AMOS 9:8 - Bibəl ta Sar̄

⁸ Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

Bible sar

⁸ Ɓē ko̰o̰ kə́ *Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

AMOS 9:8 Referans Kwoze

JEREMI 30:11

Mā i naā tə́ seí yā gān̄g dɔí. M-ā m-ādə̄ nápar de gə̄ malang ń m̄-tə̄ndā m̄-tḭ̄ḭ̄sí dandə́ tə́ ní gətóon̄ kɔ̄ɔ́. Ba ḭ̄ tá m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

AMOS 9:4

Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.

JEREMI 44:27

M-ə̄ndā kumḿ gíŕdə́ tə́ i yā rāādə́ yá̰á̰ kə́ majaĺ, banī i yá̰á̰ kə́ majə alé. Juda gə̄ ń ndin̄ kem ɓē kə́ Ejiptə tə́ ní a oyn̄ yo kaskar ō, yo ɓō ō, bátə́ kadə̄ təgān̄neé.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

Gōsə̄ najə̄ gə̄ 5:21

A̰á̰ā̰, Kɔ́ɔ̄ɓē a̰a̰ hál de gə̄ kógə̄ḿ kógə̄ḿ malang ō, əndā ma̰ȳ gō róbə yādə́ gə̄ kógə̄ḿ kógə̄ḿ malang ō.

1 MBAN̄G GƏ̄ 13:34

Majaĺ yā Jeroboam nin̄ kə de gə̄ kə́ gír kojə yān tə́ gə̄ n noó. Nujən̄də́ sák sák ō, gətóon̄ dɔ nang tə́ kɔ̄ɔ́ ō, i tām̄ majaĺ ń noō tə́.

NDŪ NAJƏ̄ 6:15

Tɔdɔ̄ Kɔ́ɔ̄ɓē Nə́ɓā yāsí ń ndi dɔ dáńsí tə́ ní, i Nə́ɓā kə́ nge rāā jang. Ī-lōōī rāā kadə̄ wōn̄g rāān sesí, na sōgə́ ni nujə sesí kɔ̄ɔ́ malang dɔ nang tə́.

NDŪ NAJƏ̄ 4:31

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

TA KƏLA 7:4

Tɔdɔ̄ na̰y i ndɔ̄ sīrí kadə̄ m-ə́la kə maná kadə̄ edə dɔ nang tə́ ndɔ̄ kutə sɔ́. M-ā m̄-tɔ̄l̄ yá̰a̰ malang ń ndi kə kumuú dɔ nang tə́ ní kɔ̄ɔ́.

TA KƏLA 6:7

Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

AMOS 3:12

Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.

AMOS 7:17

I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

AMOS 9:10

De gə̄ malang kə́ dan gír deē yāḿ gə̄ tə́ a oyn̄ ta rɔ̄ɔ̄ tə́. Ɓá tā banī nin̄ ədan̄ na: Yá̰á̰ kə́ to kum kaȳ aĺ a reē alé, a ɔdə rɔ̄jí alé.

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ Israel tə́ kɔ̄ɔ́.