AMOS 9:9 - Bibəl ta Sar̄

⁹ A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

Bible sar

⁹ A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán *Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

AMOS 9:9 Referans Kwoze

Najə̄ kə́ Majə yā Jeju ń Luk ndang ní 22:31

Simo̰, Simo̰, á̰a̰ā̰, Sətan dəje kadə̄ n-əgasí tītə̄ ń a əgan̄neé kum kōō gémē kə yengəreé noō beé.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

IJAI 30:28

Koō kə́ tan tə́ to i tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá ō, ḭḭ bátə́ əhɔ deē míndən tə́ dɔɔ́ ō beé. Ni-reē yéȳ nápar de gə̄ kə yá̰a̰ rāān kə́ a nujə loo. Ni-əla sáā gində̄ kógə̄ḿ kem tadə́ tə́ yā kɔrəń nodə́ kaw̄ sedə́ loo kə́ nin̄ ndigən̄ aĺ tə́.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 31:36

Ni-ɔr̄ najə̄ i tītə̄ ń toō beé: Tītə̄ ń m-ə̄ndāń kumḿ gír mbang tə́ ō, nāā tə́ o, tə́yō̰ gə̄ tə́ ō adə̄ teēn̄ ō, udəń ō kə gō naá majə noó ní, ngán Israel gə̄ a ndin̄ ta kumḿ tə́ ngándáńg kə́ nápar de gə̄ tə́.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

JEREMI 49:36

m̄-rāā adə̄ nél kə́ sɔ́ gə̄ teēn̄ kíl dɔ nang kə́ sɔ́ tə́ ba əlan̄ dɔ ɓē kə́ Elam tə́. M-ā m̄-tə̄ndā Elam gə̄ yā tḭ̄ḭ̄də́ kə̄ loo gə̄ tə́ yā kadə̄ nápar de gə̄ kə́ nin̄ aw̄ ugə̄n̄ dandə́ tə́ aĺ gətóo.

EJEKIEL 5:10

Kó̰ó̰ ngán gə̄ kə bɔbə̄ ngán gə̄ a əsan̄ ngáńdə́ gə̄ kem ɓēé ō, ngán gə̄ a əsan̄ ngé kojədə́ ō. M-ā m-ún sarya gāngə̄ḿ yā rāań yá̰a̰ sesí ō, gotə de gə̄ ń teēn̄ ta yo tə́ ní m-ā m̄-tə̄ndā yā tḭ̄ḭ̄də́ kə̄ loo gə̄ tə́ ō.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

EJEKIEL 36:19

Mā m̄-rāā adə̄ nin̄ aw̄n̄ kə̄ dan nápar de gə̄ tə́, dɔ nang yā tə̄rā gə̄ tə́. Adə̄ m̄-gān̄g sarya dɔdə́ tə́ sɔɔ̄ń i háĺdə́ ō, yá̰a̰ rāādə́ gə̄ ō.

IJAI 27:12

Ndɔ̄ ngeé ń noō tə́ ní, Kɔ́ɔ̄ɓē a ənda dɔ kōō gə̄, a əla gír i bā Opəratə tə́ bátə́ ngōn̄ man̄ dɔ mbal̄ kə́ Ejiptə tə́. Ba sḭḭ̄ Israel gə̄, ni a kə̄tósí kógə̄ḿ kógə̄ḿ tītə̄ loo kə̄tó dɔ kōō beé.

IJAI 28:28

Dan ń nge ndɔr̄ a səɓā kōō gémē yā kɔr̄ kumən tayā ní, ni a ənda dɔ kōō gémē kanjə̄ dəba alé. Ni-adə̄ nja púsə gə̄gē, dā̰ gə̄ gə̄gē njə̄rān̄ dɔ tə́, banī rējə̄n̄ kum gémē gə̄ alé.

EJEKIEL 39:28

Dan ń mā m-ɔ́sə dɔ Israel gə̄ kə̄ naā tə́ dɔ nang yādə́ tə́ anī, m-ā m-ə́ya̰ deē kógə̄ḿ kadə̄ na̰y kem ɓē gə̄ ń m̄-tə̄ndā m̄-tḭ̄ḭ̄də́ tū tə́ ní tə́ alé. Kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.