AMOS 9:7 - Bibəl ta Sar̄

⁷ Kɔ́ɔ̄ɓē əda na: Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

Bible sar

⁷ Kɔ́ɔ̄ɓē əda na: *Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ *Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

AMOS 9:7 Referans Kwoze

JEREMI 47:4

Tām̄ ndɔ̄ kə́ yā kadə̄ Pilistin gə̄ oyn̄neé malang ō, kadə̄ gāngə̄n̄neé gír yā ngé gə̄ malang ń teēn̄ ta yo tə́ Tir ō, Sidon ō, á əɓan̄ kum kaw̄ dḭḭ̄də́ ní, asə kɔ̄ɔ́. Rɔ̄kum Kɔ́ɔ̄ɓē nujə kə Pilistin gə̄ kə́ dor̄ kə Kapətor tə́ ń ndin̄ kə kumdə́ ní.

2 MBAN̄G 16:9

Mban̄g kə́ Asiri rāā yá̰á̰ ń Akaj dəjen ní, aw̄ ənī ɓē kə́ Damas rɔ̄ɔ̄. Ni-taā ɓē ba ɔy de kə́ kemeé gə̄ aw̄ sedə́ Kir ō, tɔ̄l̄ Resin ō.

NDŪ NAJƏ̄ 2:23

Ba Abit gə̄ ń ndin̄ loo gə̄ kə́ Gaja tə́ ní, de gə̄ kə́ ḭḭn̄ Kapətor reē nujən̄ sedə́ kɔ̄ɔ́ malang ba ndin̄ gotədə́ tə́.

AMOS 2:10

Kété ní, mā m̄-teē sesí kɔ̄ɔ́ kem ɓē kə́ Ejiptə tə́ ō, m-ɔ́r nosí dəla loo tə́ ɓāl̄ kutə sɔ́ yā kadə̄ ə́ngeīń dɔ nang yā Amor gə̄ ō.

AMOS 1:5

M-ā m̄-rāā kadə̄ yá̰á̰ rákə̄ ta róbə gə̄ kə́ Damas i kə́ ró̰ȳ kɔ̄ɔ́. Wól loo ń de gə̄ a rāān̄ majaĺ tū tə́ ní, adə̄ i ɓē ń de gə̄ a rāān̄ rɔ̄nel̄ tū tə́ ní, m-ā m̄-rāā kadə̄ mban̄g kə́ tū tə́ gətóo. Ba a tə̄ɓān̄ gír de kə́ Aram gə̄ yā kaw̄ sedə́ Kir dɔ gúú tə́. I Kɔ́ɔ̄ɓē n əda najə̄ ń noó ní.

OJEE 12:13

Jakob a̰ȳ aw̄ dɔ nang kə́ Mesopotami kə́ kḭḭ kə̄ dɔɔ́ tə́. Ni udə kəla yā deē kógə̄ḿ kə́ rang tə́ yā kəngeń dəyá̰. A̰á̰ā̰, ni ngɔ̄m̄ ɓūtə̄ yá̰a̰ kul̄ gə̄ gír dəyá̰á̰.

JEREMI 13:23

De kə́ Kus asə tūr̄ ɓálən a? Kagə asə tūr̄ bḭḭ̄n a? Sḭḭ̄ de gə̄ ń rāā majaĺ ndér̄sí kɔ̄ɔ́ ní, ā ásiī rāā yá̰á̰ kə́ majə a?

IJAI 22:6

Ɓūtə̄ ngé rɔ̄ɔ̄ gə̄ kə́ Elam ətōn̄ ga̰ gərā gə̄ ō, gərā gə̄ ō. Púsə rɔ̄ɔ̄ gə̄ kə́ kə ngé rɔ̄ɔ̄ gēé ton̄ ō, ngé kal̄ sə́nda gə̄ ton̄ ō. Ngé rɔ̄ɔ̄ kə́ Kir gə̄ əndān̄ dɔ der yādə́ gə̄ danaá.

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

Teē Ngán Israel gə̄ 12:51

I ndɔ̄ ń noō tə́ bang n Kɔ́ɔ̄ɓē teēń kə ngán Israel gēé kem ɓē kə́ Ejiptə tə́ kɔ̄ɔ́ ní.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

2 YÁ̰A̰ GƏ̄ 14:9

Asa teē tə́nī tan adə̄ nin̄-ran̄ kə ta naá kə jī loo rɔ̄ɔ́ wól loo kə́ Sepata tə́, ngɔr kə̄ Maresa.

2 YÁ̰A̰ GƏ̄ 14:12

Asa nin̄ kə deē yān gēé ngɔ̄də̄n̄də́ bátə́ ugə̄n̄ Gerar. Nubi gə̄ oyn̄ malang sutə. Deē kógə̄ḿ dandə́ tə́ kə́ teē t yo tə́ gətóo. Tɔdɔ̄ Kɔ́ɔ̄ɓē ō, ngé rɔ̄ɔ̄ gə̄ ō, nujən̄ sedə́ kɔ̄ɔ́. Deē yā Asa gə̄ ɔyn̄ yá̰a̰ kənge kə́ kəhɔ ta rɔ̄ɔ̄ tə́ kɔy kə́ to ɓōĺ ngá̰ý.