kə Jəjepé rɔ̄ Parao̰ mban̄g kə́ Ejiptə tə́ ní, ɓālə̄n i kutə mətá. Jəjep əya̰ Parao̰ ba ɔr̄ gō loo njə̄rā kə gō ɓē kə́ Ejiptə tə́ gēé malang.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

DANIEL 1:6

Ngáń kə́ Juda tə́ gə̄ i dan balsáa gə̄ ní tə́. Adə̄ i Daniel ō Hanania ō Misael ō Ajaria ō.

DANIEL 1:7

Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

DANIEL 1:18

Balsáa gə̄ ń gə̄rān̄də́ ní, dan ń ndɔ̄ ń ndɔ̄ ń mban̄g Nabukodonosor ɔjə kadə̄ reēn̄ sedə́ rɔ̄n tə́ ní ugə̄ anī, ngol ngé kəla gə̄ reē sedə́ rɔ̄n tə́.

DANIEL 2:13

Najə̄ ní teē adə̄ a rāān̄ i loo tɔ̄l̄ ngé kum kedə̄ gə̄ malang, adə̄ sāān̄ Daniel nin̄ kə madə̄n gēé yā tɔ̄l̄də́.

DANIEL 3:29

I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

DANIEL 1:4

Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.