AMOS 9:13 - Bibəl ta Sar̄

¹³ Kɔ́ɔ̄ɓē əda ɓáý to̰ na: Ndɔ̄ a reē noó kadə̄ kōō i ngá̰ý al̄ naā, adə̄ kōō gə̄ ní a ton̄ bátə́ ugə̄ń dan yā ndɔr̄ gə̄ tə́. Kəja kan̄ kāgə̄ nduú a to bátə́ ugə̄ń dan yā dubə̄ kōō gémē gə̄ tə́ tītə̄ ń noō ō. Loo ń noō tə́ kasə nduú kə́ kijə a nūgə́ dɔ ngán mbal̄ gə̄ tə́ ō, a un dɔ ngán mbal̄ gə̄ ō.

Bible sar

¹³ Kɔ́ɔ̄ɓē əda ɓáý to̰ na: Ndɔ̄ a reē noó kadə̄ kōō i ngá̰ý al̄ naā, adə̄ kōō gə̄ ní a ton̄ bátə́ ugə̄ń dan yā ndɔr̄ gə̄ tə́. Kəja kan̄ *kāgə̄ nduú a to bátə́ ugə̄ń dan yā dubə̄ kōō gémē gə̄ tə́ tītə̄ ń noō ō. Loo ń noō tə́ kasə *nduú kə́ kijə a nūgə́ dɔ ngán mbal̄ gə̄ tə́ ō, a un dɔ ngán mbal̄ gə̄ ō.

AMOS 9:13 Referans Kwoze

JA̰A̰ 4:35

Sḭḭ̄ ə́daī na na̰y nāā sɔ́ tá kadə̄ əjan̄ kōō aĺ a? Banī mā m-ə́dásí na: Ɔ̄rī dɔsí dɔɔ́ á̰a̰ī kōō kə́ kem ndɔrɔ́, kumən ra ho to kəja kɔ̄ɔ́.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

LEBI GƏ̄ 26:5

Ā ī-səɓāī kōō bátə́ yā kugə̄ń dan yā kəja kan̄ kāgə̄ nduú gə̄ tə́ ō, ā ə́jaī kan̄ kāgə̄ nduú gə̄ bátə́ yā kugə̄ń dan yā dubə̄ kōō gə̄ tə́ ō. Ā ə́ngeī yá̰a̰ kəsa ngá̰ý ō, ā ī-ndiī kem ɓē yāsí tə́ kanjə̄ sōl̄ yá̰á̰ kógə̄ḿ ō.

EJEKIEL 36:35

Adə̄ de gə̄ a ədan̄ na: Ɓē ń toō ń i kə́ nujə kɔ̄ɔ́ ní, tél to tītə̄ ndɔr̄ kə́ Eden beé. Ɓē gə̄ ń télən̄ i kɔkərɔ kə́ kán̄ dɔ naā tə́ bing gə̄ ní, ɓē gə̄ ń i kə́ nujə kɔ̄ɔ́ gə̄ ō, de gə̄ əya̰n̄ kɔ̄ɔ́ ō ní, tél rāān̄ gogə́ rang ō, de gə̄ tél ndin̄ kemeé gogə́ ō.

PĀ GƏ̄ 97:5

Mbal̄ bo gə̄ yḛḛ̄n̄ kɔ̄ɔ́ no Kɔ́ɔ̄ɓē tə́ tītə̄ tībə̄ tejə beé, yḛḛ̄n̄ kɔ̄ɔ́ no kɔ́ɔ̄ dɔ nang malang tə́.

NGÉ SARYA 5:5

mbal̄ gə̄ télən̄ kə rɔ̄də́ kə̄ nang tə́ ta kumií tə́ ō, Kɔ́ɔ̄ɓē Nə́ɓā kə́ Sinai, Nə́ɓā yā Israel.

AMOS 9:5

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ɔdə dɔ nang kə jīneé anī dɔ nang ndew. De kə́ tū tə́ gə̄ malang əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

TA KƏLA 49:11

Kāgə̄ nduú gə̄ i ngá̰ý kə̄ loo gə̄ tə́, adə̄ ni a do̰ō̰ kərō yān i tū tə́. Ni a tə́go kūbə̄ yān i kum kasə nduú tə́ ō, kūbə̄ jī yān i kum man̄ nduú tə́ ō.

IJAI 16:10

Rɔ̄nel̄ kə́ ngá̰ý al̄ naā gətóo kɔ̄ɔ́ kem ndɔr̄ kāgə̄ yāsí gə̄ kə́ kan̄ tə́. Deē oō kōō pā, aláa kōō kɔŕ rɔ̄nel̄ kem ndɔr̄ kāgə̄ nduú gə̄ tə́ to̰ alé. Kasə nduú gətóo kem jóon gə̄ tə́, deē mbə́rē kan̄ nduú to̰ alé. Kɔŕ kə́ kənda yá̰a̰ gōtə́ to̰ gətóo.

EJEKIEL 28:26

Nin̄ a ndin̄ loo ń kanjə̄ sōl̄ yá̰á̰ kógə̄ḿ. Nin̄ a rāān̄ kújə gə̄ ō, a ndɔrə̄n̄ kāgə̄ nduú gə̄ ō. Nin̄ a ndin̄ kanjə̄ sōl̄ yá̰á̰ kógə̄ḿ. Tɔdɔ̄ gír de gə̄ ndin̄ kadədə́ gə̄ tə́ á i madə̄ ɓēdə́ kə́ ngé kídə̄də́ gə̄ ní, m-ā m-ún sarya gāngə̄ḿ yā rāań yá̰a̰ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē Nə́ɓā yādə́ i mā.

JOEL 2:24

Kōō gémē rosə kem gár̄ gə̄ ō, Kasə nduú mbə́rē rosə kem jóon gə̄ ba rə̄ɓā kə̄ nang tə́ ō, yibə̄ rosə kem kūn gə̄ ba rə̄bā kə̄ nang tə́ ō.