DANIEL 1:17 - Bibəl ta Sar̄

¹⁷ Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

Bible sar

¹⁷ Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

DANIEL 1:17 Referans Kwoze

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

1 MBAN̄G GƏ̄ 3:12

m-ā m̄-rāā yá̰á̰ ń ī-dəjem̄ ní: M-ā m-ādī kum kedə̄ ō, kem kə́ ger̄ najə̄ ō. M-ā m-ādī i kadə̄ kə́ deē ənge kété noí tə́ aĺ ō, a ənge gotií aĺ ō.

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

Makətūbə̄ yā Job 32:8

Ba kə́ rɔ̄kum tə́ ɓáa, i ndíĺ ń Nə́ɓā kə́ tɔ́gən i ngá̰ý adə̄ deē ní n i nge rāā kadə̄ deē ngáā ní.

DANIEL 2:23

Nə́ɓā yā kaaḿ gə̄, m̄-rāāī kə́ra ō, m̄-ɓōkíī tɔ̄ȳ ō, tām̄ ādə̄m̄ kum kedə̄ ō tɔ́gə ō. Yá̰á̰ ń jə-dəjeī ní ḭ̄ ī-rāā ādə̄ m̄-ger̄, tɔdɔ̄ ī-rāā ādə̄ jə-ger̄ yá̰á̰ ń tōr̄ rɔ̄ mban̄g ní.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

Gōsə̄ najə̄ gə̄ 2:6

Tɔdɔ̄ i Kɔ́ɔ̄ɓē n i nge kadə̄ deē kum kedə̄ ní. Yá̰a̰ ger̄ ō, ger̄ kum najə̄ ō, a teēn̄ i tan ni tə́.

KƏLA RĀĀ 6:10

Banī nin̄-asən̄ dumə̄n kə najá alé, tɔdɔ̄ kum kedə̄ ń ni a ɔrə̄ń najə̄ ní i Ndíĺ kə́ Táĺ n adə̄n.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

KƏLA RĀĀ 7:22

Ndóōn̄ Moijə yá̰a̰ malang ń de kə́ Ejiptə tə́ gə̄ gerə̄n̄ ní. Adə̄ ni-tél de kə́ tɔ́gən i ngá̰ý tū najə̄ kɔrə̄n tə́ ō, tū kəla rāān gə̄ tə́ ō.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

2 YÁ̰A̰ GƏ̄ 26:5

Ojias sāā Nə́ɓā kə dɔ ndɔ̄ gə̄ malang ń Jakari nge ndóōn ɓōĺ ndíĺ Nə́ɓā ndiń kə kumneé ní. Adə̄ Nə́ɓā rāā seneé tū yá̰a̰ gə̄ tə́ malang.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

DANIEL 7:1

Nī kógə̄ḿ rāā Daniel ɓāl̄ ko̰o̰ ɓē kə́ ta kəga dɔ yā Baltajar mban̄g kə́ Babilon tə́. Daniel a̰a̰ yá̰a̰ gə̄ i ngá̰ý dan ń ni to dɔ tə̄rá ɓīīn tə́ ní. Gō tə́ anī ni ndang yá̰á̰ ń ni-a̰a̰ kem nī tə́ ní. Nī ní n toó,

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

IJAI 28:26

I Nə́ɓā yān n ndóōn loo rāā yá̰a̰ tītə̄ ń noō ō, ɔjən yá̰a̰ adə̄ ger̄ ní ō.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

2 YÁ̰A̰ GƏ̄ 1:10

I beé ní ādə̄m̄ kum kedə̄ ō, ger̄ kəndā ma̰ȳ yá̰a̰ ō, kadə̄ m̄-gerə̄ń loo njə̄rā kété no gír de gə̄ ń toō tə́. Tɔdɔ̄ kanjə̄ nge ń noō anī de kə́ asə ko̰o̰ ɓē dɔ gír deē yāí gə̄ tə́ gətóo, tām̄ nin̄ i ngá̰ý.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

DANIEL 8:1

Kem ɓāl̄ ko̰o̰ ɓē kə́ nge ko̰ mətá yā mban̄g Baltajar ní, mā Daniel m-á̰a̰ yá̰á̰ kə́ rang gō nge ń m-á̰a̰ā̰ kété tə́ ní.

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

2 YÁ̰A̰ GƏ̄ 1:12

beé ɓáa m-ādī kum kedə̄ ō, ger̄ yá̰á̰ kə́ majə ō, kə́ majaĺ ō. Tá m-ā m-ādī yá̰a̰ kənge kə́ ngá̰ý ō, kɔsə gɔn ō, dɔ tə́ ɓáý to̰. Mban̄g gə̄ ń o̰o̰n̄ ɓē kété noí tə́ ní, nge kə́ ənge asə seí gətóo ō, mban̄g gə̄ ń a o̰o̰n̄ ɓē gotií tə́ ní, nge kə́ a ənge asə seí a gətóo ō.

DANIEL 1:4

Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.

DANIEL 1:18

Balsáa gə̄ ń gə̄rān̄də́ ní, dan ń ndɔ̄ ń ndɔ̄ ń mban̄g Nabukodonosor ɔjə kadə̄ reēn̄ sedə́ rɔ̄n tə́ ní ugə̄ anī, ngol ngé kəla gə̄ reē sedə́ rɔ̄n tə́.

DANIEL 1:20

Yá̰a̰ malang kə́ a dəje i kum kedə̄ ō, kəndā ma̰ȳ yá̰a̰ ō ń mban̄g dəjedə́ najə̄ kə́ dɔ tə́ ní, mban̄g a̰ā̰ kadə̄ nin̄ tɔȳn̄ mbōlí gə̄ malang ō, ngé tə̄ɓā ndíĺ kə́ majaĺ gə̄ ō, kə́ kem ɓē ko̰o̰ yān tə́.

DANIEL 2:30

Kə́ tām̄ yāḿ mā tə́ ní Nə́ɓā ɔjəm̄ yá̰á̰ kə́ to loo mundə̄ tə́ ń toō i tām̄ tɔȳ kə́ kum kedə̄ yāḿ tɔȳ yā de gə̄ malang alé, banī i yā kadə̄ ɔjiīn̄neé kum nī yāí kadə̄ ī-gerə̄ń gír̄ kə́ kemií tə́.

DANIEL 4:6

m-ə́dan na: Beltasar, ngār yā mbōlí gə̄, m̄-ger̄ kadə̄ ndíl nə́ɓā kə́ táĺ gə̄ i kemií tə́, adə̄ yá̰á̰ kə́ to loo mundə̄ tə́ kə́ kadə̄ dum̄ dɔí gətóo. Ní, ɔ́jəm̄ kum yá̰á̰ ń m-á̰a̰ā̰ kem nī tə́ ní.