AMOS 9:4 - Bibəl ta Sar̄

⁴ Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.

Bible sar

⁴ Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.

AMOS 9:4 Referans Kwoze

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 44:11

I tāmə̄n̄ toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m̄-tūr̄ rɔ̄ḿ kə̄ rɔ̄sí tə́ yā rāāsí yá̰á̰ kə́ majaĺ ō, yā tɔ̄l̄ de gə̄ malang kə́ Juda tə́ kɔ̄ɔ́ ō.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

LEBI GƏ̄ 17:10

Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

JEREMI 39:16

Āw̄ ɔ̄r̄ najə̄ kə Ebed Melek kə́ Kus ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ najə̄ yāḿ əsō dɔ ɓē ń toō tə́. I yá̰á̰ kə́ to kum kaȳ aĺ n m-ā m̄-rāā kadə̄ teē dɔn tə́ ní, ba i yá̰á̰ kə́ majə alé. Ndɔ̄n tə́ ní, yá̰á̰ ní a rāā yá̰a̰ i ta kumií tə́.

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

AMOS 9:8

Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

JAKARI 8:10

Kété ní, kəla ń de gə̄ rāān̄ ní, deē əgādə́ aĺ ō, kəla ń dā̰ gə̄ rāān̄ ní, deē ənge yá̰á̰ gírí aĺ ō. Deē asə kənī kemən njə̄rań aĺ ō, najə̄ yā madə̄ ba̰ā̰ gə̄ tə́. Tɔdɔ̄ kété ní, m̄-sə̄lā de gə̄ malang dɔ naā tə́.

TA KƏLA 44:21

Ḭ̄ ī-mēr̄jí reē seneé yā ka̰a̰n kə kumií.

Teē Ngán Israel gə̄ 14:24

Ta gír loo tə́ anī Kɔ́ɔ̄ɓē ń ra kum hor kə́ ra kə ngālāá ɓururu tə́ ō, dan kil̄ man̄ tə́ ō, a a̰a̰ń de kə́ Ejiptə gə̄ ní, tə̄ndā tḭ̄ḭ̄də́ kɔ̄ɔ́.

PĀ GƏ̄ 34:17

Kɔ́ɔ̄ɓē ənī ngé rāā majaĺ gə̄ rɔ̄, i yā kadə̄ əga kem deē dɔdə́ tə́ dɔ nang tə́ to̰ alé.

JEREMI 39:12

Á̰a̰ gōn majə ō, əndā kumií gírən̄ tə́ ō. Ī-rāā yá̰á̰ kə́ majaĺ sḛ́ý seneé alé ba ī-rāā yá̰a̰ gə̄ ń nel̄ kemən ni ādə̄n.