AMOS 9:3 - Bibəl ta Sar̄

³ Ré nin̄ aw̄ ɓɔ̄ɔ̄n̄ rɔ̄də́ dɔ mbal̄ Karmel tə́ anī, m-ā m-āw̄ yā sāādə́ ba kɔydə́. Ré nin̄ ndigən̄ kadə̄ m-á̰á̰də́ alé, adə̄ aw̄n̄ gír bā bo tə́ anī, m-ā m-ə́da lī kə́ kum bā bo tə́ kadə̄ do̰o̰də́.

Bible sar

³ Ré nin̄ aw̄ ɓɔ̄ɔ̄n̄ rɔ̄də́ dɔ mbal̄ Karmel tə́ anī, m-ā m-āw̄ yā sāādə́ ba kɔydə́. Ré nin̄ ndigən̄ kadə̄ m-á̰á̰də́ alé, adə̄ aw̄n̄ gír bā bo tə́ anī, m-ā m-ə́da lī kə́ kum bā bo tə́ kadə̄ do̰o̰də́.

AMOS 9:3 Referans Kwoze

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

Makətūbə̄ yā Job 34:22

Loo kə́ risə til nding, aké ndíl yo, asən̄ kutə̄ dɔ ngé rāā yá̰a̰ majaĺ gə̄ alé.

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

TA KƏLA 3:8

Dəngam nin̄ kə dəyá̰ oōn̄ kōō Kɔ́ɔ̄ɓē Nə́ɓā a njə̄rā kem ndɔrɔ́ loo sɔlí anī, a̰ȳ aw̄ ɓɔ̄ɔ̄n̄ rɔ̄də́ kɔ̄ɔ́ dan kāgə̄ gə̄ kə́ kem ndɔrɔ́ tə́.

2 SAMUEL 22:46

Kemdə́ taā loo to̰ alé adə̄ nin̄ teēn̄ loo ɓɔ̄ɔ̄ rɔ̄ yādə́ gə̄ tə́ kə rɔ̄ ndebeé.

Makətūbə̄ yā Job 22:13

Loo ń noō tə́ ɓáa, ə́da na ké i rí n Nə́ɓā asə ger̄ wa, ké ni asə ka̰a̰ loo kum kil̄ man̄ kə́ risə til nding tə́ yā rāań sarya sejí wa.

PĀ GƏ̄ 68:23

Kɔ́ɔ̄ɓē əda na n-a n-ḭḭ sedə́ Basan yā reē sedə́ ō, n-a n-teē sedə́ kem bəlo loo gə̄ kə́ gír bā bo tə́ yā reē sedə́ ō,